استفسارعن توكيل فيات اوماترا

**seeker** · 09-10-2009 02:47 PM

يا جماعة فى حد هنا تعامل مع اوماترا اسكندرية ؟
واقصد بالتعامل حجز سيارة (والكلام هنا عن جراند بونتو2009).. يعنى المعتاد بتدفع كام على سبيل حجز سيارة .. وهل ياترى بيتكتب تاريخ الاستلام على ايصال الحجز ولا لأ ؟؟
لانى طلبت منهم يكتبوا تاريخ التسليم وكذلك قيمة السيارة النهائية على ايصال الحجز بعد ماقيل لى ان العربية احتمال كبير تغلى تانى .. لكنهم رفضوا كتابة اى شىء على ايصال الحجز سوى المبلغ المدفوع كمقدم وقالوا اذا كنت اريد كتابة السعر النهائى للسيارة على الايصال يجب ان ادفع 40% من قيمة السيارة كمقدم حجز على ان يتم التسليم بعد شهر (تقريبا) .. ايه رأيكم فى الكلام ده ؟؟

**loodaa** · 09-10-2009 08:40 PM

انا فعلا حجزت ب40% من القيمة لما كانت ب90 ألف بس مكانش مكتوب حاجة غير نوع العربية و سنة الصنع و المبلغ اللي دفعته واستلمت كمان اسبوعين و المفروض كنت استلم بعد اسبوع فقط بس الكلام ده كان من شهر يناير واعتزرولي على تأخير الاستلام عشان كان الجو ما سمحش للكساحة بنقل العربيات على الصحراوي من القاهرة لأسكنرية و خيروني استنى شوية أو يخلوا واحد يسوقها لوحدها و يجيبهالي بس انا أخترت استنى اسبوع كمان عبال النوة ما تخلص

**seeker** · 09-10-2009 09:04 PM

المشاركة الأصلية كتبت بواسطة loodaa

انا فعلا حجزت ب40% من القيمة لما كانت ب90 ألف بس مكانش مكتوب حاجة غير نوع العربية و سنة الصنع و المبلغ اللي دفعته واستلمت كمان اسبوعين و المفروض كنت استلم بعد اسبوع فقط بس الكلام ده كان من شهر يناير واعتزرولي على تأخير الاستلام عشان كان الجو ما سمحش للكساحة بنقل العربيات على الصحراوي من القاهرة لأسكنرية و خيروني استنى شوية أو يخلوا واحد يسوقها لوحدها و يجيبهالي بس انا أخترت استنى اسبوع كمان عبال النوة ما تخلص

شكرا loodaa لردك .. اعتقد انت معاك جراند بونتو مانيوال كنت قرأت تقييمك لها من فترة قصيرة .. ايه اخبراها دلوقتى بعد مرور 10 شهور على سواقتها فى اسكندرية ؟
وهل ياترى رحت صيانة الخمسة الاف فى مركز السكة الجديدة بالمنشية ؟ ايه نظام تعاملهم ؟
سؤال كمان .. هو انا لو ركبت انذار او باركنج سنسور او وحدات رفع زجاج بره التوكيل ممكن اطلع من الضمان ؟

**loodaa** · 10-10-2009 02:01 AM

هي كويسة بس نظرا لأننا في مصر فالعربية اتخبطت كام خبطه كده صغيرين و هي مركونة و كام خربوش كده بمفتاح ولا مش عارف خربشها بأيه وغطا تانك البنزين واحد فتحه وكسره و سابه و جرى و لحد دلوقتي مش عارف مين اللي عمل كده لأن كل ده و هي راكنة بس لزقته بالصمغ و بقى كويس دلوقتي اما الاكصدام اللي ورا عاجبني انه جامد قوي .
انا عملت بيها 2700 كيلو لحد دلوقتي لأن مشاويري كلها جوة البلد سواء شغل أو مشاوير بحري و محطة الرمل فلسة معملتش ال 5000 بس مش ناوي أعملها في اسكندرية الا لو مركز خدمة اوماترا اللي في الموقف الجديد اشتغل لكن مش حروح مركز النيل لأني سمعت انهم مش عارفين حاجة في العربية و مفيش اهتمام بالشغل.
في المجمل حتى الان العربية كويسة جدا والموتور قوي مش ضعيف ولا حاجة و موفرة في البنزين انا بحط 37 لتر بنزين 92 كل شهر مرة لما مشاويري كترت لكن في الاول لما كان مشوار الشغل بس كنت بحط حوالي 28 لتر كل شهر ( بخمسين جنيه)
بالنسبة في الباركنج سنسور و خلافه فمش عارف عشان ما أفتيش في حاجة بس في الكتالوج في فيوزات معمولة من غير load يعني ممكن يتوصل عليها حاجات جديدة بس موضوع الضمان مش عارف ايه نظامه