الموضوع: خاص اسعار قطع غيار اللينيا الأصلية خارج التوكيل

والله يا باشا انتا عاجبني جدا
و والله شبه الكلام ده بحطو فعين اي حد يقولي كوري او ياباني و علي فكرة امان الياباني برده ولا حاجة مع الأيطالي عامتا اءمن سياراات
ده غير الجودة بتاعت الخامات و حاجات كتير اوي يا جماعة والله

المشاركة الأصلية كتبت بواسطة bahaahssn

عادى و الله ياحمد بس انا حاسس ان الموضوع تحدى
لأن المصنع الكورى بيستهيين بينا الى اقصى حد و معندوش معيار الأمان موجود اصلان فبيبعتلنا عربيات
امانها لا يصلح للبنى ادميين الألنترا و سيرااتو و كل الكلام ده
اليابانى و الأوربى الأمان عندهم اجبارى مش اختيارى
يعنى مينفعش منصور يروح لأوبل و يقولهم هاتو استرا او فكترا من غير اير باجز و ايه بى اس
لكن ينفع يقول لشيفورليه الفرع الكورى هاتى كل اللى عندك من غيرهم
سيراتو ايه ولا الانترات ايه اللى ادفع فيها 110 ولا 120 الف و ميكونش فيها ايه بى اس و اير باجز
ده حتى يبقى حرام ربنا بيقول اعقلها و توكل
لو العربية هتحمينى بنسبة 1 % ازيد و ارخص كمااان و اقوى كمان يبقى حياتى اهم لأن ربنا هيحاسبنى عنها و هل اهتميت بيها ولا لأ
فما باللك عربية هتحميك بنسبة 200% اكتر و ضمانها غير محدد الكيلو متر
و اذا حد مش مقتنع بالكلام ده يدور فى منتدانا الحبيب كام واحد من اصدقائنا هنا عملوا حوادث مميتة و ربنا كان مخلى الأيه بى اس و الأير باجز سبب فى نجاتهم
حاجة من اتنين يا الكوريين يحترمونا زى اليابانيين و الأوربيين و يخلوا الكلام ده اجبارى
يا بلاش منوو يا راجل دى السيريون وان و الألتو فيهم امان اكتر من الألنترا و السيراتو حاجة تكسف
معلش انا طولت عليكم بس الواحد مخنوق من عدم احترام الأخريين لينا و أخص بالذكر مستر بريزدنت غبور و امثاله و التجار اللى بيتاجرو بحياتنا و ملناش قيمة عندهم

اولا احييك علي مجهودك الكبير
ثانيا العيب مش علي المصنع الكوري و لا علي غبور العيب علي المشتري
يعني لما غبور باشا منزل الالنترا مفيهاش اي عوامل امان و تتباع زي الرز و بسعر مغالي فيه جداااااااا يبقي العيب عليه هو
و لا لما عربيه زي السيراتو و الكارينز شكل شيك بس و دي الميزة الوحيدة و اذواق كمان تتحجز و ناس تستني 4 و 5 شهور علشان تستلم و تتباع سوق سودا باوفر برايس و سعرها يوصل 126 الف يبقي دة عيب كيا
اسف دة عيب ذوق مصري بيجري و را شكل و سمعه و اعلان و دعايه مش بيكلف خاطرة يدور و يبحث
انا ليا واحد زميلي حاجز ال سيراتو ب 126 الف من شهرين و لسة قدامه 3 شهور علي الاستلام و باع عربيته يعني ماشي من غير عربيه ببقي هتجنن اقوله معاك فلوسك كاش تستني ليه قدامك اللينيا تحفه و هتوفر كمان حوالي 20000 يقولي علشان اعرف ابيع يعني خلاص السيراتو نزلت و اتجربت بقالها 5 سنين و الناس عرفت انها بتتباع سهل تفكير غريببببببببببببب عربيه جديدة في السوق و الناس قررت انها بتتباع سهل
انا بيجيلي ذهول لما بفتح باب الالنترا و لا الجيتز من خفيه الصاج بتاع الباب و عدم وجود عوامل الامان و سعرها مساوي لسعر الاروبي
طب الواحد يفكر ليه يعني مساله محسومه
سيلاريو و لا i10
بونتو و لا فيرنا و نيو اكسنت
رينو سيمبول و لا اوبترا
لينيا و لا سيراتو
بجد حاجة تغيظظظظظ و اسعار قطع غيار متقاربه جداااااااااااا
هو كل واحد حر في ذوقه بس فعلا ذوق غريب
بس مش العيب علي الصانع او التوكيل العيب علي المشتري

يا استاذي الناس مبتكلفشي خاطرها تقرا و تدور و تبحث
و موضع اعادةالبيع معني مش مؤمن بيه بس بعذرالناس فيه لاننا في مصر مش زي اوروبا او دول الخليج من السهل انك تجيب عربيه
انا بجد كنت ماشي مع زمايلي خارجين من الشغل في زسط البلد اللينيا واقفه في صف مع الكورولا الجددة و الفيرنا و السيراتو و الله العربيه فعلا جبارةةةة
و كلهم مكانوش يعرفوها و هما شايفينها من بعيد كل واحد يقول حاجة اللي يفتكرها كرايسلر واحد يقول الفا روميو انا الوحيد اللي كنت عارفها لاني متابعها و ناوي عليها علي الصيف الجاي انشاء الله لاني معايا سيريون ياباني
العربيه فعلا استايل رهيببببببببببببب و من بعيد تعرف انها اوروبي
يعني اللي بيدفع 126000 في سيراتو لما يجيبها و يوفر 10000 جنيه مش دول برضة يفيدوا في اعادة البيع
دة الواحد يشيل ال 10000 و يبقوا علي الاقل مصاريف الصاينه الدوريه لحد ال 100000 كم
اصحاب العقول في راحه

المشاركة الأصلية كتبت بواسطة dr_no

مجهود راااااااااااااااااااااائع

العربيه دى بجد مش عارف ناقصها ايه تانى.......

فيات كلها ناقصها توكيل.

الأسعار في الكيلاني كويسة و القطع غالبا موجودة (أكتر من الوكيل والله) لكن لو عندك حاجة عايزة تتغير في المتور أو الكهرباء إنت محتاج الوكيل عشان الضمان ميروحش.

و عيش بأه يا معلم مع التناحة الشاملة في اوماترا.

أنا معاية بونتو كلاسيك عملت حادثة و فيها سربنتينة التكيف و الكارتيرة بألها إسبوع و التوكيل البلط لسة معملش مقايسة و إتخانئت و زعأت و كل الي نفسك فيه.

لوحد يعرف حل من فضلك ساعدني.

المشاركة الأصلية كتبت بواسطة hibbsa

مستحيل يكون اغلى من التوكيل
اذا كان فانوس البونتو كلاسيك في التوكيل ب 1100 جنيه بالضريبة
اكيد اللينيا اكتر انا مسألتش بس حاجة بديهية جدا.

أخر سعر للفانوس البونتو كلاسيك الاسبوع ده من أوماترا 1350 جنيه
و بالمناسبة الكارتيرة 1350 جنيه
الشبكة الأمامية 385 جنيه
سربنتينة التكيف 1950 جنيه

"بس يا رب يكونوا بضاعة حاضرة عشان لو مش موجودين حيجو في الطلبية الجاية في خلال شهرين بسعر جديد" ده مش كلامي ده إقتباس من الاستاد بتاع قطع الغيار في أوماترا