الموضوع: نفسى اشترى عربية بالتقسيط من بنك ناصر

المشاركة الأصلية كتبت بواسطة semsem67

إحذر - إحذر - إحذر : إما إنك تعمل جمعيات وتستلف من جميع من تعرفه علشان متدفعش فوايد وكده تبعد عن الحرام
وإما لو مصمم تشتري بالتقسيط خد قرض نقدي وليس قرض سيارة وتتجنب المشاكل الآتية:

1- تتجنب أخذ موافقة البنك عند تجديد الترخيص كل سنة وغالبا تأتي بعد نهاية شهر المهلة للتجديد وبتحس إنك مذلول
2- تقدر ترخص 3 سنين -إنما لو قرض سيارة لازم ترخص سنة بسنة
3- تهرب من استغلال شركات التأمين البشع ، لأنهم بيأمنوا على السيارات الآن بسعر 3.5 %من سعر السيارة -يعني مبلغ كبير - و أول ما تقولهم إنك تبع بنك يرفعوا السعر إلى 4.2% ومثال ذلك شركة المهندس - وممكن تتصل وتتأكد بنفسك وحتلاقي إنك دفعت نصف مبلغ القرض إذا جمعت قيمة وثائق التأمين طول مدة التقسيط
4- إهرب من المصاريف غير المنظورة وهي :
*-مصاريف فتح حساب مدين
*-عمولة القرض ( إوعى تصدق المعارض - مفيش قرض من غير عمولة في مصر)
*- مصاريف خدمة الحساب وكشف الحساب والبريد و المصاريف الإدارية ....إلخ
*- مصاريف الحصول على موافقة البنك على تجديد الرخصة وكذلك لصرف أي تعويض عن أي حادث من شركة التأمين
5- إذا جاءت لك فرصة أحسن ممكن تبيع العربية وتجيب أحسن أما لو تبع بنك فبيكون عليها حظر بيع طول مدة التقسيط
6- إذا ربنا فرجها عليك بفلوس وقلت لهم خدوا الباقي كاش وشيلوا الفوايد حيغرموك 5-7% على الباقي وإسمها غرامة سداد معجل - شوفوا الفجور و الإفتراء
علشان إيه أحط رقبتي تحت أقدام بنك ؟؟؟!!
والله العظيم هذا الكلام عن تجربة

كلامك ممتاز وصح مليون في المية . فعلا لية تحط رقبتك تحت جذمة بنك مش هيرحمك أبدآ أبدآ