عرض جديد علي التيريوس

**M.Mosaad** · 02-10-2009 11:45 PM

انا مش عارف توكيل ديهاتسوا رايح لحد فين
يعني عاوز كل الجديد في الشرع يبقي ديهاتسوا النهاردة في الاهرام منزلين عرض علي الجراند تيريوس معاها شوية هدايا
1- تليفزيون LG 32 بوصة LCD
2- 2 دي في دي في ضهر الكراسي الاماميه
3- play station 2
شوية حاجات في حدود 10000 جنيه
يعني هو بيكسب كام في العربيه علشان ينزل الهدايا دي كلها
سؤال بقي انتشار العرييه بالشكل دة كويس و لا وحش بالنسبة لينا احنا ملاك العربيه
يعني انا معايا سيريون و التوكيل وصل انه نزلها من غير مقدم
فايه رايكم دة هيبقي في صالح اعادة البيع و لا لأ
و دة افضل و لا انه ينزل سعرها
يعني كان ممكن بدل الهدايا دي ينزل السعر 10000مثلا دة احسن و لا السياسه دي

**tifacivic** · 03-10-2009 12:26 AM

لأ طبعا هو افضل له ينزلها بالكلام ده لانه مش هيقف عليه ب 3000 جنيه لأنه بيعمل تعاقدات علشان الكلام ده شوف كام بلاى استيشن و كام تليفزيون و كام دى فى دى..

ثانيا البلاى ستيشن ملهاش تمن دلوقتى و شاشات الدى فى دى

يعنى العملية بالنسبة له عامله زى المستورد اللى بيجيب من الصنف 1000 قطعه ب 40% من قيمتهم و يبقى اشترى القطعة بعد الجمارك و الشحن ب 50% من قيمتها الاصلية.

يعنى هو ضحك عليك بأنك اخدت حاجات كتيير فى نظرك هى غاليه بس بالنسبة لتعاقداته هبل مش هيقلل من تمن العربية 2000 جنيه و كأنه عرض زى ما غبور بينزل 2000-3000 جنيه فى عروضه

لكن الافضل لأى مشترى انه ياخد العربية ارخص 10,000 جنيه اكييييييييييد و 100,000 كمان

**Imhotep** · 03-10-2009 02:04 AM

انتشار العربية يحسن من سعر اعادة البيع و ايضا من امكانية توافر الصيانة و قطع الغيار باسعار معقولة خارج التوكيل...... المشكلة بقى انه يبقى الانتشار زيادة عن طاقة مراكز صيانة التوكيل على الاستيعاب و بالتالى سينعكس ذلك على الازدحام فى مراكز الخدمة خلال فترة الضمان على الاقل لمن يواظب على الصيانات فى التوكيل...... انا شخصيا نفسى فترة الضمان تنتهى على خير عشان اشوف مركز كويس اعمل فيه صياناتى و ميكونش حراق و لا فيه انتظار لمدد طويلة زى التوكيل.....

**madoo** · 03-10-2009 03:32 AM

يا ابن الأيه يا دايهاتسو

**medo_sirion** · 03-10-2009 02:12 PM

المشاركة الأصلية كتبت بواسطة madoo

يا ابن الأيه يا دايهاتسو

**hhhmmmzzzz** · 03-10-2009 10:14 PM

المشاركة الأصلية كتبت بواسطة mohamed_momi88

2- 2 دي في دي في ضهر الكراسي الاماميه
3- play station 2
شوية حاجات في حدود 10000 جنيه
يعني هو بيكسب كام في العربيه علشان ينزل الهدايا دي كلها

يا سلام2دى فى دى و2بلاى ستيشن طب يخلو من كل حاجة واحدة وبشوفوا باقى العيلة بتاعتهم(سيريون وماتيرا)باى حاجة ولا دول غلابة وهى علي راسها ريشة
ديهاتسو الاب وابنائها قليلين(ده حتى محدد النسل فى3موديلات) ف ليه التفرقة فى المعاملة بقى

**hhhmmmzzzz** · 03-10-2009 10:41 PM

بقول ايه حد سال علي السعر الجديد يكونو زودوه شوية يعنى واحد رايح يشترى عربية ب150الف مش هتفرق لما يدفع152الف مثلا
وبعدين الوكيل بيبيع بسعر اغلى ودى عن تجربة عند شرائى للسيريون جبتها من المصرية للسيارات اقل 2000ج فهل حد معنا هنا حصل له نفس الموقف؟؟؟؟؟؟؟؟؟؟؟؟؟؟؟؟؟ وليه الوكيل بيبيع بسعر اعلي مع انها عربيته وبعدين لو جبتها من تاجر هقول ده بيحرق الاسعار لكن المصرية للسيارات شركة كبيرة فلما تضحى ب2000ج من مكسبها فده فى صالح ايه؟؟؟؟؟؟؟؟؟؟؟مع العلم انى لما اتصلت بالوكيل لم اجد اجابة مقنعة مثلا قالى هيخموك فى التسليم؟هيدوك حاجة ناقصة؟؟ وماحصلش اي حاجة من دى
ياريت لو حد مر بالتجربة او عنده خبرة يفسر لنا ايه اللي بيحصل

**osama555** · 07-10-2009 09:59 PM

انا جبتها امبارح السعر من المصرية 155500 والهدايا بعد الترخيص يعنى مش جوة العربية - انا ركبت العربية نص ساعة وركنتها عاوز نصيحة من حد معاه جراند فى القيادة المثلى ليها وشكرا

**M.Mosaad** · 07-10-2009 10:46 PM

الف مليون مبروك يا باشا و ربنا يديك خيرها و يكفيك شرها
انا مش هقدر افيدك لانها مش معايا
بس انت ربنا كرمك بصفقه كويسة انشاء الله
اللي اقدر اقوله حافظ علي الصيانات الدوريه و العربيه انشاء الله هتفضل زي ماهي