تصليح الكربراتير

**ramyraby** · 10-10-2009 12:59 PM

عايز اعرف مكان اصلح فية الكربراتير كويس لو سمحتم
انا عارف ان في واحد في شبرة اسمة ابراهيم حسن
هل دة كويس ولا في غيرة ؟؟ أرجو الاجابة في اسرع وقت وشكرا لكم على الرد

**kasten** · 10-10-2009 05:01 PM

متاااااااابع

**mero25** · 10-10-2009 06:01 PM

لا انصحك بالصيانة لهذا الجزء الحساس وذلك عن تجربة اصلاح عند افضل ورشة اصلاح فى القاهرة وهى الورشة الابراهيمية عند سينما شبرا بلاس
الافضل اشترى واحد استيراد

**rabeasaber** · 11-10-2009 03:03 AM

عموما عن تجربة ابراهيم بتاع شبرا دا وهم كبير وللأسف أخذ الشهرة دى من تداول اسمة هنا فى المنتدى وانا رايح عنده لقيت واحد بتاع بيجو بيشتكى انه جاله أكتر من مره والعربيه باظت أكتر وكلت بنزين أكتر ومعايا بقا صمم على 120 جنية مع انها كانت محتاجه فقط باب وجلبة وبيصمموا على أكتر من كده فى عربيات تانية . فلو بايظ خالص غيره ولو حالتة معقولة عند أى ورشة كاربرتير جنبك بس يكون عنده ضمير ومعقول فى المصنعية وتسألة فى الاول هيعمل ايه لو معندكش فكرة

**aymaym** · 15-10-2009 10:16 PM

بلاش ابراهيم بتاع شبرا
من يوم الحاج مامات والورشه خربت وبقوا حرميه اوى
هتدفع فلوس كتير وتندم
شوف حد تانى
الكربراتير فيه حاجات بسيطه تتصلح الا لو مجاريه وسعت يبقى شكرا مهما عملت هيستهلك بنزين

**zastaffa** · 20-10-2009 03:51 AM

والله العظيم ابراهيم بتاع شبرا ده منهم لله عندهم السرقه عيني عينك وان كان عاجبك روحتله اكتر من مره ومفيش مره عملي حاجه عدله ويخبط بالميه والميه وخمسين والكاربيراتير يرجع انيل من الاول ..بيعتمد علي انه بيمسك الكاربيراتير يدعكه بسلك المواعين ويغسله بالبنزين والكومبروسر حتي الجوانات مش بيغيرها وطبعا الزبون ييجي يلاقي الكاربيراتير نضيف وبيلمع والمخرطه بأه عامله شو ناحيه الباب من تحت فيفرح وميفاصلش وروحت يا عم وجيت ادور العربيه قعدت اسبوع كامل علي بال متظبطت بالعافيه ووالله مرجعتش زي الاول

**mero25** · 20-10-2009 04:30 PM

المشاركة الأصلية كتبت بواسطة zastaffa

والله العظيم ابراهيم بتاع شبرا ده منهم لله عندهم السرقه عيني عينك وان كان عاجبك روحتله اكتر من مره ومفيش مره عملي حاجه عدله ويخبط بالميه والميه وخمسين والكاربيراتير يرجع انيل من الاول ..بيعتمد علي انه بيمسك الكاربيراتير يدعكه بسلك المواعين ويغسله بالبنزين والكومبروسر حتي الجوانات مش بيغيرها وطبعا الزبون ييجي يلاقي الكاربيراتير نضيف وبيلمع والمخرطه بأه عامله شو ناحيه الباب من تحت فيفرح وميفاصلش وروحت يا عم وجيت ادور العربيه قعدت اسبوع كامل علي بال متظبطت بالعافيه ووالله مرجعتش زي الاول

نفس القصة حصلت معايا واصبح اسوء من الاول
شويى حرامية منهم لله والفاتورة130 جنيه

**hamadakr** · 18-12-2009 03:35 AM

السلام عليكم ورحمه الله وبركاته
انا اسمى حمادة ................................

لقد خالفت قواعد المنتدى اكثر من مرة مما استدعى تطبيق القواعد
تم حصولك على انذار مصحوب بوقف شهر
في حالة التكرار شطب عضوية فوري