الموضوع: انا منهارة حد يوديها فداهية ويرحني منها

كنت الأول بروح المرور وأنا مسالم لأقصي درجة و بقيت بشوف الظباط و إللي معاهم وسايط بيخلصوا كل حاجه من جوه في دقائق وكنت بأكتفي بالتأفف أو الحسبنه على كل ظالم لحد ما حصل موقف مع واحد صاحبي و هو طيار لقي عليه مخلفات 1800 جنيه عند التجديد كلم معرفش مين خفضلوا المخلفات لـ 200 جنيه بس - يعني مخلفه ب 500 تبقي حزام ب 50 , سير عكس الإتجاه ب 1000 تبقي انتظار صف تاني ب 50 جنيه - وهكذا.


بصراحه دمي إتحرق - و آخر مره رجت أجدد فيها كان نفس الكلام مقدرتش أسكت رحت طالع لمدير الإداره و طلبت أقابله , دخلتله وقلتله هو المفروض آخد قد ايه وقت علشان أجدد رخصة عربتي علما بأن كل الورق جاهز رد و قالي علشان لول فيه زحمه يبقي نص يوم يعني 4 ساعات , رديت عليه و قلتله لأ حضرتك 4 أيام قالي ليه انت بتبالغ.
رديت : لو حضرتك مش مصدق هتلاقي الضريبه مدفوعه في يوم و المخلفات طلعه في يوم تاني وإنهارده التالت و أنا زي ما أنا و السبب إن إللي بيخلص من جوه الشباك أضعاف إللي بيخلص بره و كل شويه الموظف يروح مش عارف يعمل أيه و يغيب ربع ساعه في كل مره يقوم فيها.
بصراحة الراجل مردش و نده على الأمين الواقف بره و قلوا ابعتلي فلان, جه صاحبنا و قاله متعملش حاجه أنهارده غير انك تقف تتابع طوابير الشبابيك و محدش يدخل ورقه واحده جوه و شويه و هنزل لو لقيت حد واقف جوه بيخلص حاجه انت حر.
شكرته و نزلت ومعايا صاحبنا سألني هو فيه ايه حكيتله, وقد كان و الله الطابور إلي قعد 3 ساعات متحركش منه غير واحد أو اتنين خلص في ساعه و احده بس.
معلش أنا طولت , بس القصد هنا إن الواحد ميكنش سلبي , لازم نكون إيجابيين لأن بالسلبية دي بنشارك في الفساد الإداري إللي كل مصالح مصر الحكوميه بتعاني منه مش المرور بس.

المشاركة الأصلية كتبت بواسطة iceheartedgirl

ايفوووووووووو....دا بدل مطلعلك توكيل وتدبس مكاني بتشمت فينا؟

والله لا مش بشمت بس فعلا صعبان عليا شحططه البنات ورا الحكومه
ولو واحده لقيتها زيك كده ومتبهدله وعملتلى توكيل هخلص ورقها ان شاء الله فى يوم ( واسطه طبعا ) بس عشان فعلا مش هتمشى من غير واسطه او حظ والحمد لله انك خلصتى اجراءاتك بالحظ بالواسطه بالجبنه بالبسطرمه المهم انها خلصت وماتفكريش خلصت ازاى مبرووووك

المشاركة الأصلية كتبت بواسطة iceheartedgirl

بظبط حضرتك بتوصف اللي بيحصل بظبط

يبقة المطلوب من حضرتك التوجه إلي الإداره العامه للمرور وتقابلي المسئول هناك وتوريه شهادة المخلفات إللي بـ 1500 وإنها متخصكيش و تأكيديله على إمكانية إثبات ده بالشهود - السمكري , الميكانيكي , بواب العماره - هيقولك إعملي تظلم و قدميه لنيابة المرور , قوليله قبلت وكيل النيابه بالفعل و قالي إدفعي الأول وبعدين إتظلمي " أصلها فاتورة تليفون" فأنا جيت لحضرتك بإعتبار إن المخلفات دي تم قيدها بواسطة رجال المرور مش رجال النيابه فهل يمكن إني أدفع مخالفه مش بتاعتي ده يرضي مين ؟ وإزاي المخلفات دي إتسجلت على عربيتي؟

سواء كان الجواب إيجابي أو سلبي من ناحية حضرته , هتكوني عملتي إللي عليكي قدام نفسك و لا يكلف الله نفسا إلا وسعها.

علي فكره حتى لو معملكيش حاجه هو مصدقك لأن ده بيحصل كتيييييير وهو عارف كده كويس, يشيلوا مخلفات عربية واحد حبيبهم و ينقلوها علي رقم تاني.

المشاركة الأصلية كتبت بواسطة iceheartedgirl

فين الادارة العامة للمرور دي


والشهادة اجبها ازاي هي بس متسجلة علي الكمبيوتر وعشان اخدها ادفع الاول..

هو على ما أعتقد في رابعه العدويه بمدينة نصر و يفيدك في ده أكتر مني لأني مش من القاهره أي حد من الأعضاء هنا, وبالنسبه للشهاده هو عندي في المرور بيدني وصل كده عليه المبلغ المطلوب سداده ولما أدفع في الخزينه برفق إشعار الدفع مع الإيصال ده فبيديني مخالصه بعد كده بتتختم من عند وكيل النيابه وشكرا.

كل ما عليكي أنك تخدي الوصل ده بس من الشباك إللي عريفتي منه عليكي كام مخلفات ومتتدفعيش حاجه لحد ماتروحي تعملي إللي قولتلك عليه.

وربنا معاكي أحسن من أي واسطه ممكن تتخيليها.