الموضوع: هيونداي فرنا وله اللوجان

المشاركة الأصلية كتبت بواسطة SAMEHNOSHI

انا كمان بحب الفرنا... مقدرش اقول هى احسن ولا اللوجان علشان معرفش اللوجان لكن اعرف الفرنا كويس لانها معايا و اعرف اللانوس كمان لانها مع اصحابى و اقدر اقول انى شايف الفرنا احسن من اللانوس و بعتراف واحد صحبى معاة لانوس كمان

دى وجهات نظر... انا ليا واحد صاحبى... و زميل بالمنتدى... و نجم من نجوم هيونداى... يبقول ان اللانوس احسن... كل واحد و له وجهة نظر... ووجهة النظر الاخرى تحترم طالما لم تسىء للاخرين

طبعا الاستاذ ممدوح استشارى قسم الدايو و استاذنا كلنا مش حيسبنى بعد اللى قلتة الا اما يسالنى الفرنا احسن فى اية (ربنا يستر عليا بعد المشاركة دية ) انا حرد من غير سؤال يا باشا علشان نركز بعد كدة فى الفرنا و اللوجان اللى المقارنة بنهم

و مش حسيبك ليه؟؟؟ احنا بنتناقش و نتبادل وجهات النظر بشكل محترم وليس لاحد ان يحجر على راى او وجهة نظر الاخر طالما الحوار فى اطار محترم و هادف... (بس مش حسيبك برضة)

بعض مميزات الفرنا عن اللانوس (من وجهة نظرى)
1- السعر بفرق بسيط
2- التكيف اقوى طبعا و بفرق كبير
3- الماتور احدث و بتكنولوجيا احدث و اقوى بكتير
4- السحب مع التكيف احسن بمراحل من اللانوس
5- الفرامل احسن من اللانوس بفارق مش كبير
6- لو بعد الشر اتخبطط سمكرتها اسهل من اللانوس لان اللانوس بومبهاتها بتبقى صعب ترجع زى ما كانت
7- الشنطة اوسع
8- عزل الصوت احسن
9- الكماليات (الفرنا 4 زجاج كهربا - اللانوس 2 بس) مش متاكد من المعلومة دية و ياريت ملاك اللانوس يصححولى لو غلطان

هى اللانوس 4 زجاج كهرباء... و موضوع الفرامل مقدرش افتى فيه لانى مسوقتش فرنا بشكل يخللينى احلكن الانطباع الاول ان الفرنا احسن... و ان كان اللانوس ليها تعديل بيضبطها تمام و الفرنا لا

بعض مميزات اللانوس عن الفرنا فى الحجات دية
1- وسع الصالون
2- الثبات على السرعات العالية بفارق مش كبير

اعتقد كمان اللانوس مطلوبة اكتر فى السوق فا سعر اعادة البيع احسن و الشكل الخارجى و شكل الطابلوة للانوس احسن اللانوس معمرة اكتر من الفرنا حسب ما قالة الميكانيكى بتاعى (ميكانيكى دايو و هيونداى و شغال فى توكيل الكويت و البلاد العربية)

ممكن تكون اللانوس احسن فى حجات تانية من الفيرنا بس انا مش عارفها, و بصراحة احب اعرفها من ملاكها علشان استفاد و الكل يستفاد

اعتقد مقارنة سبعاوى للعربيتين غطت كل حاجة فى العربيتين دول

و فى حجات متساوية فى العربيتان و بدون منقول واحدة احسن من الثانية لكن اكيد حيكونوا احسن من اللوجان فيها زى
1- الانتشار و بالتالى سعر اعادة البيع كويس + سهولة فى اعادة البيع
2- رخص قطع الغيار
3- توافر قطع الغيار خارج التوكيل و عند البقالين
4- سهولة الصيانة و كل الصنايعية حفظوا العربيتن
و العربيتان توكيلهم سىء للاسف و التقفيل مصرى و وحش اما العمر الافتراضى للعربية و قطع الغيار فتقريبا واحد

بالنسبة للفرنا و اللوجان زى ما قلت انا مركبتش اللوجان فمقدرش احكم عليها بس دى معلوماتى من المنتدى و بدون تجربة فعليا للوجان
بعض مميزات اللوجان عن الفرنا
1- وسائل الامان (فيها اير باج)
2- الكماليات (كمبيوتر الرحلات)
3- وسع الصالون
4- وسع الشنطة
5- جودة التقفيل
6- التوكيل
7- الثبات (ملاكها بيقولوا كدة لكن انا مش مصدق مع ارتفاع العربية دة)

موضوع الثبات دة مش حيبان الا باختبار حقيقى خصوصا ان ناس كتير بتعتبر انهم يجيبوا 160 او 180 بالعربية فى خط مستقيم هو مقياس الثبات... الموضوع مش محتاج سرعة... انا مرة كبست مع واحد بماتركس و العربية لفت منة فى ملف صعب شويتين على سرعة 60... الموضوع مش سرعة عالية انما تماسك و ثبات فى حالة المناورات

بعض مميزات الفرنا عن اللوجان
1- الماتور المتطور والسحب
2- التكيف
3- انتشار السيارة و بالتالى سعر اعادة البيع كويس + سهولة فى اعادة البيع
4- توافر قطع الغيار فى كل مكان و بسعر رخيص
5- سهولة الصبانة و كل الصنايعية حفظنها
6- عدم اهتزاز السيارة او الفتيس او الدبرياج فى السلانسية او وانت مشغل التكيف و دى مشكلة للاسف موجودة فى اللوجان و معروفة و لسة ملهاش حل.

لو اللوجان كانت منتشرة كنت حدى صوتى ليها, اما ان اللوجان حتنتشر فدة فعلم الغيب والله اعلم بكرة حيحصل اية, انا حاليا اديت صوتى للفرنا بفارق بسيط بس لو اللوجان انتشرت خغير رايى وادية للوجان طبعا(كمان انا اديت صوتى للفرنا علشان مرتاح لشكلها الخارجى عن اللوجان بس دى حاجة شخصية و انت ممكن تكون عكسى بس اللوجان من جوة احلى من الفرنا)
شوف يا باشا انت اية الانسب ليك انت بناء على مميزات و عيوب كل عربية و ملكش دعوة بغيرك, و كمان شوف انت مرتاح لشكل انهى وحدة اكتر لان دية حاجة مهمة و تخليك تحب عربيتك.

MMamdouh