استفتاء تشترى كورى جديد او يابانى مستعمل بنفس السعر

**Lion_Heart** · 27-03-2009 06:55 PM

الزيرو............لكن المستعمل مش مضمون

**HOSAMSAMSOON** · 28-03-2009 06:38 PM

المشاركة الأصلية كتبت بواسطة semsem kane

ياباشا انا ان شاء الله هاجيبلك ان الالنترا الجديدة وأى عربية كورى عمرها مابتدى هورس باور صح وعلى فكرة معلش ماحدش يقنعنى ان الماتور ال1600 هايطلع 121 حصان وال2000 بتاع نفس الشركة ونفس التكنولوجيا هايخرج 138 مش شايف انة فرق قليل جدا يعنى ماتور 2000 سى سى مش اقل من 160 حصان لكن عشان الكورى تعبان مش هيخرج اكتر من كدة وبعدين لو بقى هاتتكلم عن اليابانى انا ياباشا معايا sir وماتورها 1600 بيخرج 175 حصان والتكنولوجيا بتاعت المواتير دية الكورى ماوصلهاش اللى هية i-vetch ومتهيئلى ان مافيش ماتور فى العالم لحد دلوقتى طلع القوة دية من سعة الماتور دة
ودة يدل على ان اليابانيين متطورين جدا وعندهم احدث انظمة من زمان وراحة ركوب ورحابة وتحمل والله مالقتهمش فى عربية كورى من نفس الفئة موديلات 2008 وكل عربية منهم تلاقيها فيها عيوب كتير جدا لو حد تعرفة كان غاوى سيارات من سنة 1992 قولة العربية اليابانى كانت بتفضل قد اية على بال لما بتروح لميكانيكى وانت تعرف الفرق بين الكورى واليابانى وانا قولتلك من اول الموديلات دية عشان دية كانت عصر اذدهار اليابانى وقدم سيارات فى الوقت دة تفوقت على الالمانى وبعدين ياجماعة زى ماقلتلكوا هية فى الاول وفى الاخر وجهة نظر بس انا اللى بتكلم فية ان كل واحد المفروض يجيب عربية جديدة عشان تريحة ويستريح من قرف الميكانيكية لكن مش هو دة اللى بيحصل مع الكورى الجديد وعندكوا بقى(الفيرنا-الانترا-النيو اكسنت-دايو)كل دول عربيات والله مابتستحمل شغل اصلا واسال كل اللى راكب كورى لو معاة اكتر من كدة عمرة ماهيفكر فية ابدا بس بيقول انة راكب عربية فيها كماليات وناعمة وجديدة ودة استخدامة لكن لو واحد بيحب يجرى وشد وحوارات ولا هايستحملة الكورى وعن تجربة ومش لوحدى لا دة اصحابى كمان وعلى فكرة هما كرهوا الكورى بكل قرفة عشان دة مش رائى لوحدى وانا عمرى ماهعترف بعربية كورى ولو قدامى يابانى حالتة نظيفة وكورى جديد هاختار يابانى مستعمل

والله انتا واحد بتفهم جدا جدا و جامد اووووووووى:k10:

**SAMEH_FOUAD** · 02-04-2009 08:18 PM

شكرا ليك جدا ياباشا بس هية حاجة منطقية انى اجيب عربية كورى زيرو بمجرد لما احط فيها المفتاح هتنزل 10000 جنية وبعد سنة هتنزل قدهم ودة عن تجربة مش كلام وخلاص انا واحد صاحبى جاب افيو كورى موديل 2007 العربية والله نظيفة جدا ومافيهاش خدش وبايعها بكاسيت سنتريت سونى كمان ب60 الف وتقسيط وكانت هتبقى ب53 الف لو كاش وكان جايبها 74 يبقى مش حرام عليا ومعلش عربيات يابانى كتير موديل تسعينات وتمنها اغلى من كورى جديد ومستعمل موديل 2009/2008
وياريتك هتجيب الجديد يعيش معاك لا دانت كل شوية هتلاقى فية مشاكل كتير ممكن تزهقك من العربية
خلية بقى يفرح بعربية زيروووووووووووووووووووووو ووووووووووووووووووووووووو وووووووووووووووووووووو كورى

**mecho_392** · 02-04-2009 10:01 PM

طبعا كورى جديد و مبصش ولا ليابانى و لا المانى و لا عفريت ازرق.. يعنى انا لما اشتريت i10 ب 60,000 ما كنت ممكن اجيب جولف او بولو او لانسر او اى زفت و المستعمل مفهوش و لا المانى و لا يابانى ممكن تلبس عربية تخليك تكره العربيات و اقعد غير بقى يا معلم.. زى واحد صاحبى كان عنده عربيتين غيرهم مع بعض و اشترى النترا 2006 زيرو (الشكل القديم) وopel vectra 2000 cc automatic مستعملة و بعد كام شهر الفتيس الاوتوماتيك باظظظظظظظظظظظ فيها ده غير انها عطلت بيه راح بايعها.
قولى بقى استفاد ايه؟؟؟؟؟؟؟؟؟؟؟؟؟؟؟؟؟

**SAMEH_FOUAD** · 04-04-2009 03:21 AM

المشاركة الأصلية كتبت بواسطة mecho_392

طبعا كورى جديد و مبصش ولا ليابانى و لا المانى و لا عفريت ازرق.. يعنى انا لما اشتريت i10 ب 60,000 ما كنت ممكن اجيب جولف او بولو او لانسر او اى زفت و المستعمل مفهوش و لا المانى و لا يابانى ممكن تلبس عربية تخليك تكره العربيات و اقعد غير بقى يا معلم.. زى واحد صاحبى كان عنده عربيتين غيرهم مع بعض و اشترى النترا 2006 زيرو (الشكل القديم) وopel vectra 2000 cc automatic مستعملة و بعد كام شهر الفتيس الاوتوماتيك باظظظظظظظظظظظ فيها ده غير انها عطلت بيه راح بايعها.
قولى بقى استفاد ايه؟؟؟؟؟؟؟؟؟؟؟؟؟؟؟؟؟

معلش انا مش بجيب عربية مستعملة وباخدها وبمشى لا لازم تتفحص كويس واكيد ودية حاجة معروفة انت بتجيب عربية مستعملة يبقى تعمل حسابك بعد ماتشتريها انك تشيلها كام الف كدة حسب نوع العربية طبعا وتظبطها بيهم وترجعها كانها زيرو وبعد اسبوعين بالظبط هتحس ان العربية بتاعتك من الاول وانت عارف عنها كل حاجة. وانت لما بتيجى تشترى عربية مستعملة مش بتفاصل مع صاحبها وتقولة لأ دية فيها وفيها عشان تنزلك كام الف ودول بقى اللى بتظبط بيهم العربية وترجعها جديدة
لكن ياباشا لو جيبت عربية زيرو ومعجبتكش هتعمل اية هتبيعها بكااااااااااااااااااااااا م طبعا بالنسبة للكورى اكيد هتبيعها بخسارة كبيرة مش اقل من 10000 الف جنية وعلى فكرة دة حال كل العربيات الجديدة وخاصة البى ام والمرسيدس ممكن يخسروا فوق 60 الف جنية مع اول 20000 الف كيلو بالعربية بس عشان حاجة اللى راكب بى ام ب600 الف وحب يبيعها لازم ينزل فيها جامد عشان عارف ان اللى هيشترى دية مش هتفرق معاة 20 الف جنية فهيجيبها جديدة احسن عشان كدة بتنزل جامد
لكن بقى الكورى الناس اللى يدوبك بتجيب عربية تمنها كلها مايزيدش عن 100 الف جنية وتبيع العربية بعد كام كيلو ب85000 تعمل اية
وكمان انت عندك عربيات يابانى كتير برقبة الكورى من موديلات 1990 لحد 2007 حرام ادفع فى حاجة جديدة وعارف انها هتقرفنى على المدى القريب فى كل حاجة ان مكنش فى قطع غيار يبقى فى تحمل يبقى فى صاج ومشاكل فجاة طيب انا (هاقولك حاجة بس تجاوبنى بصراحة شوفت كام عربية كورى جديدة بتتصلح او عطلانة) انا عن نفسى ويمكن ماتصدقهاش
3 عربيات فيرنا فى يوم واحد عطلانين على الطريق والانترا 2008 كانت على كوبرى قصر النيل طبعا دايو لانوس كتير جدا وغالبا الموديلات اللى بشوفها عطلانة عن اى نوع كورى هية الهيونداى بجميع انواعها
خلاصة الكلام فية ناس بتحب الجديد وراضية بية وناس بتحب المستعمل النضيف لانها بتشوف ان دية عربيات لايمكن تعويضها مهما حاولوا لان يوم عن يوم اللى بتعملوا الشركات انها بتحاول تقوى الماتور على حساب الشاسية والمتانة وبالتالى كثرة الحوادث ودة الكورى باختصار شديد جدا

**SAMEH_FOUAD** · 04-04-2009 03:24 AM

وبعدين هاقول حاجة بسيطة جدا الكورى موديل 2006 مستعمل 1600 سى سى بتمن عربية يابانى موديل 1994 يبقى ايهما (افضل)
ولو عايز امثلة ممكن اقولك بس هتلاقى كتير جدا