انا منهارة حد يوديها فداهية ويرحني منها

**tabeb** · 08-10-2009 12:53 AM

ببساطة اركني العربية تحت البيت علي ماتخلصي امتحاناتك وقضيها تاكسيات_مستقبلك اهم

**mr_kenawy** · 08-10-2009 01:58 AM

بالنسبة للمخالفة تكييفها القانونى اسمه "امر جنائى" و ليس حكم , و هو بيتميز عن الحكم انه بيسقط و يعتبر كأن لم يكن بمجرد المعارضة فيه , و فى حالة المعارضة بتتحدد جلسة امام قاضى محكمة المرور فى خلال 15 يوم على الاكثر و تصبح المسألة تقديرية للقاضى اما ان يقتنع بوجهة نظرك من خلال الادلة و القرائن (تقديم المحضر المثبت للحادثة مثلا) و فى هذه الحالة بيلغى المخالفة اصلا , و اما لا قدر الله القاضى لا يقتنع و فى هذه الحالة ممكن يؤيد الغرامى السابقة و ممكن يخفضها.
الليلة دى كلها ممكن يتولاها محامى صغير و ياخد 100 جنيه او 200 بالكتير.

**M.Osman** · 08-10-2009 03:56 AM

ربنا معاكي

**maka** · 08-10-2009 04:37 AM

المشاركة الأصلية كتبت بواسطة successcre8or

ربنا معاكي

+1

و ان شاء الله هتخلص على خير , اصبرى و احتسبى وان شاء الله هتفرج

**ahmad--ezzat** · 08-10-2009 04:38 AM

سؤال سريع......فين قريبك رئيس النيابه من دة كله....المروض يكلمه ويمسح بيه اى حاجه بقااااااااا

**pro_samir** · 08-10-2009 06:57 AM

أولا 500 جنية دة كتير جدا وكل اللى اعرفهم بيعملو الموضوع دة بيدفعو في رينج 150 جنية والمفروض ملكيش دعوة بأي حاجة ، ولا هوا رايح يقف فى الطابور وبس !

ثانيا هوا معملش حاجة أصلا والمفروض الفلوس دي قريبك يرجعهالك

ثالثا لو هوا قريبك وعايز يخدم المفروض ييجي معاكي يوم واحد للمرور وكل حاجة هتخلص ان شاء الله

وربنا يعينك بجد ، انا عندي تجديد الشهر الحالي برضو و مبفكرش اروح ناحية المرور إلا لما أظبط واسطة كويسة ومنتظر رد واحد صاحبي شغال في مكتب المحامي العام

**Ghost2** · 08-10-2009 07:30 AM

والله يا ايس حرام عليكي .. اخوكي ظابط جيش ما شاء الله وقريبك في النيابة العسكرية ..قريبك ده لو نزل معاكي اي قسم مرور في اي حته يقلبه ويخليه على رجل .. او اخوكي حتى .. الموضوع ده هيخلص والمخالفات هتتشال لو حد منهم نزل معاكي .. انا لما كان معايا العربية كنت واخد مخالفة سير عكس الاتجاه وحزام زيك كده في اسيوط وانا عمري ما نزلتها في حياتي .. اخدت معايا واحد صاحبي طيار فايتر .. كل الكلام ده اتشال وانا مسئول عن كلامي ده .. خدي الراجل اللي في النيابة العسكرية معاكي وكل حاجه هتتحل ان شاء الله

**أبو إياد** · 08-10-2009 11:53 AM

ربنا يستر بجد انا كمان لسه شارى العربيه 128 وصاحبها تابع لمرور شبرا وعاوز انقلها مرور العجوزه ومستنى اخد اجازه اسبوع علشان اتفرغ للموضوع ده علما بان الرخصه لسه ساريه شهر 3/2010 بس عاوز اعجل فى الموضوع ده خصوصا بعد اللى حصل معاكى

بس للاسف انتى لازم تدفعى مافيش مفر وبعدها تبدئى فى موضوع التظلم ده وربنا معاكى

بس ليا استفسار هو الافضل انك تسلمى النمر فى المرور الجديده ولا فى مرور شبرا ؟

**icehearted girl** · 08-10-2009 03:43 PM

اخد مين انتم متخيلين اني ممكن اطلب من حد انه يسيب شغله وييجي يخلصلي مصلحي

لا انا مبحبش اتقل علي حد... واقدر اشيل مسئوليتي بنفسي

استاذ حمد هو الطبيعي فلمرور الجديد بس قالولي الافضل في شبرا

لان العربية بتاعتهم من الاصل وعشان فلمرور الجديد مش كل شوية يقرفوكي ويرجعوكي شبرا تاني

فتخلصي كل حاجة من شبرا وتروحي المرور الجديد فقط علي استلام النمر والرخصة

وبعدين 500 جنيه دا مش بايدي

ماما اتصرفت من دماغها وطلبت من قريبي دا يجبلها حد يخلص الموال دا فهو جابلنا الراجل دا

ماما هي اللي ادته ال 500 جنيه هو مطلبهمش

وبعدين الواحد يبقي فبيته ويجيله تهمة فاسيوط؟؟

ولاحد يتبلي اني خبطته مثلا

دنا لو قلت حد جرجر العربية وراح زهراء المعادي وهي مدشدشة

هقلكم انا كنت شايلة نمرها وكل حاجة ممكن تتسرق زي البطارية والككاسيت وكله كله

**horas3000** · 08-10-2009 04:46 PM

الله يكون في عونك
بس انا مش عارف ايه اللي ينرفز اكتر
قريبك اللي مكلفش خاطرة يضيع ساعة من وقتة و يخلصك
ولا الراجل ابو 500 جنية ده
و لا المرور بسلطاتة و باباغنوجة
و لا من اخوكي اللي سايبك لايصة كدة

بس الواحد مبيتعلمش ببلاش
و الدروس المستفادة من قصتك كتير
1- يستحسن تجيب عربية زيرو و تريح نفسك
2- لو لازم مستعمل يستحسن تشتريها من حد ساكن حواليك و يا ريت لو الاوده اللي جنبك
3- تناسب وزير او حد في الداخلية (ممكن تطلب انة يتبناك ارخص)
4-الحل الاسهل انك تسيب مصر كلها
5- لو كل الحلول اللي فاتت صعبة يبقي تفوض امرك لله و تحسبن علي اللي كانوا السبب

معلش اذا كنت قلبت الموضوع بهزار بس الواحد مبقاش في ايده غيره عشان يهون علي نفسة

ربنا معاكي و ان شاء الله هتعدي علي خير

الموضوع: انا منهارة حد يوديها فداهية ويرحني منها

LinkBack

أدوات الموضوع

عرض

-

-

-

-

-

-

-

المواضيع المتشابهه

فكتراااااااااا٩٨(منها لله)

ال Frv بقى فى منها اتوماتيك ؟؟

128 اتجنيت منها

هي الياريس في منها كام لون....

الكلمات الدلالية لهذا الموضوع

المفضلات

المفضلات

ضوابط المشاركة