الموضوع: عشان خطرى ريو ولا نية أكسنت أوتوماتيك أرجو المساعدة

المشاركة الأصلية كتبت بواسطة ezzatfox

الوسع و التقفيل واحد فى الاتنين الاختلاف فى الاتى :
اول حاجة الشكل سواء الخارجى او الداخلى ( الصالون و التابلوة ) و دة اذواق .
ثانى حاجة الموتور : فى الريو 1400 dohc بقدرة 97 حصان الاكسنت 1600 cvvt تكنولوجيا احدث و 112 حصان .
الريو اوطى شوية من الاكسنت دة ممكن يعمل مشاكل مع المطبات لو العربية محملة و فى المقابل بيزود ثباتها اكتر يعنى ميزة و عيب - و عكس الكلام بالنسبة لللاكسنت .
الريو عفشتها انعم لان مساعدينها مش غاز زى الاكسنت و بالتالى بتاخد راحة اكتر فى مقابل ثبات اقل بالنسبة للنقطة دى - لان المساعد الغاز بيزود الثبات و بالذات فى المنحنيات و الملفات و العربية بتبقى ماسكة نفسها بس فى المقابل بيخلى العفشة ناشفة .
و اخيرا فرق السعر بين الاتنين لصالح الاكسنت .
و نصيحة سيبك من كل الكلام اللى قريتة و انزل بنفسك اتفرج على العربيتين كويس و اقعد فيهم و اعرف المواصفات الكاملة فى العربيتين و قرر بنفسك بعد صلاة الاستخارة .

اختلف مع حضرتك في الوسع و التقفييل انه متساوي ......
التقفيل في الريو بالشكل كده كمان من غير تدقييق الريو افضل ......
الوسع وعن تجربة لان دي كانت نقطة مهمة عندي الريو اوسع وخصوصا من وراء
كمان الريو مش واطية للارض بالصورة اللي تخليها تحك في المطبات واحسن من كده انه ينزل ويقارن الاتنيين على الطبيعة