الموضوع: صيانة 5000 للوجان رومانى 2009

شكرا لردك واهتمامك
العربية جميلة الحمد لله ومريحانى وبعد الصيانة وانا كمان ضبط العجل على 28 فرقت جامد ... الحمد لله
لكن كنت اتمنى طبعا ان متبقاش فى ولا مشكلة .. هى بس الحاجة اللى مضيقانى شوبة هى هزة الفتيس بالنسبة لهزة العربية هى بسيطة وطبعا بتبان والعربية واقفة سواء فى تكييف او لأ بس اكرر انها بسيطة .
المتور مش وحش بس اعتقد ان الهزة اللى فيه ديه هو ان القواعد بتاعته مثلا مفهاش كوتش يمص الاهتزاز ده كفايو يعنى مش عارفة قوى ... بس فى المجمل انا بحب اسوقها وبحبها

يا ساتر كل دى مشاكل فى اول 5000 امال لما تعملى 50000
انتى خوفتينا من العربيه جدا بصراحه و ايه حكاية الرعشه دى ؟؟؟؟؟؟؟

المشاركة الأصلية كتبت بواسطة hobby10

ملاحظاتى للصيانة كانت الاتى :
· الماتور :عالى ومتزمد وفيه رعشة وكركرة فى السلانسيه .(مفيش حل ؟!!!!!)
· العربية : كلها فيها رعشة محسوسة فى الداخل فى السلانسيه(مفيش حل ؟!!!!!)
· الفتيس :
1. فيه رعشة على طول سواء والعربية ماشية او واقفة بتزيد طبعا مع التكييف . (مفيش حل ؟!!!!!)
2. عضة مع المارش . (تم حلها)
· الدركسيون : عند لف الدركسيون للأخر فى صوت . (ده الطبيعى علشان البور)
· بدال الدبرياج والفرامل : بيعملوا صوت . (تم حلها)
· بدال البنزين : فيه زنة لما الموتور بيعلى .(مفيش حل ؟!!!!!)
· استهلاك البنزين : عالى شوية . (يراقب بدقة ونتابع لاحقا اذا ثبت وجود مشكلة)
· تغيير الزيت والفلتر . (تم باصرار منى للاطمئنان)
· تثبيت كلبس النور فى الصالون الداخلى . (مصمم انه كده متثبت وانا كبرت دماغى)
· غسيل الموتور . (تم)

الفاتورة قيمتها 330 جنيه --< 230 زيت توتال كوارترز 9000 رصاصى
30 فلتر زيت
70 ضريبة ومصنعيات (كتيييييير)

بالنسبة للحاجات اللى ملهاش حل انا مش مقتنعة صراحة وعاوزة الوحوش ياريت لو يشاركونا برأيهم لانى ملاحظة ان النقط دى موجودة عند الناس كلها تقريبا .... ولو فى حد معندوش المشاكل دى ياريت يقول لان كده ده يبقى معناه انها مش طبيعية ولا حاجة زى ماهم بيقولوا ...................... ويبقى اكيد ليها حل حنستفيد منه كلنا ان شاء الله

تانى حاجة بالنسبة لموضوع الزيت احنا اختلفنا فيه جامد لانهم كانوا مصممين يقعدوه لل 10000 وانا من ملاحظتى وملاحظة كذا شخص كمان الزيت كان مفهوش لزوجة خالص !!! الغريب بقى انهم قالولى كلام لخبطنى خالص وهو ان الزيت التخليقى اللى هم بيحطوه ده مينفعش يتقاس لزوجته باليد وانه كمان لزوجته بتزيد لما يسخن يعنى بمعنى اصح اكن الطبيعى لما اشوف لزوجته والعربية باردة زى ما حنا نعرف طول عمرنا فى قياس الزيت حلاقيه مفهوش لزوجة !!!!!!!!!! طبعا مش فاهمة حاجة ومش مقتنعة ... المهم غيرته وخلاص وبعد كده حغيره كل 10000 بس نفسى افهم مش اكتر (بس عموما حتى بعد التغيير انا بصيت على الزيت وهو بارد وكمان وهو سخن وفى الحالتين كان خفيف بصراحة كان نفسى احط موبيل وان وخلاص !! والله اعلم ..... ربنا يستر وادينا فى الضمان)

تالت حاجة ..... انا اتعلمت المرة دى ان لازم اراجع كل حاجة وراهم بمعنى انهم مبيعملوش كل اللى طلبته او ملاحظاتك كلها من نفسهم يعنى انا بعد ما قعدت ساعتين فى الملاحظات بتاعتى دى لاقتهم سايبين نصها فاضطريت ارجع للمهندس تانى واراجع معاه والعربية دخلت تانى وقعدت ساعتين كمان !!!! مع ملاحظة الحاجات اللى متعملتش علشان ملهاش حل !!!!
الموقف ده خلانى اخد بالى من حاجة وهى ان المفروض لراحة العميل ولانجاز العمل على اكمل وجه ان المفروض زى ما فى مهندس استقبال بيستلم منك العربية علشان تدخل المفروض برضه يسلمهالك ويوضحلك اللى اتعمل بالضبط وايه اللى لأ علشان متبقاش انت مجبر انك تراجع وراهم والعربية تدخل تانى وتطلع والقصص دى مع العلم انى كنت مسجلة الملاحظات بوضوح شديد فى ورقة مطبوعة ومنظمة.

فى النهاية الحمد لله تم بنجاح بس بعد 4 ساعات من الانتظار والاضطرار للمراجعة وراهم .

شكراااااا واسفة على الاطالة وارجو ان يستفيد الجميع من التجربة ... وعلى جميع من يهمه الامر المشاركة فى الانتخابات ... قصدى فى التعليقات

السلامه عليكم ورحمه الله اختنا العزيزه


ارجو انك متزعليش منى حضرتك بدون قصد عملتى رعب فى القسم كله...حتى انا شخصا اترعبت.....المهم الوجان الرومانى من جه نظرى القفيل هيكون احسن من المغربى
بس هذا لا يمنع ان المغربى ممتازه...انا جربت الرومانى وسوقتها وكانت اكثر من ممتاره

وموضوع رعشه الفتيس ده فعلا موجوده فى العربيه بس مش لدرجه تخوف اما رعشه فى العربيه

كلها محسوسه اكيد لو العربيه لسه بارده هل يحصل كده بس لو العربيه سخه اكيد مش ها يحصل

موضوع زنه فى البدال .....اعتقد انهم بيستطعبطوا فى التوكيل ده اكيد حاجه سهله....


على فكره فعلا فيه نوع زيت بيتقل مع الاستخدام .....وبتزيد لزوجته لما العربيه تسخن .....

الكلام ده مش غلط.....

ممكن حضرتك بعد كده لما تروحى تعملى الصيانه تشترى الزيت من بره التوكيل....مش

لازم من عندهم

شكرا للوحوش اللى ردوا كلهم طبعا وتقديرى ليهم............
طبعا انا بعتذر جدا جددددددددددددا لو فى حد اتضايق منى او يعنى خاف من العربية ............ انا على فكرة كتبت هنا الملاحظات زي ماكنت كتباها للمهندس فى الصيانة بمعنى

ان مثلا وصفى للموتور انه فيه رعشة وكذاااااااا ده حقيقى بس انا بتكلم عليه وانا فاتحه الكبوت وشايفاه مش وانا قاعدة جوه العربية يعنى بمعنى اصح ده للصيانة علشان يفهموا الموضوع مش علشان انا حاسة بده جوه ... وسبب التوضيح ده هو انى متهيقلى ان ده هو سبب زنة البنزين ورعشة الفتيس وبالتالى لو هم حلو دى الاتنين دول حيتحلو .. والله اعلم

وزى ما اخونا الكريم قال

المشاركة الأصلية كتبت بواسطة architect_a

أختنا الفاضلة ...
مبرووك و دايما على خير ان شاء الله كل صيانة تعمليها..

* مشاكل الهزات اللى انت ذكرتيها فى الغالب مالهاش حل قوي واضح..... بمعنى ان دة ظاهر بسبب تكنولوجيا الماتور القديمة نسبيا و القائمة على الوير ... دة بيخلى الماتور سحبه كويس وشديد ....
بس بيسبب الهزات اللى انت شابفها دة فى الفتيس و دواسة البنزين ومع تدوير العربية .....
يمكن يكون حله الوحيد .. الوقت والعمر ...الماتور يطبع فتخف الهزات دة ... ربنا يمد فى عمرك ويحسن عملك.....

* دة كله تخمينى لكل اللى انت عملاه بالاحمر ... والله اعلم

فى النهاية ...شكرا على التقييم الرائع و التجربة الممتازة لعمل الصيانة الاولى لك .... و شكرا على طريقة السرد المنظمة ....... وشيلى من دماغك الهزات اللى فى العربية فى الوقت الحالى هى تضايق بس مش خطأ فنى او عيب فى العربية ...(( تكنولوجيا أحنا اشتريناها لسبب وجيــــــه جدا جدا .. )) .

فعلا انا برضه بعتقد فده جدا وشكرا على التوضيح الجميل ليا ولكل الوحوش .. بس كصيانة لازم اقولهم كل ملاحظاتى ........... وعلشان حضراتكم تفهمومنى اكتر هو ده الصح ..حتى وانا ماشية مهندس الصيانة بشمهندس خالد وهو بالمناسبة انسان محترم جدا قاللى كل لما اجى مفيش مانع ابدا انى اقول اى حاجة من النقط دى لان وارد جدا فى اى وقت طبعا انهم يوصلوا لحلول حتى للحاجات البسيطة دى
لان طبعا حضراتكم عارفين ان العربية لسه جديدة (بالمناسبة هما فعلا قالولى ان اه الموتور ده قديم وهم عارفينه لكن الفتيس ده جديد عليهم)

يعنى انا مثلا قولتلهم على عضة المارش دى عملوها على طول من اول مرة من غبر اى كلام ...مع ان كان فيه زميل لينا هنا من الوحوش كان قال انهم مكنوش عاوزين يعملوها ومهندس الاستقبال ماكنش مقتنع انها مشكلة بس فى الاخر الوحش صمم واتحلت

ياريت تكون وجهة نظرى وصلت للجميع

وللمرة الاخيرة انا بأكد ان العربية جميلة وانا بستمتع بسواقتها والحاجات اللى اتعملت فى الصيانة وتظبيط العجل فرقوا كتيييييييييير وانا مبسوطة الحمد لله
ومفيش فى العربية اى حاجة مضيقانى خاااااااااالص الا بس رعشة الفتيس ... وعلى فكرة فى اخ لينا هنا قبل كده قال انه معندوش اى مشاكل فى الفتيس خالص .. بمعنى ان حتى الهزة دى ممكن تكون عند ناس وناس يعنى اكيد ليها حل عااااااادى.

شكراااااا واسفة على الاطالة واعتذر فعلا عن اى مشكلة سببتها بدون قصد.

المشاركة الأصلية كتبت بواسطة hobby10

شكرا للوحوش اللى ردوا كلهم طبعا وتقديرى ليهم............
طبعا انا بعتذر جدا جددددددددددددا لو فى حد اتضايق منى او يعنى خاف من العربية ............ انا على فكرة كتبت هنا الملاحظات زي ماكنت كتباها للمهندس فى الصيانة بمعنى

ان مثلا وصفى للموتور انه فيه رعشة وكذاااااااا ده حقيقى بس انا بتكلم عليه وانا فاتحه الكبوت وشايفاه مش وانا قاعدة جوه العربية يعنى بمعنى اصح ده للصيانة علشان يفهموا الموضوع مش علشان انا حاسة بده جوه ... وسبب التوضيح ده هو انى متهيقلى ان ده هو سبب زنة البنزين ورعشة الفتيس وبالتالى لو هم حلو دى الاتنين دول حيتحلو .. والله اعلم

وزى ما اخونا الكريم قال



فعلا انا برضه بعتقد فده جدا وشكرا على التوضيح الجميل ليا ولكل الوحوش .. بس كصيانة لازم اقولهم كل ملاحظاتى ........... وعلشان حضراتكم تفهمومنى اكتر هو ده الصح ..حتى وانا ماشية مهندس الصيانة بشمهندس خالد وهو بالمناسبة انسان محترم جدا قاللى كل لما اجى مفيش مانع ابدا انى اقول اى حاجة من النقط دى لان وارد جدا فى اى وقت طبعا انهم يوصلوا لحلول حتى للحاجات البسيطة دى
لان طبعا حضراتكم عارفين ان العربية لسه جديدة (بالمناسبة هما فعلا قالولى ان اه الموتور ده قديم وهم عارفينه لكن الفتيس ده جديد عليهم)

يعنى انا مثلا قولتلهم على عضة المارش دى عملوها على طول من اول مرة من غبر اى كلام ...مع ان كان فيه زميل لينا هنا من الوحوش كان قال انهم مكنوش عاوزين يعملوها ومهندس الاستقبال ماكنش مقتنع انها مشكلة بس فى الاخر الوحش صمم واتحلت

ياريت تكون وجهة نظرى وصلت للجميع

وللمرة الاخيرة انا بأكد ان العربية جميلة وانا بستمتع بسواقتها والحاجات اللى اتعملت فى الصيانة وتظبيط العجل فرقوا كتيييييييييير وانا مبسوطة الحمد لله
ومفيش فى العربية اى حاجة مضيقانى خاااااااااالص الا بس رعشة الفتيس ... وعلى فكرة فى اخ لينا هنا قبل كده قال انه معندوش اى مشاكل فى الفتيس خالص .. بمعنى ان حتى الهزة دى ممكن تكون عند ناس وناس يعنى اكيد ليها حل عااااااادى.

شكراااااا واسفة على الاطالة واعتذر فعلا عن اى مشكلة سببتها بدون قصد.

لا داعى للاسف ولا حاجه احنا هنا اخوات مع بعض وديه اهم حاجه

بس بلاش حضرتك تقلقى جامد كده.......وكمان اوعى تمشى من التوكيل وانت

مش وخده حقك .....الضمان ده انت دفعه تمنه وانت بتشرى العربيه يعنى لازم تخدى حقك تلت ومتلت