العربية فيها رجه على التالت

**marawansabry** · 27-02-2011 11:31 AM

العربية فيها رجة كدة على التالت .. ميش على اي سرعة تانية .. لما بكون على التالت وبعدين اشيل رجلى من على البنزين واحطها تاني بيكون في رجة جامدة في العربية بتروح لو شيلت رجلى من الدواسة .. والكلام دة ميش على اي سرعة تانية يعني ولا على الاول ولا التاني ولا الرابع ولا الخامس
ميش عارف اية السبب وياريت لو حد عندة معلومة .. وجزاكم الله خيرا

**أبو إياد** · 27-02-2011 02:34 PM

بعد الترصيص والكشف على الجنوط والعجل لو مازالت المشكله متواجده تبقى مشكله ديسك وهتحتاج تغيير طقم دبرياج

**marawansabry** · 27-02-2011 09:31 PM

المشاركة الأصلية كتبت بواسطة أبو إياد

بعد الترصيص والكشف على الجنوط والعجل لو مازالت المشكله متواجده تبقى مشكله ديسك وهتحتاج تغيير طقم دبرياج

انا رصصت فعلا بس الرجة من ناحية الموتور ميش من العجل .. بس لو دبرياج اية علاقتة بالتالت بس مبيبنش ليه على النقلات التانية .. وبعدين حاجة كمان لو دبرياج ليه بيبان بس وانا بدوس على البنزين ميش لما بغير النقلة مثلا .. وشكرا لسرعة ردك