الموضوع: ايه احسن كتاب قريته وتنصح الناس بيه

من اجمل ما قرأت.... stop worring and start living(دع القلق وابدأ الحياة ) لدايل كارنجى

المشاركة الأصلية كتبت بواسطة ams

ألبرت أينشتاين : "الخيال أهم من المعرفة.المعرفة محدودة بينما الخيال يشمل العالم كله، يحفز على التقدم و يولِّد التطور".

بالنسبة للخيال العلمى فانا بصراحة انبهرت تماما بجول فيرن الراجل ده طلعنا القمر قبل ما نطلع فعلا بقرن او اكتر لما كان الطيران نفسه شىء بعيد و بنفس الفكرة مدفع كبير يرمى كبسوله بس الفرق انه دلوقتى مش مدفع لأ صاروخ ، فالخيال فعلا اهم من المعرفة

سيدي الفاضل :
هل تعرف ما المقصود بقول اينشتين ان الخيال افضل من المعرفة ؟؟؟
المقصود مش ان احنا نقرأ؟ قصص خيالية ونعيش الوهم .. المقصود ان الواحد يتخيل ويفكر في غير الموجود .. مش انه يقرأ قصة تاخد منه كام يوم ويقول ان بينمي الوعي ..
وهقول لحضرتك حاجة : حضرتك بتقول ان جول فيرن طلعنا القمر في فصة قبل منطلعه .. طب هو احنا لازم عشان نطلع القمر ونتخيل ان احنا طلعناه ان احنا نطتبله قصه .. يكفي انها تكون فكرة متخيلة في مخك ..
الدليل : حضرتك لو قريت كتاب عن القمر وحضرتك ليس لك اي معلومات عن الفيزياء او الهندسة .. ممكن اعرف الخيال هيوصلنا القمر ازاي ؟؟
فباين ان المقصود بالخيال هو الابتكار والقدرة علي التخيل الهادف من اجل التطور ..
هو انا لو بقرأ قصة زومبي او مصاصي دماء .. ايه وجه الاستفادة منها بعد مقرأها .. كل الاستفاده في المتعة وانا لا انكر دورها بس انا فقط بحدد الاوليات ..

حضرتك اينشتين كان بينام 4 سعات في اليوم وطول اليوم في ابحاثه هل تتوقع انه كان بيقرأ كتب خيال علمي ؟


التقدم مش محتاج كتب خيال علمي ..لأ دا محتاج مخيلة قوية بدون ادب .. القصة بتاخد فكرة تخيلية وتضعها في قالب ادبي ..

وبعدين حضرتك بتقول اينشتين قال الخيال افضل من المعرفة ..طب دا شخص ملحد .. طب ايه رأيك مثلا في لما اشرف الخلق يقول خيركم من تعلم القرآن وعلمه .. نسمع مثلا كلام مين .. يبقي نقرأ قرآن ونتعلمه والا نقره رويات خيالية عشان اينشتين قال كدا ..؟ (على الرغم ان اينشتين لم يقصد الرويات الخيالية)


ثانيا اينشتين دا انسان زيه زيي مثلا وكل شخص له فكره .. ولعلمك انا اينشتين مثلي الاعلي علميا .. عشان حضرتك متظنش ان انا بذمه او بكرهه .. بس انا باخد منه اللي يفيدني علميا وشخصيا اللي بلقيه صح ..

ثالثا: انا لو حضرتك قريت انا كاتب ان انا مش ضد قراءة القصص الخيالية .. بس انا بكلم كنصيحة فبقول للأخ الكريم الافضل لك البدء بالعلم الشرعي ..



ثم في حاجة غريبة انا مستغربها : كيف ان انا اقول للشخص الافضل ان تقرأ في العلم الشرعي لأنه سيفيدكدنيا واخره او الكتب العلمية .. وحضرتك تقول ان اينشتين بيقول الخيال اهم من المعرفة ؟؟
هو هل تخيل الانسان افضل من معرفة علمه الشرعي وهل خيال الانسان افضل من العلم الحقيقي(فيزياء - احياء - طبيعة - كمياء .... الخ)




اسف علي الاطالة
واتأسف جدا لو كنت سهوت في كلامي وضايق حضرتك
ووالله انا لا اقصد به اي شخص انا بكلم وبعلق علي كلمة اينشتاين للافادة فقط ..

أي كتاب لبهاء طاهر هايغير جواك كتير و يعلي بأفقك

الحب فى زمن الكوليرا رائعة ماركيز

يا جماعة ياريت تقولو الكتاب بيتجاب منين و بيتكلم عن اه ؟؟؟؟

المشاركة الأصلية كتبت بواسطة dr zezo

رواية عزازيل

اخر كتاب قرأته

رائعة جدا

بخلاف ما يتكلم عنه الراهب المصري هيبا عن العقائد المسيحية و الاختلافات و ما زاد عليها وما نقص
ووصفه بأن اغلب سكان مصر وقتها كانوا وثنيين و لم يكونوا مسحيين الخ


فالأسلوب البلاغي رائع

ووصف الحياة في مصر القديمة - القرن الخامس الميلادي - مشوق


بالنسبة لي علي الاقل حيث اني اتحرق شوقا لمعرفة كيف كان يعيش الاقدمون

الرواية بأكمله عبارة عن ترجمة حرفية لبرديات عثر عليه في دير اثري قديم في حلب لراهب مصري كان يسكن هناك اسمه هيبا

انا نزلتها من الانترنت و اذا ارادها احد فهي في دار الشروق او ارفعها لكم خصيصا

ياريت لو حضرتك ترفعها لينا فعلا