غسيل المانفولد بالتنر ؟

**tompina** · 07-10-2009 05:24 PM

كنت قد قرأت موضوع تنظيف المانفولد في المنتدى والحمد لله نفذته على أكمل وجه .. المهم : هل يمكن غسيل المانفولد بالتنر أو الكحول الأبيض أو حتى البنزين ؟
والسبب في هذا التساؤل هو أن الإسبراي بتاع التنظيف بيخلص بسرعة وبيطير بسرعة جدا وحاسس إنه مابيلحقش يقعد في الموتور لحد ما يذيب أكبر كمية من التراكمات في الموتور ، كمان بحس إن الإسبراي ماملاش كل الموتور أو دخل في كل الفتحات الأربع بانتظام ؟
أتوجه بسؤالي للسادة الأعضاء عموما وللزميلين م/ سمير عياد وأ. محمد ممدوح

**samirayad** · 07-10-2009 07:26 PM

أنا نظفت البوابه فى عربيتى بأستخدام ال wd40
بس لسه المانيفولد معملتش فيه حاجه
وبالنسبه لسؤالك
من ناحية المنطق ....من الممكن أستخدام البنزين بأستخدام رشاش مثلا
للتجربه
ولكنى لا أفضل أستخدام التنر أو الكحول
لأن البنزين ماده عامله فى المحرك ....أما التنر والكحول لم يتم تجربتهما
وبالتالى غير مضمون أثرهما على جوان المانيفولد مثلا

والأفضل طبعا ....أستخدام الشىء الذى تم تجربته من الجميع
وهو مزيلات الصدأ

وبينى وبينك ....لا تكن أول من يجرب أستخدام أى شىء لم يجربه أحد
قبل منك
ألا أذا كنت من هواة ذلك ولا تفرق معك أى آثار جانبيه غير مرغوبه
وغير معروف أبعادها

**tompina** · 07-10-2009 07:55 PM

أولاً أشكر حضرتك جداً جداً ..
ثانياً أنا فكرت في كده من غلبي ، لأن الموتور لما بشد سلك الإكسراتير بياخد وقت على ما يوصل للأداء المطلوب حوالي ثانية ودي تفرق كثير جدا وكمان هي مخنوقة في الغيار الأول والغيار التاني عزمه ضعيف شوية .. علما بأني من عشاق البدء بالغيار الثاني ولا أستعمل الأول إلا نادرا.
عملت كل شي .. نظفت البخاخات والبوجيهات والفلتر وضغته زي الفل وحساس الـtps وبرضه فيها الحكاية دي ففكرتت في قرار ثوري زي التنر مثلاً.
عموماً شكرا جزيلا يا باش مهندس وعلى فكرة أنا معجب بيك أوي .
أخوك الصغير : محمد جمعه
المنيا
لآنوس 2000 بيضاء وزي العسل وفول أوبشن

**samirayad** · 07-10-2009 08:15 PM

لأن الموتور لما بشد سلك الإكسراتير بياخد وقت على ما يوصل للأداء المطلوب حوالي ثانية ودي تفرق كثير جدا وكمان هي مخنوقة في الغيار الأول والغيار التاني عزمه ضعيف شوية .

طيب مانحاول تكشف على واير الأكسراتير وتزيته مثلا
يمكن يكون تقيل الحركه جوه الجراب بتاعه
وبرضه رش المره دى مزيل صدأ على سوستة بكره الأكسراتير بغرض التليين وأنت بتحرك البكره لفك أى كلبشه أو تقل بالسوسته

علما بأني من عشاق البدء بالغيار الثاني ولا أستعمل الأول إلا نادرا

حاول تخللى كل حاجه ترجع لطبيعتها
بمعنى حتطلع من السكون يبقى الأول وبعد كده أبقى أنقل وهكذا
لأن كده غلط على الدبرياج
وأشكرك يا أبو حميد على زوقك
ولى الشرف بأن تعتبرنى أخيك

**tompina** · 08-10-2009 01:01 AM

أولا .. العفو دا أقل واجب في التعامل مع ناس محترمة بجد زي حضرتك ..
ثانياً :

طيب مانحاول تكشف على واير الأكسراتير وتزيته مثلا
يمكن يكون تقيل الحركه جوه الجراب بتاعه
وبرضه رش المره دى مزيل صدأ على سوستة بكره الأكسراتير بغرض التليين وأنت بتحرك البكره لفك أى كلبشه أو تقل بالسوسته

أنا مزيت كل حاجة لكن ما أقصده هو بطء الموتور نوعا في حرق البنزين مما يجعل السيارة بالبلدي (نيئة) أي كمن استيقظ لتوه من النوم على مسألة حسابية معقدة ، فيأخذ وقتا أطول لحلها.
لكن السيارة تصل لسرعات لحد 160 كم ولم أجد طريقا أطول أجرب فيه أثر من هذا وأحس أني لو استزدتها لزادتني لكن ببطء نسبي .
للآن لم أجد حلا وبالمناسبة منذ تعرفت على المنتدى وأنا لا أفعل شيئا سوى شراء المعدات واتخاذ القرارات بعدم الذهاب إلى الميكانيكية إلا للشديد.
ترى سيدي .. ما الممكن أن يكون سبب بطء الموتور النسبي في إحراق البنزين وإعطاء الأداء المطلوب؟؟؟

**tananybasha** · 08-10-2009 01:16 AM

هو ينفع بس بلاش التنر و الجاز خليك فى البنزين

**MMamdouh** · 08-10-2009 01:30 PM

استعمل منظف الكربراتير

الWD40 تقيل و حيرقد فى المنافولد مدة كبيرة و العربية حتطلع عينك على ما تدور و لما تدور حتبقى مش مضبوطة و حتدخن

انا عارف ان السبراى بيخلص بسرعة بس كدة كدة انت مبتعملش الحوار كدة غير كل فين و فين بالتالى التكلفة مش كبيرة مقارنة بالمدة الزمنية لتكرار الخدمة دى

اضافة الى كدة ان الWD40 مش منظف انما مزيل صداء بالتالى فاعليتة مش زى المنظف... البنزين او التنر ممكن يكونوا كويسين فى النظافة بس طبعا مش حتعرف ترشهم بضغط عالى فى المنافولد للوصول لكل جزء فى المنافولد خصوصا انك بترش من فتحة ديقة فى طرف المنافولد

MMamdouh