الحمد الله اخيرا نقلت ملكية و بعد صراع مع المرور لمدة 3 ايام جددت الرخصة واليكم التفاصيل :
العربية كيا سيفيا موديل 2000 كورى مانوال و اتكلف كلو تقريبا 1400 جنيه
- نقل ملكية (التسجيل) 670 ج كورى موديل 2000 و سالت على التقفيل مصرى قلى تقل 120 ج بس لازم يكون مكتوب فى الملف انها مصرى
- الضريبة حوالى 220 جنية فى السنة
- تامين اجبارى 80 ج فى السنة
- ورق الفحص 25 و الطفاية 121 ج
- رسوم التجديد و اللوح حوالى 150
- 2 شهادة بيانات للشهر العقارى و المرور حوالى 30 ج
- غير الاكراميات و الشاى (ماشيها اكراميات)
- و نصيحة صور من كل حاجة 3 او 4 نسخ (الرخصة و البطاقة و التوكيلات) و كارنيه النادى احتياطى
اللى يضحك انا اول ما خرجت من المرور وانا مش مصدق نفسى انى اخذت الرخصة و خليصت و انا بركيب النمر الجديدة لاقيت واحد بيقولى حضرتك مش عاوز تبيع العربية الكيا دى اعدت اضحك وقولتلو لا والهى هى مش للبيع و متستناش ان اى واحد ممكن يكون لسه مجدد و خارج من المرور و يطلع يبيع عربيتو
الحمد الله خلصت لان المرور بقى معناة اليومين دول و طلب الكراميات عينى عينك و كلو بياخود دا مهندس الفحص اللى مبيدلوش بيقلو اى خدمة الشاى بقة ,(حسبى الله و نعم الوكيل)
و اى سوال عن التجديد انا موجود