غسيل المانفولد بالتنر ؟

**tompina** · 10-10-2009 04:44 PM

المشاركة الأصلية كتبت بواسطة Strong

هو wd40 كويس لكن بيتحول لمادة زي الصمغ بعد فترة قصيرة أقل من اسبوع وبيجيب نتيجة عكسية لبعض الأماكن اللي بيترش فيها زي مجراية الزجاج
البنزين بينظف الحاجة بدون ترك أي أثر كإنها جديدة علشان كده أنا باحب استعمله كمنظف للأيدل وخلافه والجاز الأبيض كويس لكنه مش بيطير بسرعة زي البنزين

احترس من التنر والنفط وباقي المذيبات دي

ممكن يأثروا على الأجزاء الفبر أو البلاستيك اللي في الحساسات أنا ما جربتهمش في العربية لكن جربتهم على حاجات تانية البلاستيك والفبر ساح

تجربة شخصية لو عايز سحب جبار
شغل العربية وياريت تكون سخنة ، اضغط بنزين لغاية ال rpm يوصل لـ5 واثبت عليه 10 ثواني ، واطلع جرب ، أنا ماعرفش السر في الحكاية دي ايه لكن هتلاقي السحب والتسارع خرافي

الله ينور عليك يا strong وميرسي جدا على النصائح الرقيقة دي وبالنسبة لموضوع التنر ففعلا كلامك مظبوط وأنا حضيته على فيبر من اللي بيغلف الأجهوة الكهربائية فبهدله على الآخر .
وبالنسبة لموضوع كبس البنزين على 5 rpm لمدة عشر ثواني فشكرا أولا على النصيحة وثانيا أعتقد السبب في تسارع السيارة بعدها ممكن يكون من الضخ الجامد للبنزين بينضف البخاخات وما إلى ذلك ، وعموما كلنا بنلاحظ سحب العربية بيختلف بعد الرجوع من سفرية بيها .. بنحس إنها فاقت .. وعلى كل أنا (سخنت) وطالع أجربها حالاً

**tompina** · 10-10-2009 04:53 PM

المشاركة الأصلية كتبت بواسطة MMamdouh

استعمل منظف الكربراتير

الWD40 تقيل و حيرقد فى المنافولد مدة كبيرة و العربية حتطلع عينك على ما تدور و لما تدور حتبقى مش مضبوطة و حتدخن

انا عارف ان السبراى بيخلص بسرعة بس كدة كدة انت مبتعملش الحوار كدة غير كل فين و فين بالتالى التكلفة مش كبيرة مقارنة بالمدة الزمنية لتكرار الخدمة دى

اضافة الى كدة ان الWD40 مش منظف انما مزيل صداء بالتالى فاعليتة مش زى المنظف... البنزين او التنر ممكن يكونوا كويسين فى النظافة بس طبعا مش حتعرف ترشهم بضغط عالى فى المنافولد للوصول لكل جزء فى المنافولد خصوصا انك بترش من فتحة ديقة فى طرف المنافولد

MMamdouh

شكرا يا باش مهندس ..
طيب سلمت بأن الـ wd تقيل ، والإسبراي مش مريخني علشان مش بحس إنه بيملأ كل الأماكن في الموتور ؛ طيب إيه رأيك لو غرقت العربية بنزين 80 عشان أنا عارف إنه بيطير أسرع وكمان أملأ مكان البوجيهات بنزين ..وأفك البخاخات وأبيتها في البنزين .. باختصار أخلي العربية كأنها طالعة من ( ترعة ) بنزين ؟

**MMamdouh** · 10-10-2009 08:45 PM

مش حفرق حاجة... انت عايز ضغط + قوة تنظيف

مجرد دلق البنزين مش كفاية و البنزين مش منظف قوى زى منظف الكربراتير

MMamdouh

**zaza_lanos** · 11-10-2009 11:44 AM

التنر مادة مذيبة ممكن تاثر على دهان السيارة

**SBkr** · 15-10-2009 03:20 PM

منظف الكاربيراتير أنسب للبوابة مع دوران المحرك وعند درجة الحرارة الطبيعية للتشغيل ولاحظ ان الخليط يمكن ان يتسبب في اطفاء المحرك زود من البكرة مع الرش اثناء دوران المحرك - المنظف بة اسيتون ومزيبات ومواد فوارة قوية ومتطايرة وسيخرج دخان اسود اثناء التنظيف بسبب الراسب الكربونية زود حتي تختفي الأدخنة ثم رش رشة wd40 بعد التنظيف علي البوابة للتزييت

**tompina** · 16-10-2009 01:03 AM

المشاركة الأصلية كتبت بواسطة sbkr

منظف الكاربيراتير أنسب للبوابة مع دوران المحرك وعند درجة الحرارة الطبيعية للتشغيل ولاحظ ان الخليط يمكن ان يتسبب في اطفاء المحرك زود من البكرة مع الرش اثناء دوران المحرك - المنظف بة اسيتون ومزيبات ومواد فوارة قوية ومتطايرة وسيخرج دخان اسود اثناء التنظيف بسبب الراسب الكربونية زود حتي تختفي الأدخنة ثم رش رشة wd40 بعد التنظيف علي البوابة للتزييت

ماشي بس خد بالك العربية إنجيكشن واحنا بنتكلم عن تنضيف المانيفولد .. يعني دا آخر كلام ؟

**abo_lamar** · 18-10-2009 01:50 AM

المشاركة الأصلية كتبت بواسطة strong

تجربة شخصية لو عايز سحب جبار
شغل العربية وياريت تكون سخنة ، اضغط بنزين لغاية ال rpm يوصل لـ5 واثبت عليه 10 ثواني ، واطلع جرب ، أنا ماعرفش السر في الحكاية دي ايه لكن هتلاقي السحب والتسارع خرافي

ايه رأي المهندس سمير و المهندس محمد ممدوح في الموضوع ده ؟

**tompina** · 18-10-2009 03:35 AM

على فكرة أنا غلب حماري .. نضفت المانيفولد .. وفكيت الشكمان كله مش علبة البيئة بس .. وغسلت الفلتر .. والبوجيهات جديدة ونظيفة والعربية مابتقطعش لا في السلانسيه ولا غيره ونظفت الأيدل وعملت أيدل ليرن ............ واللي مجنني العربية سحبها مش مريحيني ...........ليييييييييييييييييييييييي ييييييييييييييه ؟؟
حد يرحمني يا عالم بدل ماولع في المنتدى وفي العربية وفي الكومبيوتر وفي البيت وأخيرا في نفسي

**zocor742** · 18-10-2009 05:50 AM

ممكن اقول رأيى بصراحة فى الموضوع دة
وارجو انة لا يسبب زعلك منى لاقدر الله وتأكد انك اخ فاضل بالنسبة اليا
حضرتك من طريقة كلامك حسيت انك بتحب المجازفة .. وتحب تفك .. وتجرب تعمل كذا .. وبتحب تعمل كل حاجة بأيدك
انا شايف وزى ما المهندس سمير عياد قال

المشاركة الأصلية كتبت بواسطة samirayad

وبينى وبينك ....لا تكن أول من يجرب أستخدام أى شىء لم يجربه أحد
قبل منك
ألا أذا كنت من هواة ذلك ولا تفرق معك أى آثار جانبيه غير مرغوبه
وغير معروف أبعادها

بس مش شايف ان وجود ميكانيكى بتابع يبقى افضل على اساس الخبرة بردو بتفرق يعنى اكيد ورد عالية كتير وجرب كل حاجة وشغلة وفى الاول والاخر صنعتة( اللى هيا مش متوافرة عند اى صنايعى زى توافر الفهلوة )

اكيد هيكون لية ابعاد نظر لما يجى يعمل حاجة او يجرب حاجة
غير حد غاوى واكيد فاهم بس معندهوش خبرة انة يحددابعاد الموضوع
ممكن تعمل حاجة غلط من غير قصد نهائى تسبب مشكلة لاقدر اللة

ممكن حضرتك بقى تعمل حاجة كويسة اوى بدال انت حابب كدة
قبل ماتعمل اى حاجة احسبها وافهمها من اخد رأى اهل الخبرة سواء من ميكانيكى او عن طريق خبراء المنتدى الجبار نايل موتورز

حضرتك ارجو انك متكونش زعلت من كلامى اطلاقا
انا بس حبيت اقولك رأيى عشان حسيت انك هاوى الموضوع وتحب تشتغل فى العربية بنفسك
وتأكد ان حضرتك وجميع الاعضاء خصوصا منتدى الدايو
اخوانى واحبابى فالله

-

الموضوع: غسيل المانفولد بالتنر ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

تسريب المانفولد للمياه زهقنى خلاص

المانفولد الجديد والقديم لجين 2

خراطيم هواء المانفولد ..

غسيل الموتور

غسيل الموتور

الكلمات الدلالية لهذا الموضوع

المفضلات

المفضلات

ضوابط المشاركة