السلام عليكم ورحمة الله وبركاته........
انا عن نفسي اخنرت الأختيار التاني حقق نجاح بسيط.
اولا احنا استلمنا السيارة 13/5/2008 يعني بفالها حوالي سنة و5شهور الا 9 ايام عاملة حتي الأن 43000ك تقريبا.
طب ليه انا اخترت الأختيار التاني حقق نجاح بسيط لعدة اسباب منها:
الفتيس حاجة جديدة علي السوق وخاصة علي العربيات الياباني.
الفتيس خارج من مصنع تويوتا جنوب افريقيا ودى حاجة كانت مخوفة الناس حتي للي كان بيشترى مانيوال من ان العربية مش ياباني 100%.
التوكيل معرفش الناس بكيفية عمل الفتيس وكان بيتباع علي انه اوتوماتيك عادى بس مطور حبتين.
هيمنة عقدة المواصفات الخليجي علي عقول المصريين.
فشل التوكيل في التعامل مع مشكلة السوفت وير بتاع الفتيس وتأخر نزوله وكنا من الناس اللى واخدين قرار ببيع العربية لغاية ما نزلنا السوفت وير الجديد .
دي الحاجات الخاصة بالبيئة المحيطة للفتيس .
نيجي بقي نتكلم علي الفتيس نفسه واقول ملاحظاتي عليه:
الفتيس يفضل لأستخدامه من تكون له خبرة بالمانيوال العادي وده كان غير متوفر بالنسبالي واخدت فترة لحد مااتعودت علي الفتيس .
الفتيس متعدد الأستخدامات وذو طابع واداء رياضي يعني بيعطي سحب وعزم عالي بس ده مقابل احساس طفيف بالنقلات خاصة اول نقلتين(لآنه اصلا مانيوال تقليدي) ولو واحد ماسقش غير اوتوماتيك طوال حياته او كان متعلم علي الأوتوماتيك(زي حالاتي) هيستغرب الفتيس ده.
افكار لتطوير الفتيس :
حاجتين في الفتيس وحاجة برة الفتيس :
الحاجتين هما تزويد غيار 6 وان يكون الفتيس غييير تقليدي يعني يكون سلس حتي ينعدم الأحساس بالنقلات.
الحاجة الأخيرة ان يكون الضمان علي الفتيس 5 سنوات بدلا من 3 لأنه حاجة جديدة في السوق.
واسف علي الأطالة.