إستفسارات سريعة بخصوص سيارتى اللانوس

**popahly** · 03-10-2009 08:53 PM

تحية كبيرة لكل الناس المحترمين فى المنتدى الجميل اللى مبيبخلوش علينا بأى معلومة أو إستفسار
ليا بعض الإستفسارات أرجوا مساعدتى فيها سيارتى لانوس 1 م99

1- فى حاجة اسمها عمة سفلى دى فوق العجلة الشمال قدام تحت فلتر الهواء ودى إيه لازمتها ولو مش موجودة تأثر فى ايه فى السيارة.
2- ليه لما ادوس فرامل جامد بسمع صوت زى صفارة خفيفة كدا مع العلم لسه مغير التيل والطنابير والبلى.
3- بسمع ساعات صفارة فى المنحنيات والعجل الشمال امامى إبتدا يتاكل من الداخل ما هو السبب والحل ايه هل هى زرجينة وياريت اعرف ايه هى الزرجينة، وهل لو بدلت الفردة اليمين مكان الشمال مش هسمع صوت الصفارة دى فى المنحنيات.
4- ساعات الفتيس وانا برجع للخلف بيعض معايا بس 90% مبتحلصش قليل جدا اما يعض معايا فى الرجوع فقط انما فى النقل زى الفل ومفيش مشاكل.

وشكرا لكل من يساعدنى فى هذه النقاط...........

**waleedrahmy** · 03-10-2009 09:32 PM

المشاركة الأصلية كتبت بواسطة popahly

تحية كبيرة لكل الناس المحترمين فى المنتدى الجميل اللى مبيبخلوش علينا بأى معلومة أو إستفسار

ليا بعض الإستفسارات أرجوا مساعدتى فيها سيارتى لانوس 1 م99

1- فى حاجة اسمها عمة سفلى دى فوق العجلة الشمال قدام تحت فلتر الهواء ودى إيه لازمتها ولو مش موجودة تأثر فى ايه فى السيارة.
2- ليه لما ادوس فرامل جامد بسمع صوت زى صفارة خفيفة كدا مع العلم لسه مغير التيل والطنابير والبلى.
3- بسمع ساعات صفارة فى المنحنيات والعجل الشمال امامى إبتدا يتاكل من الداخل ما هو السبب والحل ايه هل هى زرجينة وياريت اعرف ايه هى الزرجينة، وهل لو بدلت الفردة اليمين مكان الشمال مش هسمع صوت الصفارة دى فى المنحنيات.
4- ساعات الفتيس وانا برجع للخلف بيعض معايا بس 90% مبتحلصش قليل جدا اما يعض معايا فى الرجوع فقط انما فى النقل زى الفل ومفيش مشاكل.

وشكرا لكل من يساعدنى فى هذه النقاط...........

1-العمة دي مش عارف قصدك ايه 2-الصوت ده راقبه شوية لغاية الطنابير والتيل لما يطبعوا 3-اضبط زوابا ورصص وهات كاوتش جديد بدل ال متأكل 4- دوس دبرياج للاخرررر لما تنقل للخلف

**popahly** · 03-10-2009 09:43 PM

المشاركة الأصلية كتبت بواسطة waleedrahmy

1-العمة دي مش عارف قصدك ايه 2-الصوت ده راقبه شوية لغاية الطنابير والتيل لما يطبعوا 3-اضبط زوابا ورصص وهات كاوتش جديد بدل ال متأكل 4- دوس دبرياج للاخرررر لما تنقل للخلف

اخى وليد شكرا ليك على إهتمامك..

بالنسبة للعمة دى مش عارف واحد قالى اسمها عمى سفلى ودى مش موجودة الا استيراد بس معرفش اهميتها ايه.

بالنسبة للتيل والطنابير مكملوش اسبوع وهصبر عليهم واتابع.

اما بخصوص الكاوتش الزوايا لسه ظابتها من يومين تقريبا الترصيص دا بقى لسه والكاوتش متاكلش كله هو كان لسه كويس بس المشكلة انه اتاكل من الأطراف الداخلية

اما بالنسبة للدبرياج انا بدوس للأخر فعلا ولما تحصل العضة دى بشيل رجلى واحطها تانى للأخر برضوا تعمل العضة دى، بس الكلام دا مش على طول ساعات بتكون ناعمة جدا

وبشكرك مرة تانى اخى العزيز على ردك

**Mosmafa** · 03-10-2009 09:44 PM

موضوع عضة الدبرياج ده ناس كتير سالت فيه
دوس دبرياج ثانيتين بس و انقل و مش هتلاقي اي مشكلة

موضوع تاكل الكاوتش ده حاجة من الاتنين مالهمش تالت
زاويا وان مكانش يبقى المساعد باظ اللي راكب ناحية الفردة دي
وموضوع الزرجينة ده متقولوش لانه بيتعمل في حالة لا قدر الله عوجة في الشاسيه وافتكر انها مش عندك

**popahly** · 03-10-2009 10:25 PM

شكرا علي اهتمامك اخي مصطفي بس موضوع الزرجينة دا انا معرفهوش سمعت عنه بس علشان كدا بسأل وممكن يكون عيب في الكاوتش نفسه هابص علي الفردتين بكرة بإذن الله

**MMamdouh** · 04-10-2009 11:25 AM

العمه السفلى بتقال عليها برضة الزير او المكملة

دى شغلتها تقليل الصوت اللى بيعملة سحب الهوا للموتور... لو لغيتها حتلاقى السحب اتحسن بس صوت المكنة على خصوصا لما تكبس بنزين

MMamdouh

**MMamdouh** · 04-10-2009 01:05 PM

المشاركة الأصلية كتبت بواسطة popahly

1- فى حاجة اسمها عمة سفلى دى فوق العجلة الشمال قدام تحت فلتر الهواء ودى إيه لازمتها ولو مش موجودة تأثر فى ايه فى السيارة.

باقى تفاصيل الاجابة فى اخر المداخلة

2- ليه لما ادوس فرامل جامد بسمع صوت زى صفارة خفيفة كدا مع العلم لسه مغير التيل والطنابير والبلى.

ممكن التيل مش حلو... يكون فيه نحاس زيادة او كدة... او يمكن لسة بيطبع... ه والتيل نوعة ايه و عملت بيه كام الف لحد دلوقتى؟؟

3- بسمع ساعات صفارة فى المنحنيات والعجل الشمال امامى إبتدا يتاكل من الداخل ما هو السبب والحل ايه هل هى زرجينة وياريت اعرف ايه هى الزرجينة، وهل لو بدلت الفردة اليمين مكان الشمال مش هسمع صوت الصفارة دى فى المنحنيات.

راجع على الزوايا الاول عند حد محترم قبل ما تعمل اى حاجة

4- ساعات الفتيس وانا برجع للخلف بيعض معايا بس 90% مبتحلصش قليل جدا اما يعض معايا فى الرجوع فقط انما فى النقل زى الفل ومفيش مشاكل.

عادى... اصبر ثانية بين دوسة الدبرياج و تعشيق المارشدير... المارشديير فى العربيات دى حساس شوية

المشاركة الأصلية كتبت بواسطة popahly

شكرا استاذ ممدوح على ردك بس انت رأيك ايه اجيبها استيراد ولا خليها متشاله زى مهى لانها مش موجودة اساسا فى العربية عندى..

بص... لو الصوت مش مدايقك خلاص... لو عايزها حتكلفك بتاع 100 جنية استيراد

MMamdouh

**Akram** · 04-10-2009 09:15 PM

رد محمد ممدوح 100 100

الموضوع: إستفسارات سريعة بخصوص سيارتى اللانوس

LinkBack

أدوات الموضوع

عرض

-

-

-

-

المواضيع المتشابهه

إستفسارات بخصوص بعض كماليات تويوتا ياريس (فوجات+انذار+نواكل للأكر)

للبيع سيارتى اللانوس 2

مجموعة إستفسارات بخصوص طباعة المصحف

إستفسارات بخصوص الانسر شارك

إستفسارات بخصوص التمبرا

الكلمات الدلالية لهذا الموضوع

المفضلات

المفضلات

ضوابط المشاركة