السلام عليكم
هذه اول مشاركة ل فى المنتدى وكنت باسأل عن الشاهين 1600 كاملة لأنى كنت ناوى اشتريها لكن ناس خوفونى منها
اريد خبراتكم فى هذا الموضوع
و شكرا
رقم العضوية : 608
تاريخ التسجيل : 12May2007
المشاركات : 2
الحالة :
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
الشاهين عموما وال1600 خصوصا عربية قوية جدا تتميز بعد ميزات لن تجدها فى اية سيارة من نفس الفئة ولا ايه فئة اعلى
1-ممتازة على الطرق المكسرة وعفشتها قوية ومريحة بشكل يفوق الوصف(بشرط تغيير المساعدين الامامية والكاوتش النسر بمجرد شراء السيارة) وعمرها ما بتحك فى اى مطب، الإختيار الأمثل لمن يقيمون فى اماكن ذات طرق غير ممهدة، تكاد تكون مثل سيارات ال 4*4
2-لاتضاهى فى متانة الشاسيه
3-بعد نهاية فترة التليين، صوت محركها رغم انه مش واطى اوى لكن اوطى من سيارات كتير من نفس الفئة وصوته ناعم جدا
4-ارخص قطع غيار لسيارة فى مصر(ارخص من ال128) واكثر قطع الغيار انتشارا
5- صاجها متين جدا
هذة هى مميزاتها التى تتميز بها عن ايه سيارة اخرى ، اما المواصفات العامة التى تشترك فيها مع معظم السيارات الجديدة فهى
سيارة مريحة الى حد كبير فى القيادة، ذات محرك قوي وجية جدا فى السحب والتسارع، فيها الكثير من الكماليات مثل التكييف وعداد الRPM والباور ستيرنج وفوانيس الشبورة وساعة صالون وكاسيت وزجاج ملون ،الخ، تصل الى سرعة ال160 بسهولة (بعد فترة التليين، ممنوع نهائيا تعدى 80 فى فترة التلييين)، قليلة الأعطال، او بالأصح تكاد تكون معدومة الأعطال، ثباتها على الأرض ممتاز حتى 130
عيوبها:
1- تحتاج الى تغيير بعض الأجزاء وهى جديدة ، تحديدا المساعدين الامامية (450 جنيه لو هاتجيب افضل نوع) والكاوتش الأمامى
2-شكلها قديم الى حد ما
3- الصالون والشنطة اصغر من سيارات نفس الفئة
4- دواسة الدبرياج ثقيلة الى حد ما (بس بتتعود عليها)والفتيس بيكون ثقيل شوية والعربية لسة باردة فى الصباح
الخلاصة: الشاهين سيارة قوية جدا يعتمد عليها فى اقسى ظروف الخدمة،كما انها مثالية للأقاليم وللمقييمين فى اماكن طرقها غير ممهدة،تمتلك حد ادنى من الراحة والرفاهية، لكنه لا يماثل السيارات من نفس الفئة السعرية من كوريا مثلا
الخلاصة: لو مثلا مشوارك اليومى هو من مصر الجديدة الى المعادى هقوللك هات فيرنا او لانوس هتريحك اكتر
لو مشوارك من قليوب مثلا الى ابو رواش وبتروح البلد فى بنها وبتسافر بنى سويف بالسيارة ...الخ وكل ما يشتمل طرق غير ممهدة يبقى لن تجد سيارة فى كفاءة الشاهين لمثل هذة الظروف
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
كلام الباشمهندس سبعاوي مافيهوش تعديل طبعا بس احب اضيف ان اخر انتاجها السنادي و انا اتوقع ان سعرها حيعلي بعد ما يتوقف انتاجها و ماتنساش انك حتركب عربيه مكمله لل131 اللي اخدت بطوله الراليات سنه 1978 و 1979 و 1981 و مكنش في عربيه عارفه تجاريها غير كده انك حتركب العربيه الوحيده الجر الخلفي في السوق(ماعدا البي ام و المرسيدس طبعا)
رقم العضوية : 608
تاريخ التسجيل : 12May2007
المشاركات : 2
الحالة :
شكر لك يا سبعاوى باشا على هذه المعلومات القيمة
و لكن لى استفسار
هل الموديلات الحديثة (2007) فى نفس كفاءة الموديلات القديمة
رقم العضوية : 664
تاريخ التسجيل : 14May2007
المشاركات : 48
النوع : ذكر
الاقامة : cairo
السيارة: mazda3
السيارة[2]: sahin
الحالة :
السلام عليكم
الشاهين الحديثه حقن الكتروني و اعتقد ان هذا المفروض اوفر في البنزيين
و ما تنساش نصيحه المهندس سبعاوي لازم تغيير المساعدين الامامي و الكاوتش و التليين قد يصل الي 3000 كم
المفضلات