الكربراتير بيشرق

**ahmed_eng2001** · 20-09-2011 01:50 PM

السلام عليكم

امبارح و انا راجع من الشغل هديت العربية و فصلت الغيار عشان اخد مطب ... لقيت العربية طفت لوحدها و مرضتش تدور .... بعد الكثير من المحاولات التى بتئت كلها بالفشل ... واحد معدى جانبى قال العربية احتمال تكون شرقانة ..... انفخ هواء فى الكربيراتير و سيب العربية 3 دقائق و بعد كدة دور العربية ... انا عملت زى ما قال بالظبت و لقيت العربية دارت فعلا !!!!!!

السؤال ... ايه الى يخلى العربية ممكن تشرق ؟؟؟ و ايه الحل فى الحالة دى ؟؟؟

**aboomar22** · 20-09-2011 02:02 PM

طيب ما هو ممكن تكون الموبينة سخنت ففصلت كهرباء ولما حضرتك حاولت تدور البنزين كان بينزل فى الكربراتير ومفيش كهربه تدور العربية فاصبح البنزين اكتر من اللازم فشرقت العربية ولما حضرتك وقفت شوية وفكيت العمة ونفخت هواء كانت الموبينه بردت شوية ودورت العربية معاك

**ahmed_eng2001** · 20-09-2011 02:08 PM

المشاركة الأصلية كتبت بواسطة aboomar22

طيب ما هو ممكن تكون الموبينة سخنت ففصلت كهرباء ولما حضرتك حاولت تدور البنزين كان بينزل فى الكربراتير ومفيش كهربه تدور العربية فاصبح البنزين اكتر من اللازم فشرقت العربية ولما حضرتك وقفت شوية وفكيت العمة ونفخت هواء كانت الموبينه بردت شوية ودورت العربية معاك

انا شاكر ليك على الرد

وجهة نظرك كويسة جدا ... بس بعد كدة انا مشيت بالعربية و روحت و معملتش مشاكل تانية ..
طيب اعرف ده عيب الموبينة ولا ده عيب فى الكاربيراتير ازاى ؟؟

**aboomar22** · 20-09-2011 11:26 PM

لو عيب موبينه حتلاقى الموبينه بتسخن جدا يعنى بعد مشوار كده حط ايدك عليها هتلاقيها سخنة جدابس موضوع العربية تشرق وهى دايرة وماشيه صعبه شويه

**ahmed_eng2001** · 21-09-2011 10:11 AM

انا حشيك على الموبينة فعلا و حشوف الدنيا ايه .

**hondaman** · 21-09-2011 10:23 AM

اما لو عيب كربراتير يبقى عيب عوامة

**ahmed_eng2001** · 21-09-2011 10:29 AM

.. ايه بقى قصة العوامة دى ؟!!!!!

**ahmed_eng2001** · 21-09-2011 10:33 AM

انا بفكر افك الكاربراتير الجميل و اوديه لابراهيم بتاع شبرا يروشه و يشوف فيه ايه .. صح و لا اتريث ؟؟

**hondaman** · 22-09-2011 10:25 AM

بص الكربراتير زى السيفون من غير تريقة عارف العوامة بتاعت السيفون لما بتترفع المياة بتتقفل نفس الحوار كدة عشان كدة لو العوامة عندك بايظة بيفضل يملى بنزين لحد ما بتشرق

**zegzaag** · 24-09-2011 07:36 PM

المشاركة الأصلية كتبت بواسطة ahmed_eng2001

انا بفكر افك الكاربراتير الجميل و اوديه لابراهيم بتاع شبرا يروشه و يشوف فيه ايه .. صح و لا اتريث ؟؟

لا استنى افضل لحد ما تعرف العيب فين لسبب اننا في مصر يعني مش هيقولك لو الكربراتير سليم لا لازم ياخد فلوس ويشتغل

سؤال بأه يا اخي العزيز طقم الكهربا اخبارو ايه ؟ يعني الوجيهات والابلاتين والكوندنسر ؟

انا هكلمك عن نفسي لما بتبطل بيبقى فيه مشكلتين اما الكربراتير او طقم كهربا
تبطيلت الكربراتير بتحس العربيه بتتخنق يعني البنزين بتحسو بيعافر عشان يوصل لحد ما تحسها بتتخنق وبتغرغر وتكركر والكلام ده وتروح مبطله

اما تبطيلت طقم الكهربا فهيا تبطيله عاديه وناعمه ومبتحسش ان الموتور او الكربراتير بيتخنق او في دربكه لا تبطيله زي الحرير

سامحني اخوك ماشي بالبركه فقلت انتقلك تجربتي يمكن تفيد ولا حاجه اصل الصنايعيه دول اعوذ بالله