العربية فيها حساس مطر !!!!!!!!

**beihoo** · 04-10-2009 12:56 AM

النهاردة فتحت الكتالوج بتاع العربية أبص عليه شوية و لقيت مفاجأة !!

فيه زرار كده في دراع المساحات مكنتش فاهم بيعمل إيه بالضبط لكن اكتشفت إن حساس المطر .. بيزود سرعة المساحات حسب كمية المطر المتساقطة على الزجاج .. ده مش معناه إن هايشتغل أوتوماتيك أول ما المطر ينزل لكن أنت بنتقل ذراع المساحات على أول نقلة و بعدين من الزرار ده بتحدد حساسية العربية للمطر.

حاجة ظريفة جدا .. نستنى بقى للشتا و نجربه أو كمان كام يوم كده أجيب خرطوم ميه و أجربه.

من الحاجات اللي اكتشفتها برضه و عجبتني إن العربية لو مشيت بيها و الهاند بريك مرفوعة هاتزمر .. بصراحة ميزة هايلة لواحد دماغه مش معاه عادة زيي.

حاجة تانية لو الدينامو مش بيشحن كويس هاتنور لمبة و تديك صوت تحذيري

و لو الحرارة عليت جامدة هاتنور لمبة و تدي صوت تحذيري أيضا .. نفس الشيء لو البنزين قرب يخلص

كلها حاجات مهمة خاصة للي مش بيهتم يبص على كل العدادات اللي قدامه.

**ehab_mansour** · 04-10-2009 07:15 PM

الله ينور عليك يا محمد
للأسف عيب علينا قوي نركب عربيات ومش عارفين امكانياتها ياريت تدور علي كل حاجه عشان تثبت للناس اللي بتقلك فقيرة في الكماليات
والله المستعان

**eng.octooo** · 05-10-2009 02:23 AM

احساس حلو لما تكتشف حاجة جديدة كويسة وعقبال ما تكتشف انها ليون ههههههههه مبروك على الاكتشاف

**mr_shims_49** · 09-10-2009 11:38 PM

انا برده مكنتش عارف الزرار ده بتاع ايه شكرا يا محمد

**Sharky** · 10-10-2009 12:20 AM

على فكرة انت حتلاقى حساس المطر متركب ورا مراية الصالون
يعنى لو جبت بخاخة ميه و رشيتها على الزجاج الأمامى من بره ناحية مراية الصالون حتلاقى المساحات حتشتغل :)