اول يوم دراسة و المرور مكبر الطاسة
كل سنة و أنتوا طيبين ....
النهاردة اول يوم لبدء الدراسة (فعليا) في معظم المدارس و الجامعات
لكن أيه رأيكوا في حالة المرور النهاردة ؟؟ :T_thum1[1]:
أنا شخصيا قطعت المسافة من بيتي (في الرحاب) لشغلي (ألماظة) , يعني حوالي 16 كم في ساعة ألا ربع لأن الطريق كان واقف تماما في الكيلو 4 و نص و عند ألماظة
و الاغرب انا ماشوفتش عسكري و لاظابط و لا حتي أشارة مرور مش عارف كانوا فين و بيعملوا أيه ؟؟ :policeman:
ده مش أول يوم مدارس__ده انتحار!
طب معلش يا جماعة..حد من اللي اولاده في المدارس يفهمني..اللي بيحصل في الشوارع من الصبح لدلوقتي ده ايه؟ و ليه؟
يا جماعة ماحنا كل سنة فيه مدارس و جامعات..و أول يوم عمره ما بيبقي كده!!
أنا بابعث الكلام ده و أنا داخل علي النت من الموبايل في العربية..الطريق يوميا يأخذ 8 دقائق و هو حوالي 4كيلو..بقالي ساعة و ربع في العربية يا جماعة..من انبي لجامع السلام!!