تقولون شعرا فى ثبات السوبارو 2009 !!!!!

**kmhbravo** · 04-02-2010 08:32 AM

انا راجعت وقرات كل الموضوع وبصراحة فى حاجة غايبة حتى عن اللى عندهم سوبارو وما زكروهاش خالص وهى ان العربية all wheel drive(AWD) يعنى احسن ثبات من أى عربية جر أمامى أو خلفى فقط وفى كل المواقف وظروف القيادة وجميع انواع الطرق والنظام ده بيسمح ان كل الأربع عجلات يستلموا قوه عزم مباشر من الموتور

**Youssef.Awad** · 04-02-2010 03:42 PM

المشاركة الأصلية كتبت بواسطة kmhbravo

انا راجعت وقرات كل الموضوع وبصراحة فى حاجة غايبة حتى عن اللى عندهم سوبارو وما زكروهاش خالص وهى ان العربية all wheel drive(AWD) يعنى احسن ثبات من أى عربية جر أمامى أو خلفى فقط وفى كل المواقف وظروف القيادة وجميع انواع الطرق والنظام ده بيسمح ان كل الأربع عجلات يستلموا قوه عزم مباشر من الموتور

يا باشا .. الدفع الرباعى المستمر المتماثل ده
SYMMETRICAL ALL WHEEL DRIVE
دى حاجة مفروغ منها وبلا منافس فى العالم كله غير طبعا سيارات الأودى الكواترو أو بى إم دبليو الفئات التى تحمل الكود X

**Ahmed Hassan** · 06-02-2010 04:09 AM

المشاركة الأصلية كتبت بواسطة mmffor

لو حضرتك سمعت اللي قالوا في الاخر المذيع حتفهم كل حاجه! المذيع قال بالحرف : طبعا للسائق دور اساسي في اللي بنشوفوا الان, هؤلاء 9 سائقين محترفين يعملون لشركة سوبارو !!!!!!!!

يا راجل حرام عليك! المعلق مقالش كده خالص!! الراجل كان بيعلق على العربيه الفولفو لما مرضتشي تطلع و قال " طبعا السائق ليه دور اساسي هنا و السائقين هنا هما موظفين مبيعات سوبارو و ليسوا سائقين محترفين"

حضرتك جبت الكلام ده منين بقى؟

**elmohandes1** · 06-02-2010 10:37 PM

السلام لكم جميعا - تابعت الموضوع بالكامل و عندى كام سؤال كده -ليه مش منتشرة رغم كل هذه المميزات؟ هل أبو غالى مغالى فى صياتتها؟ ما هو مستوى سعرها فى المستعمل من مو 2006 الى 2009 - أشكركم

**ahmedsadek82** · 07-02-2010 12:40 PM

المشاركة الأصلية كتبت بواسطة fahd_628

السلام عليكم !

دلوقتى انا بسمع الناس بتقول على السوبارو ثبات مرعب و الكلام دة و الى انا شفته النهاردة غيرلى الفكرة تمااااااااااااااااااااااا اااااااااااااااااااااااما تمامااااااااااااااااااااا ااااااااااااااااااااااااا ااا و ساعتها عرفت قصد Top gear و Fifth gear عن ثبات السيارة ( مع فارق الموديل طبعا لأنه دائما بيكون STI ) و ان الانسر احسن منها بكتيير !

المهم انا كنت راكب مع واحد صاحبى على البحر و صاحبى كان بيجرى على البحر المهم واحد بسوبارو سوداء متظبطه كمان بس مش عجبانى يعنى كان فيها جنط كبيير و و سبيلر و كدة يعنى ( كانت سيدان )

المهم الراجل صاحب السوبارو سخن مع صاحبى و بيجرى معانا و قاعد يحرق و كدة ( طبعا التسارع مش جامد اوى ) المهم صاحبى قدامه قفل و هوة كان قدامه مفتوح بس كان لازم ياخد كام غرزة كدة المهم اخد الكام غرزة دول و بجد العربية كانت بتتمايل بشكل غريييييييييييييييييييييب جدا جدا جدا و خلاص بتعوم معاه مع اننا مكناش على سرعة عالية يعنى ! بجد كانت بتتمايل جامد جدا جدا جدا جدا لدرجة ان انا صعقت و صاحبى هدى كدة و قعد مركز معاه و كان مندهش جدا من الثبات السيئ جدا !

فا دية كانت ملاحظتى على ثبات السوبارو

This is not true , its not a scientific prespective actually , ,THE SUBARU IS THE MOST STABLE JAPANESE CAR,WITH THE HONDA NEXT

**ahmedsadek82** · 07-02-2010 01:34 PM

المشاركة الأصلية كتبت بواسطة elmohandes1

السلام لكم جميعا - تابعت الموضوع بالكامل و عندى كام سؤال كده -ليه مش منتشرة رغم كل هذه المميزات؟ هل أبو غالى مغالى فى صياتتها؟ ما هو مستوى سعرها فى المستعمل من مو 2006 الى 2009 - أشكركم

It's a marketing issue purely , the egyptian market is used to toyotas hondas & mitsubishis as japanese cars, you can't change the peoples minds , eventhough subaru is reamrkably better in the performance aspect, but marketing 'is a game of perceptions not 'who's better game

**ledo7** · 11-02-2010 03:29 PM

ببساطة كده أستاذ fahd_ معاه حق فى ملاحظته .. لكن ده تفسيرى .:
-
الامبريزا 2009 نظريا المفروض ثباتها أحسن من موديلات 2007 و 2005 لأنها على قاعدة عجلات أكبر وشاسية ونظام تعليق الليجاسى 2004 (2000سىسى ) وهو أقوى من تعليق الامبريزا 2004 و 2007 ..لكن اللى متابع منتديات سوبارو أمريكا حيعرف إن مشكلة سوبارو إنها نعمت عفشة موديلات 2008 علشان تكون مريحة .. ( عفشة 2004 و 2007 ناشفة شويه لكنها تعتبر رياضية ) والناس بره اتغلبوا على الحل ده انهم بينشفوا العفشة و يركبو bar خلفى علشان يعدل ال over steering اللى بيحصل وسوبارو عدلت عفشة 2009 wrx وكتبت انها بقت ناشفة أكتر عن 2008 وده فى تصريح رسمى من الشركة .. لكن أعتقد إن موديلات 2008 و 2009 ال 1500 لم يطلهم التعديل ده ...
-
المهم ده فى إعتقادى السبب اللى خلاك تشوف العربية بتتمايل فى الغرز لأن عفشة العربية ناعمة لكن صدقنى العربية ماسكة فى الأرض ومش ممكن تحدف أو تزحف على الأرض وده بسبب الدفع الرباعى اللى لسه بيديها ميزة عن الدفع الأمامى ....