السيارات الصينى تعنى المتانة و الأمان............

**tutankhamoun** · 09-11-2007 02:21 PM

أنا أتفق مع الجميع أن متانة السيارة مهمة جدا
و لكني كنت أقصد أن القيادة الآمنة تعطيك أمان عالي حتى لو أن هناك ظروف صعبة مثل أغبياء على الطريق و دول طبعا ماشاء الله كتير قوي في مصر أو مثلا الطريق حالته سيئة و برضه الحالة دي متوفرة في مصر
يبقى القيادة الأمنة مع سيارة متينة
و أرجوا أن أكون أوضحت وجهة نظري
و الأستاذ pro-drive
رأيك يا باشا و رأي الأعضاء جميعا على رأسي من فوق و لا داعي للإعتذار و لكنها عندي لها تقدير كبير جدا و شكرا لذوق و أدب حضرتك
و يشرفني أن أتحاور مع إنسان محترم مثلك و هم هنا كثيرون
و شكرا لكل من فند رأيي المتواضع

**gade2** · 10-11-2007 09:40 AM

استرها :roll: علينا يا رب

**eng_mkhalaf** · 10-11-2007 09:43 AM

أختبار أمان تانى
أنا مش عارف لية كل عربية صينى تنتج عالطول أول حاجة ليها اختبار أمان :roll: :roll: ومفيش أى حاجة تانية - ولو فرضنا حسن النية يبقى إلى عايز أمان 100 % يروح ويجيب عربية مصفحة ويخوش يحارب بيها
لو حد عندة اجابة على سؤالى يبقى يقولى

**PRO-DRIVE** · 10-11-2007 12:33 PM

^^^ لو كان الامان في المصفحات كانت اللادا أأمن سياره :mrgreen:

و شكرا يا استاذ توت علي رد حضرتك

**amrya** · 10-11-2007 12:49 PM

ya nhar eswed ....

**haitham samer** · 10-11-2007 03:17 PM

:-) :-) :-) أظن ان 90 منكم لأ يعلم شيأ عن اللأسبرنزا وتحولو التشمت فقط ارجو منكم متابعة باقى الفديو للسيارات الأخري مثل الفيات و السويفت وايضا انظرو الى قوة اصغر سيارة شيرى :neutral: :neutral: :lol: :lol: :lol: :lol: :lol: :lol: :lol: :lol: :shock: :shock: :shock:

**wlng76** · 11-11-2007 12:29 PM

ودى البريليانس تست
http://www.youtube.com/watch?v=F06LjugtIUo

**MoToRiZeR** · 11-11-2007 12:48 PM

المشاركة الأصلية كتبت بواسطة tutankhamoun

و الله يا جماعة أنا معكم في أن السيارات الصيني مصنوعة من خامات رديئة و إن كانت هناك بعض الموديلات الجيدة مثل شيري A11 ......... أو غيرها لأني لست خبير في الصيني
و لكن هناك نقطة هامة و هي القيادة الآمنة التي تحفظ من شر الحوادث
و إذا نظرنا إلى 99 % من الحوادث في مصر مثلا سببها إهمال و رعونة السائقين
و أنا رأيت بأم عيني سيارات أتفرمت فرم مثل اللحمة المفرومة إذا تعرضت لحادث قوي و منها على سبيل المثال سيارة شيروكي و سيارات أخرى أوروبية يابانية الصنع !!!!!!!!!!!!!!!!!!!!!
إذا نوعية القيادة تحدد الآمان ................. و حتى لو سيارتك صيني و تسوق على مهلك و تترك مسافات كافية بينك و بين السيارات التي أمام .............. إذن أنت في آمان تام حتى لو راكب عربية معمولة من الورق أو الخشب

كلام جميل جدا بجد .. و انا برده مع الرأي ان كل العربيات الجديدة عربيات ضعيفة
يعني انا كل يوم عالمحور و بشوف في الحوادث اللانسر و الكورولا متدغدغين .. و عربيتي كليو و اما حد بيقعد عالكبوت بيعلم عليه ..!

و لكن انا بحس ان العربيات الصيني اضعف شوية زيادة .. يعني حادثة علي 100 ولا 120 في عربية تانية بيبقي فيها اضرار قد حادثة علي 70 مثلا بعربية صيني .. من الحاجات اللي شفتها

**hamedo0** · 11-11-2007 02:56 PM

دى لو الصاج بتاها صاج علبة سمنه مش حتفرم كده

**Adham** · 11-11-2007 08:54 PM

المشاركة الأصلية كتبت بواسطة tutankhamoun

إذا نوعية القيادة تحدد الآمان ................. و حتى لو سيارتك صيني و تسوق على مهلك و تترك مسافات كافية بينك و بين السيارات التي أمام .............. إذن أنت في آمان تام حتى لو راكب عربية معمولة من الورق أو الخشب

معلش انا مش معاك خالص, و انت بقى جيت عالجرح

خطأ الغير قاتل

وممكن تبقى واقف في اشارة او على كوبري اكتوبر و تيجي واحدة مابتعرفش الفرامل فين او واحد سرحان و بيتكلم في الموبايل او سكران و يلبس فيك من ورا بسرعته و يلبسك في اللي قدامك و انت واقف من شوية و لا بيك و لا عليك

(حصلت معايا مرتين على كوبري اكتوبر من ستات, لدرجة اني شايفها في المراية و هيه جاية بسرعتها و انا واقف من شوية و عمال ادوس كلاكس علها تتنبة ان العربيات واقفةو هيه بتكلم اللي جنبها و لا هيه هنا لغاية ما طاااااخ - و مرة و انا واقف في اشارة نادي الزهور و بنت بهونداي داست بنزين بدل ماتدوس فرامل و برضة لبست فيا من ورا و انا واقف بقالي مثلا 3 او 4 دقايق)

اعمل اية انا بقى لو انا راكب عربية "ورق" مع الناس دي, مهما انت سواق 100% متمكن و محترف و تعمل اللالي

و دي كلها حوادث بسيطة

فما بالك و انت مسافر في طريق سفر و ميكروباص ارعن او واحد سكران او مابيعرفش يسوق او او ا و او او حتى ضربت منة فردة كاوتش و عربيتة حدفت عليك او اتقلبت قدامك و لا هو غلطان و لا انت غشيم
بص

انا من كتر ما شفت في بلدنا دي بعت عربيتي الهوندا اللي بقالها معايا 9 سنين و اشتريت فرونتيرا شاسيهها زي قضبان القطار
بجد دة اكتر سبب خلاني اجيب عربية متينة و استحمل مصاريف استهلاك بنزينها و قطع غيارها
علشان ابقى متطمن على اولادي و نفسي (مش مهم مراتي ) في العربية و سط العالم اللي سايقة في طرق لا فيها امان و لا قواعد و لا اصول إلا قاعده البقاء للأقوى

الموضوع: السيارات الصينى تعنى المتانة و الأمان............

LinkBack

أدوات الموضوع

عرض

-

-

-

-

-

-

-

المواضيع المتشابهه

نتائج السيارات الصينية المجتازة لأختبار الأمان الصيني

"قسم السيارات الصينى نايم" تعالوا نصحصح (ماهى السيارات الصينى داخل مصر) موضوع متجدد

رئيس «المواصفات والجودة»: السيارات الموجودة فى مصر تفتقد الأمان..

السيارات الصينى

الى مالكى السيارات الصينى ..

الكلمات الدلالية لهذا الموضوع

المفضلات

المفضلات

ضوابط المشاركة