الموضوع: الجراند تيريوس اخيرا

المشاركة الأصلية كتبت بواسطة doctor1

[overline]بس عاوز اصححلك معلومه ((( الموتور 1600 مش 1500))) التريوس هيه إللي 1500 أما الجراند فهي 1600
حتى بص كده في الرخصة بتاعتك هاتلاقي مكتوب تحت كلمة جيب مقفول 1598سم3
وبالنسبة للكماليات إللي أنت ركبتها كنت أفضل أنك تركب كاميرا بدل الحساسات لانها من وجهة نظري وعن تجربة فعليه أفضل من الحساسات بكتير [/overline][overline][/overline][overline][/overline] مقتبس

الأستاذ المحترم / ماجد ثروت
بعد التحيه الطيبه
ياترى فعلا حضرتك متأكد من المعلومه دى !!!!
خصوصاً ان مسئول المعرض عندى فى المنصوره أكد لى انها 1500 ومش دفع رباعى
والمفروض انى هاشتريها بكره ان شاءالله
ثانيا الكاميرا دى ألاقيها فين وتقريبا ثمنها بالتركيب كام ياترى
اشكرك مقدما على سعة صدرك واهتمامك

أنا معايا جراند تيريوس موديل 2008 بضمان الوكيل (يعني مش خليجي) والعربيه موتورها 1600 مش 1500 وإللي مكتوب في الرخصة هو 1598
أما بالنسبة للدفع الرباعي فهي فعلا دفع خلفي فقط

الكاميرا سعرها بيبدأ من 140 إلى 175
ولازم طبعا تشتري شاشة عشان تعرض عليها صورة الكاميرا والشاشة تبدأ من 450 إلى 600 والفرق بين الشاشات بسيط يعني في شاشة فيها بلوتوث وشاشة فيها بلوتوث و يو أس بي وفتحة لكارت ميموري وهكذا
في النهاية الشاشات كلها بتعمل كـ"كاركت" وعارض لصورة الكاميرا والـدي في دي والفيديو سي دي وكلهم بيركبوا على المرايا

المشاركة الأصلية كتبت بواسطة ahmedebed

هههههههههههههههههه

والله طلعت الرخصه اتأكد لقيتها 1498 برغم اني متأكد000 حاقولك علي معلومه

دايهاتسو لم تنتج موتور ملاكي اكبر من ال 1500 ابدا هو ده موتور دايهاتسو الدائم الصنع

وعلشان كده تبقي مطمئن من جوده الانتاج00 والحمدلله

بالنسبه للفيميه مش عايز اقولك عييييييييشه عيشه

وكامير الرجوع للخلف حاركبها بأذن الله لاني قريت عنها كتير حلوه للاشياء المنخفضه فعلا


الحمدلله الذي وهبنا هذا وربنا يبارك لنا فيه يارب


شاكر لك مباركتك اخي

يا أخي الكريم أنا بأكدلك إن الجراند تيريوس 1600 ورخصتي مكتوب فيها 1598

وأنا سالت التوكيل حالا أكدولي أنها 1500 ؟؟؟؟؟؟؟؟؟؟؟؟
حاجه من الأتنين يا إما الرخصة بتاعتي مكتوبه غلط يا إما أنهم أستوردوا أول دفعه بمواتير 1600
على العموم أول حاجه هاعملها وانا بجدد الرخصة أطلب أني أشوف جواب الأفراج الجمركي عشان هو ده الفيصل

المشاركة الأصلية كتبت بواسطة doctor1

عندى سؤال واحد بعد اذنك
ياترى الكاسيت بتاعها بيشغل dvd والا بس vcd الموزع قالوا لى انها دى فى دى لكن مابيشتغلش فيها الا الفيديو سى دى سؤال للتأكد بس
بالنسبه للدفيندرات ياترى ممنوع فعلا فى المرور والا ايه
اشكرك على اهتمامك يا باشا:b4_048:

ألف مبروك عليك وربنا يباركلك فيها

بالنسبة للكاسيت هو بقرا فيديو سي دي و أم بي ثري وطبعا شرايط كاسيت و راديو
ولو جبت الكاميرا والشاشة يبقى تقدر تعرض على الشاشة صورة الفيديو سي دي

المشاركة الأصلية كتبت بواسطة doctor1

احمد باشا
حمد الله على السلامه أكيد التأخير ده كنت بتلف بالعربيه الجديده ما شاء الله :b4_048:
بارك لى ياباشا انا استخرت الله واستشرت وتوكلت على الله واشتريت الوحش الكاسر الجراند تيريوس وعلى بركة الله مشيت ورا كلامك ووصفك الجميل لها واستلمتها ولله الحمد من قبل ومن بعد
ربنا يبارك لنا فيها ان شاء الله ويأتنا خيرها ويكفنا شرها بإذن الله تعالى
فعلا عند حضرتك كل الحق ماشاء الله زى الفل لا صوت عالى ولا اى شىء الحمد لله
يمكن العفشه ناشفه شويه لكن أكدولى ان ده بسبب انها لسه بتلين وزيرو وبعد شويه هتلين عن كده بكتييييييييييير وعلى الله كلها
عندى سؤال واحد بعد اذنك
ياترى الكاسيت بتاعها بيشغل dvd والا بس vcd الموزع قالوا لى انها دى فى دى لكن مابيشتغلش فيها الا الفيديو سى دى سؤال للتأكد بس
بالنسبه للدفيندرات ياترى ممنوع فعلا فى المرور والا ايه
اشكرك على اهتمامك يا باشا:b4_048:

مبروووووووووووووووووووووو ووك


ربنا يديك خيرها ويكفيك شرها ياباشا000 ان شاء الله العفشه بعد اول 5000 حاتلاقيها فله

وده اللي فهمته من بحثي في المنتديات وبعدين المهم اننا كسبنا العربيه000 بالنسبه للكاسيت

مابيشغلش غير الفيديو سي دي فقط وده حلو برضه رضااااااااا000والدفندرات والله كله بيقول ممنوع

وربك بقه هو الستار بس بتعمل شكل ومنظر وهيبه كده للعربيه انا مركبها واعتمادي علي الله انه يعمي

عيونهم عني وماحدش يغلس عليا بخصوصها ان شاء الله0

المشاركة الأصلية كتبت بواسطة maged.sarwat

أنا معايا جراند تيريوس موديل 2008 بضمان الوكيل (يعني مش خليجي) والعربيه موتورها 1600 مش 1500 وإللي مكتوب في الرخصة هو 1598
أما بالنسبة للدفع الرباعي فهي فعلا دفع خلفي فقط

انا لااعتقد هذا فمواتير دايهاتسو للملاكي من 1500 ونااااااااازل مافيش اكتررررررررر

الكاميرا سعرها بيبدأ من 140 إلى 175
ولازم طبعا تشتري شاشة عشان تعرض عليها صورة الكاميرا والشاشة تبدأ من 450 إلى 600 والفرق بين الشاشات بسيط يعني في شاشة فيها بلوتوث وشاشة فيها بلوتوث و يو أس بي وفتحة لكارت ميموري وهكذا
في النهاية الشاشات كلها بتعمل كـ"كاركت" وعارض لصورة الكاميرا والـدي في دي والفيديو سي دي وكلهم بيركبوا على المرايا

فعلا كلام صح بس انا لقيتها عند سعيد نصار

الكاميرا بمشتملاتها شاشه وخلافه ب 500 فقط

يا أخي الكريم أنا بأكدلك إن الجراند تيريوس 1600 ورخصتي مكتوب فيها 1598

كده مش صح اكيد غلطه كتااااااابه

وأنا سالت التوكيل حالا أكدولي أنها 1500 ؟؟؟؟؟؟؟؟؟؟؟؟
حاجه من الأتنين يا إما الرخصة بتاعتي مكتوبه غلط يا إما أنهم أستوردوا أول دفعه بمواتير 1600
على العموم أول حاجه هاعملها وانا بجدد الرخصة أطلب أني أشوف جواب الأفراج الجمركي عشان هو ده الفيصل


الرخصه اكيد مكتوبه غلططططططططططط


ألف مبروك عليك وربنا يباركلك فيها

بالنسبة للكاسيت هو بقرا فيديو سي دي و أم بي ثري وطبعا شرايط كاسيت و راديو
ولو جبت الكاميرا والشاشة يبقى تقدر تعرض على الشاشة صورة الفيديو سي دي

صح الكلااااااااااااام

المشاركة الأصلية كتبت بواسطة معاذ الشرباصى

هو فعلا مفيش خالص تريوس عموما او جراند تريوس 1600 سىسى

يبقى ده خطأ فى رخصة حضرتك

معاذ بااااااااااشا صح الكلاااااااام

امبارح اتحطيت في موقف لازم اذهب للقاهره الساعه اتنين وطبعا الجمعه مش ممكن تلاقي حجز قطارات

فاضطرييييييت غصب عني اسافر بالسياره وكنت خايف بس لقيت اصحابي بيقولولي بالعكس ده التليين

في المشوار الطواالي افضل من داخل البلد وانا لسه الكيلو 498 فقط 00 المهم اعتمدت علي الله واخدت اتنين

اصحابي معايا في العربيه وتوكلت عليه وقلت للي جالس خلفي تبقي تتابع عداد السرعه لو قربت لل 100

كيلو كسرعه نبهني00 وفعلا حصل مازودتش عن ال95 وكل مالاقي العربيه تسرح بيا ورايحه عال100 كيلو والله

بكل سلاسه ويسر كده ارجع تاني لل 90 او 95 المهم ملاحظاتي

ماشاء الله ولا قوه الا بالله 000 مين اللي كان بيقول صوت الموتور عالي مش عارف الصوت عادي جدا وناعم

مافيش حاااااجه والامبير كان عال98 كيلو والار بي ام عامل 2700ل3000 حسب كبستي عالدواسه

(طبعا عاوز حد من احبائنا الاخصائيين هنا يوضح لي النقطه دي صح ولا فيه حاجه)

المهم قضيت مشاويري والدنيا زي الفل وحسيت بفرق القاعده الطويله في السياره غير اللانسر اللي

كانت معايا(موديل 2005 حيثه برضه) لالا نزلت من السياره غير مجهد تماما من السواقه والسياره والله

ماحسستني في المشوار 0 المهم كده عداد الكيلو عندي اصبح 1220 ومش حاقدر اعمل الصيانه الا

يوم السبت القادم ان كان في العمر باقي يعني عال 1500 تقريبا فهل هنا فيه مشكله لا عادي مافيش

مشاكل اولا بالنسبه للصيانه في الوكيل وثانيا بالنسبه للسياره

ماتقلقش 1500 مش كتير قوي
على أي حال حاول أنك ماتتاخرش عن كده

امبارح ركبت كاميرا للركن الخلفي


ولكن باختراع غير حكايه الكاميرا اللي في المرايه

جبت كاميرا الرؤيه الخلفيه وشاشه بالشماسه مكان الشماسه يمين

والكهربائي ظبطلي تردد الكاميرا علي قناه استقبال تفضل مفتوحه علي طول

بدون الحاجه لعمل المارشدير يعني ممكن تبقي ماشي عادي وشايف العربيات

اللي جايه وراك 0 دي حاجه والحاجه التانيه ان القناه التانيه للشاشه ظبطها مع

الفيديو سي دي بكده بقه عندي رؤيه للاتنين حبيت اشوف الخلفي ادوس علي زرار التحويل

في الشاشه او زرارز رؤيه الفيديو 0

ملحوظه الكاميرا مش مفيده قوي في الركنه الخلفيه بس هي كويسه في انك

ممكن يبقي وراك طفل او حجر اكيد حاتشوفه وهو ده المهم

ياترى كلفتك كام الكاميرا بالشاشه يا أحمد بك
وفعلا حضرتك شايف انها مش مفيده فعلا فى حكاية الركن دى ؟
وياترى مش بتضايقك او بتشد انتباهك الشاشه اللى فى الشماسه دى لو الفيديو شغال وانت سايق

المشاركة الأصلية كتبت بواسطة doctor1

ياترى كلفتك كام الكاميرا بالشاشه يا أحمد بك
وفعلا حضرتك شايف انها مش مفيده فعلا فى حكاية الركن دى ؟
وياترى مش بتضايقك او بتشد انتباهك الشاشه اللى فى الشماسه دى لو الفيديو شغال وانت سايق

الكاميرا 165 والشماسه بالشاشه 325 والتركيب 80

هي مش مفيده في الركنه الخلفيه ولكنها مفيده جدا وانت بتركن تقدر تشوف


اي حجر او طفل او عمود حديدي قصير خلفك وده مفيد جدا طبعا

غبر بقه وانت واقف في اشاره او راكن في حته تقدر تشوف كل حاجه وراك

ولو الفيديو شغال طبعا بتبقي النظره خطف كده مش علي طول

وربنا يستر طريقنا جميعا