الموضوع: البطارية حيرتنى ..

المشاركة الأصلية كتبت بواسطة samirayad

طيب حقولك على حاجه
لو ينفع تنقل دينامو ال 128 مكان دينامو ال 127 ( يعنى بدل الأثنين دينامو )
لمدة أسبوعين وتجرب
لو حصل العكس
والبطاريه بتاعة ال128 هى اللى فضيت وال 127 تمام
يبقى العيب دينامو فعلا

+1

1- افصل الكابل لما تركنها و شوف هتقعد كام اسبوع من غير شحن

2- انت الحرارة عندك بتبقى كام فى ال127 ؟؟؟؟

وممكن تركب ثرموستات عالية شوية مثل 80 -90

شكراً على النصائح الغالية ..
موضوع تبديل الدينامو ده محتاج أروح بالعربيتين عن كهربائى وغلبة .. فهاخليه آخر حاجة على الأقل لما افضى شوية

بالنسبة للعربية الـ 27 ، فمروحة الرادياتير بتشتغل أول ما العربية تدفى يعنى قول 60 أو 70 ، ومش بتقف غير لما أبطل العربية والمكنة تهدى ، الكلام ده طبعاً كان في الأيام اللى فاتت ، فمش عارف فى الشتا هيحصل ايه.

وبالنسبة لتغيير الثرموستات ، فهل معقول ان المروحة حتى لو شغالة على طول تقدر تفضى البطارية وتتغلب على شحن الدينامو لها ، باسأل السؤال ده ، لأن فى الـ 28 ، المروحة برضه بتشتغل على 70 ، يعنى فى أيام الصيف كانت بتشتغل كتير وماكانش لها أى تأثير على البطارية.

على أى حال ، الدنيا ماشية دلوقتى بأنى كل 10 أيام كده لما بأحس ان بطارية الـ 27 خسعت ، بانقلها فى الـ 28 واحط مكانها التانية ، فبتشحن كويس فى الـ 28 وبتمشى كويس و هكذا ..

وأرجو انى ألاقى وقت علشان أشوف الموضوع ده لأن شكله كبير ،

وهابدأ بموضوع فصل كابل البطارية كل ما أركن العربية ولو مافضيتش يبقى نخش على الدينامو (بالرغم من أن قياس شحن الدينامو كويس بشهادة أكتر من كهربائى).

وشكراً مرة آخرى ..

روح لكهربائي يراجعلك على الضفيرة ممكن يكون سلك عريان و ململس في جسم العربية

متشكر جداً يا جماعة على مساعدتكم ..
أخيراً عرفت السبب وهو ان سير الدينامو كان مرخى
فكان لما يتقاس مع تزويد البنزين يبان بيشحن ، بس هو الحقيقة على المشى العادى مش بيشحن كويس علشان كان مرخى
الكهربائى شده والعربية بقى لها شهر ماشية كويس ..

بس المشكلة اتحلت خلاص ، والعربية ليها شهر ماشية كويس.