هيونداي فرنا وله اللوجان

**doaims** · 08-10-2009 09:04 PM

ان شاء الله انا هعمل ورقه فيها كل ملاحظاتكو وكمان الملاحظات الي على المنتدى وهانزل المعرض واشوف بس ايه افضل معرض قريب من المهندسين

**amr.elsayed** · 08-10-2009 09:06 PM

المشاركة الأصلية كتبت بواسطة geo

اهلا بحضرتك
نسبق الانضغاط فعلا ماينفعش معاها ال80
بس رينو عاملاها للدول النامية اللي عندها مشاكل في البنزين زي 80 وكل اللاعرفه معاه العربيه ده اما بيحط 80 او بيخلط او 92 (92 الاقلية) مش عارف ايه الازي ده
العربيه الزيرو مهما كانت برده حرام 80
بس مش فارق البنزين فيها خالص
بس في المقابل برده اكيد العمر الافتراضي هيقل

استاذى الفاضل المعلومة غير صحيحه دى صورة تنك البنزين للوجان
ارجو منك تحرى الدقة فى المعلومات لعدم التشتت

اقرا الموضوع دة حتستفاد منه جدا
http://www.nilemotors.net/Nile/16758...engine-cr.html

**Eng.Geo** · 08-10-2009 09:20 PM

المشاركة الأصلية كتبت بواسطة ringoo

استاذى الفاضل المعلومة غير صحيحه دى صورة تنك البنزين للوجان
ارجو منك تحرى الدقة فى المعلومات لعدم التشتت

اقرا الموضوع دة حتستفاد منه جدا
http://www.nilemotors.net/Nile/16758...engine-cr.html

مهما كان مش هتبقي نقطة خلاف
انا فاهم موضوع نسبة الانضغاط طيب ليه رينو قالت كدة
اكيد في حاجة تانية بتعالج الموضوع ده
بس هقول برده حرام تحط 80 في زيرو عشان كدة بقول مش نقطة خلاف
لاني اعتقد صاحب الموضوع مش هيحط 80 بس لو زنقت زي مع كتير من الناس يبقي مفيش مشكلة

**MMamdouh** · 08-10-2009 11:17 PM

المشاركة الأصلية كتبت بواسطة geo

عفوا : بس واضح ان حضرتك وقعت في نفس المشكلة اللي بتشتكي منها وهي ان حضرتك" بتحب " اللانوس

على فكرة انا موقعتش فى الخطاء دة... انا وضحت ان دة الخطاء اللى 99% من الناس بتقع فية لانهم بيقولوا هما بيحبوا ايه.. و دة ميفرقش مع صاحب المقارنة فى حاجة

مفيش شك ان اللانوس عربية حلوة احسن من الفرنا بكتيييييييييير وتتفوق في كتيييير يبقي هنبعد الفرنا شوية.

و هنا دى غلطة تانية اننا نبعد الفرنا لان صاحب الموضوع طالب مقارنة بين عربيتين... و احنا دخلنا عربية تالتة لمجرد اننا (و انا بمعنى اصح) بحبها فى حين ان صاحب الموضوع محطهاش ف ىالمقارنة... يمكن هو بيكرها او كان معاه واحدة اصلا و باعها... يبقى احنا بنضيع واقتة فى مقارنة عربية مش فى اختياراتة اصلا... فاهم قصدى؟

1حضرتك بتقول ان اللوجان عالية وده هياثر علي الثبات . بعد ازنك حاول تجربها وتوصل لاعلي حاجة تحبها وخد كام غرزة وشوف وانت عارف اللانوس بعد 130 بتعمل ايه

انا مسوقتش اللوجان فا مقدرش افتى بس من كلام واحد صاحبى بعتبرة الtest driver بتاعى و مالك سابق للانوس و مالك حالى للوجان ان اللوجان ثباتها ميزيدش عن اللانوس فى حاجة و اللانوس ماسكة نفسها على السرعات العالية.. صحيح هى مش بى ام لكن برضة مش فرنا و انا ياما مشيت 160 و 170 منغير ما احس انى فاقد السيطرة عليها

2 اللانوس مع التحميل بتحك في المطبات

يمكن سابع او تامن شخص يقول كدة مع انى مش حاسس بالموضوع دة خالص فى عربيتى او عربية والدى... دا حتى لسة زميل فى قسم الدايو بيسالنى على القصة دى و قلتلة مبيحصلش معايا خالص

3 ال

شكل ده ازواق منتكلمش فيه

عداك العيب

4 موتور اللوجان اقوي من اللانوس (خد في الاعتبار ان في فرق بين الاسيوين و الاوربيين في تقدير ال hp يعني الفرق مش 4hp

الفرق 4 حصان فقط يعنى مش فرق هلامى... و لاحظ ان اللوجان 1600 يعنى استهلاكها فى البنزين اعلى من اللانوس

5 تقدر تحط للوجان بنزين 80 اما اللانوس لا . بس في ناس مش هاممها

انا اول مرة اسمع المعلومة دى من حد... ارجو توضح مصدر المعلومة للاستفادة.... على الجانب الاخر اللانوس بتاخد بنزين 80 عادى جدا و معانا زميل جايب لانوس 2008 و عامل بيها 25 الف كيلو ببنزين 80 بدون اى مشاكل... دا غير طبعا ان فيه فيشة بتتظبط لاوكتين 80 عشان العربية متسقفش مع ال80... راجع قسم الدايو حتلاقى موضوع بتاع 30 صفحة عن القصة دى

6 اهم نقطة وهس الوكيل وما ادراك ما منصور

انا متعاملتش مع منصور بس فيه ناس بتشتكى... و متعملتش مع توكيل رينو بس الناس بتشكر فيه... و ان كان قطع غيار اللوجان اغلى و ناقصة.. راجع قسم الرينو

7اللانوس تقدر تصلحها في اي حتة بس لسة اللوجان مش عارفين

اعتقد بمرور الوقت اللوجان مش حتبقى معضلة... انا اعرف ان موتورها موتور ميجان 1 يعنى ناس كتير اشتغلت فية و مفيش فيه تكنولوجيا معقدة تعجز الناس... هى مسالة وقت

8 قطع غيار اللانوس ارخص وعمر افتراضي اقل في المقابل اللوجان وتقدر تسال اللي معاه mcv من فترة اكبر

خدعوك فقالوا ان قطع غيار الدايو غير معمرة... الناس اللى قالت كدة بتشترى اى حاجة من السوق او بتستخصر تجيب القطعة النضيفة... انا معايا عربية من 1998 و عاملة 127 الف و عدى عليا صيانات بالعبيط و الحمد لله الحاجة اللى بتتغير مرة مبتتغيرش تانى الا بعد عمر... يكفى ان بيض الطرف اللى الناس بتقول مبيعش خالص انا مركبة من 80 الف كيلو

انا لما بشترى بجيب القطعة الاصلى او حاجة احسن من الاصلى ان وجد... منها على سبيل المثال طلمبة المية و الطنابير

9 ماتنساش وسائل الامان

مقدرش افتح بقى... اللوجان تتفوق بمراحل فى النقطة دى و دة بيخلليها عربية عائلية ممتازة

في النهاية
انا سقت العربيتين فترات كبيرة واللانوس عارفها كويس جدا

طيب محستش ان فرامل اللانوس ضعيفة؟؟؟ اصلك مش كاتبها فى العيوب و يبدو انى انا الوحيد اللى بيقول على العيب دة من وسط كل الناس اللى بتفضل اللوجان على اللانوس

ارجو حضرتك ماتضايقش من اسلوب الكتابة
انا مش قصدي اهاجم انا غرضي حضرتك تكون جربت الاتنين عشان نقدر نفيد صاحب الموضوع
شكرا

انا حزعل لية؟؟ احنا بنتناقش مع بعض بشكل محترم و بنعرض وجهات نظرنا بالتالى لا مجال للزعل

بالنسبة للوجان انا فعلا مسوقتهاش فا فية حاجات كتير فى سواقتها و اداءها مقدرش اقيمها الا انى اخدت المعلومات من صاحبى اللى حكيتلك علية و انا اثق فيه بشدة خصوصا ان كان معاه لانوس قبل كدة و حاليا يملك اللوجان

و على فكرة هو جاب اللوجان لانة شاف انها احسن عربية عائلية فى عناصر الرحابة و الامان و نضافة التوكيل... لما كلمتة عن الشكل و الاداء قاللى (انا مالى بكل دة؟؟... انا جايب العربية لمراتى توصل العيال) و مكنش مبسوط من شكلها ولا سحبها ولا ثباتها (مقارنة باللانوس) و طبعا اسقط الفرنا من حساباتة تماما للماشاكل اللى كلنا عارفينها....فا من هنا نعرف ان اللوجان لو بتدور على عربية عائلية تبقى هى الاختيار الصح

بالنسبة ليا انا فا ليا حسابات تانية غير كدة بالتالى اختيارة ممكن ميكونش مناسب ليا و العكس بالعكس... عشان كدة قلت فى المقارنة نبين الميزات و العيوب بامانة و صدق و نسيب صاحب الموضوع يختار بنفسة اللى يناسبة

MMamdouh

**M.Osman** · 09-10-2009 12:04 AM

على فكرة انا بستفيد جدا من النقاشات و المقارنات المحترمة دي :)

بس للأمانة يا جماعة .. انا بستغرب من موضوع المشاكل اللي بسمعها في قسم هيونداي عن الفيرنا.. بجد العربية دي غريبة .. انت و حظك فيها .. و انا الحمد لله اقدر اقول اني حظي حلو

**DR/WAFEK** · 09-10-2009 01:11 AM

الفيرنا مع احترامى لاصحابها والله من اول ما نزلت وانا مطقش شكلها خالص واحد صاحبى معاه فيرنا مفيش مطب الا لما بتحك فيه فراملها فعلا اى كلام ماتورها وسحبها محترم شكل التابلوه لا يقارناللوجان خلى بالكوا ان لما بنقارن اللوجان بالفيرنا اللوجان عربيه متشال جزء من جماركها يعنى افضل قيمه مقابل السعر اللوجان تساوى تمييز مش منتشره الناس بتحب تتفرج عليها وارتفاع عن الارض يعنى مفيش اكل مطبات عفشه محترمه
ادخل منتدى الرينو هتلاقى عضو يملك a5 يشكر فى عفشه اللوجان وحاسس ناها نفس مستولى الكرولا 2005 فى العفشه ومحدش اشتكى خالص من موضوع الثبات على الاطلاق شكلها الخارجى طبعا ازواق مع انى شيفها شياكه عن الفيرنا طبعا موضوع قطع الغيار العربيه عليها حجر ل 6 اشهلر يعنى انتشار واسع ان شاء الله وبالتالى قطع غيار ترخص
رايى الشخصى لوجان بدون وجه مقارنه على الاقل هتحس انك راكب زيرو مش عربيه موجوده قدام كل بيت وشغاله تاكسى

**DR/WAFEK** · 09-10-2009 01:29 AM

Dacia Logan (2009) with pictures and wallpapers

**DR/WAFEK** · 09-10-2009 01:47 AM

YouTube - New Dacia Logan facelift

**amr.elsayed** · 09-10-2009 02:42 AM

المشاركة الأصلية كتبت بواسطة geo

مهما كان مش هتبقي نقطة خلاف
انا فاهم موضوع نسبة الانضغاط طيب ليه رينو قالت كدة
اكيد في حاجة تانية بتعالج الموضوع ده
بس هقول برده حرام تحط 80 في زيرو عشان كدة بقول مش نقطة خلاف
لاني اعتقد صاحب الموضوع مش هيحط 80 بس لو زنقت زي مع كتير من الناس يبقي مفيش مشكلة

برده لم تقرأ الموضوع كله وما عرفتش ايه هى عيوب انك تحط فى العربية بنزين ذات رقم اكتانى اقل من الموصى به انا حنقلهالك لحد هنا
ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك