الموضوع: الجراند تيريوس اخيرا

المشاركة الأصلية كتبت بواسطة osam173

السلام عليكم ورحمة الله وبركاته

موضوع اكثر من رائع استاذ احمد ربنا يبارك لك وبالمناسبة انا معايا جراند تريوس 2009 اتوماتك خليجي

وتقييمي للسيارة

-الارتفاع ممتاز جدااا والحمد لله مفيش اي مطب بيحك في العربية

-قوة التكييف جيد جداا

-العزل جيد

-ثبات السيارة بعد ال 120 جيد ( اقصي سرعه جربتها كانت 130 لان القاهرة دايما مزدحمة ومتوسط السرعه 40 -60 )

استريو السيارة الاصلي جيد جدااا

صوت الموتور انا لاحظت انه لما بستخدم بنزين 92 صوت الموتور بيبقي عالي في حاله بنزين 90 مفيش صوت نهائيا ولما عملت كشف الصيانه كان في اسبري منع صوته تماما

-المساحه الداخلية ممتازة

- التسارع من صفر الي 100 كيلو ممتاز جداا محسبتش الوقت كام بالظبط بس عاجبني قويي

- العيب الوحيد اللي مضايقني انها خشنه شوية في المطبات

واللون الاسود جميل جداا بس عيبه عايز اهتمام شديد اي شوية تراب بيبان عليها

-استهلاك البنزين في المتوسط العادي لاي سيارة 1500 سي سي ( حاولت اقسيه بالظبط كام يعمل فول تانك لكن الطرق الزحمة والوقوف كتير في الاشارات مش باقدر احسبها )


بس اللي عايز اسال عليه اسعار قطع الغيار بره التوكيل ارخص ولا لا وهل بنفس كفاءة الوكيل

انا بصراحه اضايقت بالحركة القرعه اللي عملها التوكيل اخر مرة طلع اعلان في الجرايد الكشف المجاني لسيارات دايهاتسو ولما اتصلت بالكول سنتر مقفول تمام ومفيش اي حد بيرد ولو رد موظف يقول لك سيب لنا بياناتك وحنتصل بيك بعد فترة اتصلوا وبيقولي معلش يا فندم مده الكشف المجاني خلصت علشان الناس كتير تحب تيجي كشف عادي !!!!!!!!!!


والحمد لله رب العالمين

هههههههههههههههههههه

ربنا يبارك لك في عربيتك يا عم اسامه

بص بالنسبه لقطع الغيار انا اخاف اشتريها من بره واروح التوكيل تتركب فبكل سهوله يفولك انا مركبهاش

لاني حاكون مسئول بيها وانا مضمنهاش فيبقي تشتري من التوكيل اغلي شويه فعلا بس المسئوليه علي دماغهم

وعلي الاقل تكون جوه الضمان لو حصل اي حاجه فيها ولا اته يقولك وانا مالي

اما بخصوص الحركه القرعه فده رزقك بقي جه كده