| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 41

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي تجربتي السيئة جداَ في مركز بردجستون عباس العقاد - Facebook Twitter whatsapp انشر الموضوع فى :

    hasad">

    قبل ما أقول اللي حصل أحب أقول إني بحترم مهندس نجاد شخصياَ جداَ لما لمسته من حب للنصيحة و إفادة الأخرين من خلال تواجده علي المنتدي بس انا قررت عدم التعامل مرة أخري مع مراكز خدمة بردجستون .

    كان عندي مشكلة في 3 كاوتشات في السيارة بينزل ضغطهم بشكل عنيف بدون سبب ملحوظ .. إضافة إلي واحد بينزل لأن فيه مسمار و انا عارف .. المهم قلت يمكن الخوابير نفست ولا حاجة أروح مكان فيه خدمة متميزة و كمان أربط العفشة و أعمل نيتروجين و أَضبط زوايا السيارة .. و علي ذلك توجهت يوم الجمعة الأخيرة في رمضان الساعة 10 من الشيخ زايد إلي مدينة نصر (فقط كل المسافة دي لثقتي في بردجستون) و عندما وصلت لقيت الفرع مقفول الساعة 11 .. رغم معرفتي من خلال سؤالي إن المركز بيفتح الساعة 10 .. المهم قعدت في العربية جوة المحطة لحد ما فتحوا بعد الصلاة لأني معرفش حاجة أوي في مدينة نصر .. و سألوني عايز تعمل إيه .. كذا كذا .. دخلت العربية و سألت علي مهندس نجاد قالولي إن دي الأجازة الأسبوعية.

    فكوا العجلة اللي فيها مسمار و المسمار إتشال و بعد ذلك لقيت العامل المختص بيوسع الخرم ببنطة شنيور أكبر من الخرم بكثير و كان فيه مقاومة من الكاوتش لدرجة إنه زق الشنيور بجسمه !! قلتله بتعمل ليه كدة هيوسع ؟! قاللي لأ هو محتاج يتعمل كدة .. فا سكت .. بعد كدة قاللي هو كدة كبير أوي فا هيكلفك 50 جنيه مش 30 !!!!

    بعد ما بلعت ذلك .. و أن أصلاَ الحجم الأكبر ثمنه يزيد علي العادي بثلثين الثمن .. قاللي هتعمل نيتروجين بقي .. قلتله مش هتكشف علي الباقي انا كنت عايز أكشف علي كله .. قاللي إحنا شفنا الضغط كان كله 28 مزبوط .. قلتله انا عندي 31 مش 28 و بعدين انا لسة مزوده قريب مفيش يومين .. قاللي ماهو بتختلف من مقياس لمقياس .. قلتله انا مش بزوده غير في محطة فيها عداد ديجيتال و لسة مفيش يومين .. قاللي ماهو كدة معدل كويس حضرتك تزوده كل 3 أيام !!!!!!!! قلتله يا سلام 3 أيام ! قاللي أه 3 أيام أسبوع بالكتير .. قلتله و أبقي إستفدت إيه اما أعمل نيتروجين و ألاقي العجل نزل ؟! قاللي ماهو انا هعملك نيتروجين و لو نزل تعالانا تاني .. قلتله انا جي من الشيخ زايد مينفعش أروح و أجي .. قاللي يعني يا أستاذ هحل 4 عجلات و أقعد أكشف علي كل واحدة !؟ (أكني جيت مركز لخدمة تصفيف الشعر مثلاَ!!) فا المهم فهمت من كل ده إنه مش عايز يحل العجل و انا مبحبش أتناقش هذا النوع من المناقشات قلتله خلاص إعمل اللي إنت شايفه بس انا مش هاجي هنا تاني .. قاللي ليه بس و الكلام ده .. قلتله أصل مينفعش انا أسافر بكذا عجلة مش واثق فيهم إعتماداَ علي كلمة حضرتك إن لو حصل حاجة تعالانا تاني و إنت أصلاَ مبصتش عالعجل حتي ! المهم عمل النيتروجين .. و رحت الجزء التاني من المركز .

    عامل ضبط الزوايا كان أخر واحد وصل المركز .. جه متأخر جداَ بعد الصلاة و كان فيه واحد مستني بياريس معايا من قبل الصلاة لبعد الصلاة بنص ساعة تقريباَ .. المهم ربطت العفشة و عند الكشف علي زوايا السيارة كان فيه إنحراف للخارج من العجلتين الأماميتين و طلبت ضبطهم .. و الحقيقة انا مش عارف اللي حصل بس من متابعتي للعمل لقيت إن اللي إتعمل غالباَ ضبط عجلة علي إنحراف الأخري ! لأنه عوج الدركسيون حتي قراءة معينة بعد كدة نزل ربط حاجة في العجلة اليمني فقط و اما خرجت الدركسيون كان معووج و مرجعتش لأن كنت خلاص نفسي قفلت و حسيت إني عملت مشوار كبير بدون أي لازمة و إستفادة .

    بعدها بكام يوم ..

    - سافرت كذا مرة و كانت قيادة السيارة غير مريحة بالدركسيون معووج
    - العجلة اللي إتلحمت اللحام اللي مفيش زيه ب 50 جنيه بتنزل تاني و لقيت ضغطها 15 !
    - باقي العجل ما زال بينزل ضغطه 5 و 6 درجات في فترة أيام تعد علي أصابع اليد الواحدة .

    و لذلك ...

    - توجهت لعامل الكاوتش اللي كنت بروحله لضبط العجل "بلية" لأنه هيرضي يكشفلي عالعجل و يشوف ماله
    - سأضبط المقود في التوكيل خلال الصيانة القادمة .

    و الأهم من ذلك .. لن أدخل أي مركز يحمل علامة بردجستون مرة أخري بعد ما سقت 100 كيلو رايح جي لأصل له و في النهاية أخسر ثمن اللحام اللي مش عارف ليه سرب و الزوايا اللي عوجت الدركسيون و النيتروجين اللي لم أستفد به .. يعني بصراحة انا جيت بمشاكل قليلة مشيت بمشاكل كثيرة و خيبة أمل بعيداَ عن الفلوس .. و أعذروني في أني لن أغير رأيي لأن اللي لمسته من زيارتي "رأي يحتمل الصواب و الخطأ" أن المركز مثله مثل أماكن كثيرة في مصر، لا يدار بإنضباط كالساعة إلا في وجود رجل يحافظ علي النظام، و إذا غاب هذا الرجل غاب النظام و غابت الجودة .. و للأسف انا حظي السئ جابني يوم أجازة مهندس نجاد.

    و يعاب علي مركز كبير مثل بردجستون أن مفيش فاتورة أو ريسييت للخدمات اللي بيعملها الواحد في حالة إن لقيت عيب في جودة خدمة معينة في المستقبل خاصة أن الأسعار مش قليلة و من تجربتي الخدمة تماثل و تقل عن أي بنزينة عادية .

    و أسف علي الإطالة .


    Leadership is based on inspiration, not domination


  2. #2

    الصورة الرمزية kemo0o

    رقم العضوية : 29076

    تاريخ التسجيل : 03Jan2009

    المشاركات : 1,801

    النوع : ذكر

    الاقامة : M'aadi<-->Benha

    السيارة: Mercedes Benz S-Class (S600) 2007

    السيارة[2]: HONDA CIVIC LXI 2008

    دراجة بخارية: ---

    الحالة : kemo0o غير متواجد حالياً

    افتراضي -

    نصيحة مني ليك وبالرغم من ان الناس اللي هنا بتشكر في المركز ده ولكن انا ماستريحتش فيه خالص والحمد لله ماعملتش حاجة هناك خالص غير ان انا كنت ناوي اضبط زوايا ولما لقيت الجهاز قديم وشغال بحبل واخر موديل عربية كان فيه كان 2000 قلت له مش هضبط ومشيت

    المراكز اللي انا استريحتلها بس برضه بعيد عليك اللي هو عمرو بدوي في مدينة نصر في الحي السادس بس بصراحة ناس فاهمة كويس


    Toyota for City ... Nissan for Track ... Honda for Tunning
    Mac for Graphics ..Linux for Servers .. Windows for Solitaire



  3. #3

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,689

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    بالنسبة لضبط الزوايا
    الحقيقة لم أجد أفضل من مراكز درش بأجهزة هانتر الأمريكية

    وبخصوص الكاوتش
    الحقيقة أنا قرأت في المنتدى هنا شكوى مقاربة لكلام حضرتك من بريدجستون عباس العقاد
    والشكوى أيضاً كانت من قلة أمانة الفني هناك وتقريباً نسخة من شكوتك
    والمهندس نجاد رد على هذه الشكوى
    لكن تكررها في غياب المهندس يدل على أن الفنيين هناك نصابين ولا أمان لهم والله أعلم
    والبعد عنهم غنيمة

    وبخصوص إصلاح الكوتش بخابور وتوسيعه ببنطة شنيور
    أنا حاسس إنه نصب وسرقة علني
    أنا أتعامل مع ورشة عادية
    وعمره ما جرأ إنه يعمل حركة زي دي
    ودائما أقوم بعمل لحام داخلي للإبتعاد عن شبهة قطع السلك أو التيل في الكوتش والذي يؤدي في النهاية لرميه

    مهندس أحمد. رحم الله المجاهد سليمان الحلبي, قتل قائد الاحتلال الفرنسي لمصر عندما كان الإسلام هو الوطن facebook.com/AHMED1981


  4. #4

    الصورة الرمزية Imhotep

    رقم العضوية : 22719

    تاريخ التسجيل : 20Oct2008

    المشاركات : 3,543

    النوع : ذكر

    الاقامة : Egypt

    السيارة: none

    السيارة[2]: Accent rb

    دراجة بخارية: none

    الحالة : Imhotep غير متواجد حالياً

    افتراضي -

    انا كمان فى رمضان اللى فات رحت ل دكتور خالد بتاع الزجاج لان كان عندى نقرة فى البربريز بسبب ظلطة..... و للاسف برضه الاداء ماكانش و لابد و برضه سببوا ان الشرخ بتاع النقرة زاد ووسع اكتر وده برضه ضايقنى جدا لانى رحتلهم مخصوص مصر الجديدة لانى مكنتش اعرفلهم فروع تانية و اللى وصفهولى كان عمل الشغل فى الفرع ده..... حسبنا الله من طايفة الصنايعيه منعدمى الضمير.....


  5. #5

    الصورة الرمزية tabeb

    رقم العضوية : 34542

    تاريخ التسجيل : 04Mar2009

    المشاركات : 1,393

    النوع : ذكر

    الاقامة : GIZA

    السيارة: 2olo ya rab

    السيارة[2]: fiat 131

    الحالة : tabeb غير متواجد حالياً

    افتراضي -

    اتمني المهندس نجاد يرد


  6. #6

    الصورة الرمزية Abo_Lina

    رقم العضوية : 624

    تاريخ التسجيل : 12May2007

    المشاركات : 2,860

    النوع : ذكر

    الاقامة : cairo

    السيارة: corolla 07 - wife's

    السيارة[2]: megane 05

    دراجة بخارية: none

    الحالة : Abo_Lina غير متواجد حالياً

    افتراضي -

    معلش شكله بيتعلم

    و على فكرة قياس النيتروجين مش بيختلف لأنه مش بيسخن بس أهو أي فتي في الكنافة من العامل رعاه الله

    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب


  7. #7

    الصورة الرمزية tamertamer

    رقم العضوية : 26835

    تاريخ التسجيل : 04Dec2008

    المشاركات : 5,195

    النوع : ذكر

    الاقامة : القاهرة (مصر الجديدة)

    السيارة: HONDA CBR 919RR

    السيارة[2]: Opel Vectra B

    دراجة بخارية: honda

    الحالة : tamertamer غير متواجد حالياً

    افتراضي -

    ربنا يكون فى عونك انا لو مكانك مكنتش سكت ابدا الطيب فى هذا الزمن يهدر حقة تماما وانا اعتبرك مشترك فى هذة الجريمة وانا اعتبرها جريمة بسبب السلبية البحتة وللاسف انا اعلم جيدا ان السبب وراء عدم تهورك هو اخلاق عالية ونبل كبير احيك واتفق معك


    i love my car


  8. #8

    الصورة الرمزية أبو عبدالله

    رقم العضوية : 97

    تاريخ التسجيل : 23Apr2007

    المشاركات : 11,050

    النوع : ذكر

    الاقامة : ManSOuRa

    السيارة: coRoLLa 06

    السيارة[2]: siRiOn 07

    دراجة بخارية: ان شاء الله

    الحالة : أبو عبدالله غير متواجد حالياً

    افتراضي -

    الحمد لله على كل حال يا محمود
    ولكن انا حاسس انك كنت سلبي
    يعني المفروض اول ما شوفته بيحط شنيور كنت قولتله لأ يا حبيبي نزل العربيه وتفهم الموضوع عالطول

    بصراحه انا لما بلاقي صنايعي اول ما يبتدي يخرف او يستعبط بخليه يقفل الشغل تاني عالطول لأن لو كمل وبوظ هندم اشد الندم

    موضوع الدركسيون
    هو لعب في صامولة البارات بتاعت الدركسيون من تحت فغيرلك مقاساتها من اليمين للشمال او العكس
    فطبعا لازم المفروض الدركسيون يتظبط تاني على الكلام ده
    وده بيتظبط من تحت دواسة الفرامل بيفك صامولة تثبت الدركسيون مع علبة الدركسيون ويظبط الدكسيون على الوضع ده

    ولكن هو واضح انه صنايعي مش اد كده او مكنش عاوز يشتغل
    والله اعلم

    عن أبي هريرة قال :
    قال رسول الله صلى الله عليه وسلم :
    إذا قال الرجل لأخيه :جزاك الله خيرا ، فقد أبلغ في الثناء


  9. #9

    الصورة الرمزية Samah AbdAllah

    رقم العضوية : 35540

    تاريخ التسجيل : 15Mar2009

    المشاركات : 26,486

    النوع : انثى

    الاقامة : Egypt_Alexandria

    السيارة: لا يوجد

    السيارة[2]: لا يوجد

    دراجة بخارية: -

    الحالة : Samah AbdAllah غير متواجد حالياً

    افتراضي -

    لا حول ولا قوة الا بالله الامانة عملة نادرة جدا
    المفروض مركز له اسمه زى ده يكون مختار عماله بعناية


  10. #10

    الصورة الرمزية Hany.ElBaathy

    رقم العضوية : 19790

    تاريخ التسجيل : 22Sep2008

    المشاركات : 410

    النوع : ذكر

    الاقامة : Tagamo3 Khames

    السيارة: non

    السيارة[2]: BMW 320I 2009

    الحالة : Hany.ElBaathy غير متواجد حالياً

    افتراضي -

    hasad">

    بريدجستون العبور ممتاااااااااااااااااااااا ز منتهى الذوق و الفهم و فاتورة ب 20 جنيه بس و الاهم السرعة و عدم تضييع الوقت



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. أفاده فى عباس العقاد
    بواسطة حماده عزو في المنتدى المنتــــــدى الاجتمــاعى
    مشاركات: 7
    آخر مشاركة: 03-03-2012, 06:53 PM
  2. بريدجستون عباس العقاد ...... أصدق مين ولا مين؟؟؟
    بواسطة SonaSteel في المنتدى نيـــــــــسان
    مشاركات: 14
    آخر مشاركة: 15-01-2011, 01:47 PM
  3. من حلوان الى فرع بريدجستون عباس العقاد
    بواسطة meeg في المنتدى دليل الطرق الداخلية وطرق السفر
    مشاركات: 5
    آخر مشاركة: 14-07-2010, 03:07 PM
  4. مركز بريدجستون فى عباس العقاد
    بواسطة aratux في المنتدى مشاكل اجزاء التعليق
    مشاركات: 3
    آخر مشاركة: 06-04-2009, 09:23 PM
  5. إزاى أروح مركز كارتك من عباس العقاد؟؟
    بواسطة HiTcH في المنتدى هيــونــداى
    مشاركات: 2
    آخر مشاركة: 25-07-2007, 02:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2