عايزين تعرفوهم طلعوا من دور ال 16!!!

**karaktar** · 07-10-2009 10:33 AM

اللعيبة والجهاز الفنى واتحاد الكورة لازم كلهم يتحاكمو بجد ده تهريج
الناس دى بقالها سنتين بتحضر نفسها للمونديال سنتين من المصاريف والسفر والراحة والجاية
كل ده راح هباءاً ويطلعلى محمد طلعت بيه يقول وايه يعنى اما نطلع من دور ال 16 عادى مفيش نصيب وخسرنا
مانتو لو خسرتو بشرف واديتو فى الملعب كنا عذرناكم
مفيش جمله واحدة تكتيكية عدله عملوها مفيش كورة واحدة وان تو اتعملت مفيش باصة اتعملت صح مفيش كورة عرضية مظبوطه كلها فى ايد الجون طبعاً مفيش حد منهم بيعرف او ليه فى موضوع الهيد او شوط الكورة بالراس دى محذوفه من عندهم اساساً مفيش صانع العاب كلها اجتهادات فردية محدش فاهم التانى من اللعيبه كلو نظام حلق حوش استلم الكورة اجرى بيها مع نفسى ولا اكن فى واحد جنبى ممكن اباصيهالو ولا فى دمغاهم
مدرب عرًة ماسك طول الماتش ورقة ولا دفتر عمال يكتب بتكتب فى ايه ياخايب اه معلش هوه كان بيسجل خيبته لو كان كده نخليه يكتب براحته
متهايألى اللعيبه نجحو فى حاجه واحدة الاعلانات( علشان تعرفوهم روحو شجعوهم )
بصراحة مش حاجه مشرفة لينا اننا نعرفهم بالمرة ولو الجيل ده هوه مستقبل منتخب مصر يبقى كل سنة وانتو طيبين

**zaza_lanos** · 07-10-2009 10:46 AM

متابعة الناس ده ما هى اللى مضيعة للقوت
عايز تتفرج على الرياضة والالتزام تابع الاوربى

**dr-mohamed** · 07-10-2009 05:21 PM

معلش يا جماعة الاغلبية حملت اللعيبة المسئولية
وبرغم انهم لعيبة ولاد تيييييييييييييييت في تييييييييييييييييت لكن:
1- اتحاد الكرة كان فاشل في اعداد الفريق يا جماعة دول مرة سفروهم بلد على انهم هيلعبوا هناك مباريات تدريبية وزي ما راحوا زي ما رجعوا البهوات بتوع الاتحاد مش متفقين لهم على مباريات ولا حاجة ال ايه لما نروح نبقي نتفق بذمتكم عمركم شفتم التهريج ده
2- تاني حاجة البهوات رفضوا انضمام اللعيبة لانديتها في الدوري رغم ان فيه منهم اللى بيشارك فعلا زي العيال بتاعة المحلة وزي طلعت في الاهلى وممكن الباقيين كانوا شاركوا كمان يعني ماتش رسمي ولا تقسيمة ام ترتر بتاعة سكوب الافيد ؟
3- زغللوا عين العيال بالفلوس من دلوقت وال ايه يا خويا 400 الف جنيه مكافاة مكسب اول ماتش لا وايه كمان ويتسرقوا
بذمتكم فيه اتحاد بيسلم اللعيبة فلوس كاش في معسكر ؟؟؟؟؟
يعني اللعيب يتمرن ولا ياخد الفلوس في جيبه وهو بيتمرن ؟؟؟؟؟
4- شالو الراجل المحترم ربيع ياسين اللى لف الاندية كلها واختار 50 عيل وكان بيصفي منهم وطردوه ال ايه مينفعش لازم خواجة

5- المدرب بقة بااااااااااااااااااااااشا
اموت وافهم الكراسة اللى كل ما الكاميرا تجيبه يكون بيكتب فيها كان بيكتب فيها ايه
ده بعد الجون التانى بتاع كوستاريكا بردو كان بيكتب
بتكتب ايه يا ابن ال تييييييييييييت ده فاضل دقيقتين وانت خسران 2

مفيش هجمة واحدة منظمة ولا الكرة اتنقلت 5 مرات علي بعض صح
امال بيعمل في العيال ايه السنتين اللى فاتوا

اخيرا منكم لله ولازم تعرفوهم علشان تضربوهم

**Abo_Lina** · 07-10-2009 06:32 PM

٢٠ مليون إيه
يا راجل ده مكافأة ماتش نص مليون
المنتخب ده اتصرف عليه في ٤ سنين أكتر من ١٠٠ مليون

**karim fathy** · 07-10-2009 06:35 PM

انا بتكلم على اللى صرفوة فى الاستعداد للبطولة دى واللة اعلم بس زاهر بية هو اللى قال الكلام دة

**MohaMed_Refaat** · 07-10-2009 07:07 PM

ربنا يستر يوم السبت يا ربى مش طالبة خالص نطلع من كاس عالم شباب وكبار ::
على راى اعلان ال art حنقضيها فرجة ولا اية المشكلة انها فرجة بحرقة دم ربنا يستر واللة يكون فى عوننا .