متابعة مباراة مصــر - زامبيا (تصفيات كاس العالم 2010)

**bassemali** · 10-10-2009 07:24 PM

المشاركة الأصلية كتبت بواسطة mcml_13

مبروك للمنتخب الفوز على زامبيا و ان شاء الله نلعب فى جنوب افريقيا و نثبت للكل اننا احق بالتأهل للمونديال
يارب رواندا تعملها مع الجزائر و تريحنا من حسبة فرق الاهداف

ياااااااااااااااااااااااا اااااااااارب

**MoToRiZeR** · 10-10-2009 07:27 PM

انا مش مصدق نفسي .. و كان هيجيلي شلل و انا بتفرج من التوتر بس الحمد لله .

كدة يا جماعة انا شايف الحظوظ في المجموعة 50% .. 50%
بدون تشائم

دلوقت إحنا فاضلنا ماتش واحد .. الجزاير فاضلها ماتشين
رواندا عندها دافع تلعب كويس قدام الجزائر عشان فرصتها في التأهل لكأس الأمم زادت بعد هزيمة زامبيا إنهاردة فا هيلعبوا عالتعادل مع الجزائر و يهزموا زامبيا في رواندا .

إحنا .. عدينا ماتش صعب جداَ جداَ في ملعب من غابات السافانا (حد شاف النجيلة كانت طول إيه!!!؟) .. فرق الأهداف مش بشع .. الماتش الأخير علي أرضنا في أستاد الرعـــــــب .. و انا متأكد إن ستاد القاهرة في ماتش الجزائر مش هيكون فيه مكان لمسمارلأنه نقطة فاصلة في مشوار الجيل ده بالكامل .. و الجزائر أولاَ و أخراَ مش فريق حلو .. إحنا فريقنا بحالات .. هو وحش دلوقت بس محدش ينسي ماتشاتنا العالمية في 2008 و كأس القارات .. يعني هو أصلاَ مش فريق وحش .. هو فريق بيعدي بفترة من التخبط و هبوط المستوي لأن لعيبة كتير من قوام المنتخب الأساسي مستوي أنديتهم في النازل .

رواندا مش هتبقي رايحة تتغلب و لسة عندها أمل .. و الجزائر مش فريق مرعب
و حتي لو كسبوهم و بسكور عالي .. لسة فيه كلمة هتتقال في ستاد القاهرة .

و أخيراَ .. تحية جامدة أوي لعصام الحضري إنهاردة .. دائماَ رجل المواقف الصعبة مع المنتخب

**MoToRiZeR** · 10-10-2009 07:36 PM

المشاركة الأصلية كتبت بواسطة mahfouz1983

يا جماعه حتي لو كسبنا هنعمل ايه في ماتش الجزائر الي هي تعتبر عقده كبيرة هنقدر نفكها هنكسبها كام يعني احنا بكتيره بصعوبه ممكن نتعادل معاها او نكسبها واحد صفر ودا بالعافية اذن فيه فرق اهداف يخلي الجزائر تروح كاس العالم وبعدين هنقعد نتكلم ونقول ان شاء الله 2014 نعوض ويكون حسن شحاته مات وراج في الرجلين واللعيبه اتسرحو وجم اشخاص جداد وربنا يعوض في فلوس العشب

الجزائر عمرها ما كانت عقدة مصر !
هما كانوا بيقولوا كدة علي المغرب و تونس ساعات
إنما الجزائر هي اللي عقدتها مصر .. من ساعة ما طلعناهم من كاس عالم 90 و بنغلبهم كتير و مننساش ماتش 5\2 العالمي .. مصر اللي عقدة الجزائر و الجميع كان متوقع مصر تطحن الجزائر في الماتش اللي فات بس الظروف .

**MoToRiZeR** · 10-10-2009 07:43 PM

14 نوفمبر .. الجزائر بلد المليون و ( 11 ) شهيد .

**M.Mosaad** · 10-10-2009 07:43 PM

يا خوفي !!!!!!!!!!!!

**mcml_13** · 10-10-2009 07:53 PM

بغض النظر عن نتيجة ماتش الجزائر و رواندا .... احنا مستنيين هنا فى القاهرة عشان نكسبكوا سكور كمان و مش بعيدة على فريق كسب ساحل العاج و الكاميرون 4 و كسب ابطال العالم ايطاليا و احرج ملوك الكورة البرازيليين انه يحط فى شباك الجزائريين زى مايحب اجوال

**Sharky** · 10-10-2009 07:53 PM

الحمد لله على الفوز الغير مستحق
بس بصراحة المنتخب كان سئ جدا و لا يستحق حتى التعادل

أكيد الفوز دا مخلى الجزائرين تحت ضغط لإنهم كان عندهم أمل كبير ان مصر تتغلب او تتعادل و فى نفس الوقت انهم لازم يغلبوا رواندا بفارق 3 أهداف على الأقل علشان يبقوا مش قلقانين قوى فى القاهرة و دى ممكن تكون ميزة لينا لإنهم نازلين عندهم ضغط انهم مش يكسبوا فقط لا لازم يجيبوا أكتر من 3 اهداف

دا غير ان فوز مصر على زامبيا أدى أمل كبير جدا لرواندا انها ممكن تصعد لبطولة أفريقيا لو كسبت الجزائر او حتى تعادلت معاه
يعنى المفروض رواندا حتلعب و هى عندها حافز قوى

ربنا يسهل لأول مرة حاسس ان الامل بقى كبير
وان شاء الله بكره نسمع خبر حلو

**mr_sameh** · 10-10-2009 07:57 PM

الحمد الله

**Ahmed Anwer** · 10-10-2009 08:02 PM

يا جماعة هوا احنا البرازيل عشان ندور علي أداء ؟
هوا حقق هدفه و خلاص علي أد إمكانياته
و في الأول توفيق ربنا ،
حسن شحاته ، الجوهري,الناس دي هيا اللي بتعرف تعمل انجازات ،
بس منقولشي حلو و وحش
المهم النتيجة
و ربنا يكرم مع الجزائر

**mr_sameh** · 10-10-2009 08:03 PM

الاداء سئ جدا بس كسبنا الحمدالله

الموضوع: متابعة مباراة مصــر - زامبيا (تصفيات كاس العالم 2010)

LinkBack

أدوات الموضوع

عرض

-

-

-

-

المواضيع المتشابهه

ضرب أوتوبيس الجزائر بالحجارة في تصفيات كأس العالم 2010 كان مؤامرة من سمير زاهر !!

متابعة مبارة مصر - الجزائر في السودان (تصفيات كأس العالم 2010)

متابعة مبارة مصر - الجزائر (تصفيات كأس العالم 2010)

متابعة ميارة الجزائر و زامبيا

الكلمات الدلالية لهذا الموضوع

المفضلات

المفضلات

ضوابط المشاركة