فضيحة توكيل كيا فى مصر

**alaalord** · 11-10-2009 07:38 PM

المشاركة الأصلية كتبت بواسطة ahmad mahfouz

لازم نحدد موعد ومكان علشان نتجمع ونروح مع بعض

وليكن يوم السبت القادم الموافق 17-10-09 الساعة 12 ظهرا في داندي مول.

بس يا دكتور الاول نعرف احنا كام واحد يعنى نحاول نجمع عدد لان لغاية دلوقتى ما فيش غيرك تقريبا وعلى فكرة الشركة اجازة يوم السبت

**alaalord** · 12-10-2009 12:00 AM

اللى عايز يحجز يروح لمحمد زكى ويقابل احمد ابنة بنى ادم جامد جدا و صادق فى كل كلمة

**محمد محمد** · 12-10-2009 08:06 AM

هو مافيش يا اخونا عربية بتتباع في السوق غير السيراتو احمد كمال كان حاجز كارينز وغيرها برينو سينيك وده التفكير الصح فيه عربيات كتير ممكن تجيبها بنفس السعر او بأسعار مقاربة وكتيرة وموجودة ومحترمة جدا ما وقفتش علي السيراتو انا بيتحرق دمي لما الاقي العربية مرطرطة في المعارض(ده مش بيبقي فيه غيرها في المعرض) واشوف حال الناس في المنتدي هنا الناس متكالبة علي العربية وزي مايكون من ركب السيراتو دخل الجنة يا ريت نغير اسلوبنا ده.

**Ahmad Mahfouz** · 12-10-2009 09:02 AM

وبعدين ؟؟؟؟؟

**M.ABDEEN** · 12-10-2009 10:33 AM

القصراوي ده كان كله هيونداي ومن كام يوم في المعادي معدي من جنبه لاقيته حاطط الشعار بتاع كيا وكل اللي عنده بقى كيا وفعلا لازم حل لان الواضح ان التوكيل عارف اللي بيحصل وساكت

**hanaafawzy** · 12-10-2009 03:20 PM

المشاركة الأصلية كتبت بواسطة cameeron

انا بقى يا جماعة كلمت القصراوى على الكارينز و زى ماقالكوا على السيراتو بس الاوفر برايز عشرة الاف جنيه كاملة تقولش مرسيدس يعنى و قمت مكلم كذا معرض لقيت النهاردة السيراتو و الكارينز مرطرطة فى المعارض يعنى الوكيل عنده عربيات اهه و كله التسليم فورى و كله بالاوفر الثابت تقريبا عشر الاف جنيه و لقيت المحمل الوحيد اللى كاتب سعر التوكيل فلما كلمته قاللى اه سعر الوكيل و تستلم بعداربع شهور يا خفيف انما عاوز فورى بالاوفر برايز المتفق عليه بين الوكيل و كل تجار العربيات

اوعى المحمل انا حاجزه من 1-6 ولحد الان مسلمنيش الكيا الكارينز وبعد خناق قال يسلمى بس بزياده عشره الاف كله كداب بس انا ملاحظه ان كلنا بنتكلم ومحدش بيتحرك