الموضوع: تحديد سعر اي سيارة مستعملة هدية لاحلي منتدي(الجزء الثاني)

المشاركة الأصلية كتبت بواسطة tamtoma

انا مش عارفه المشوار كام كيلو بس هو بياخد وقت 45 دقيقه تقريبا لو الطريق كويس مش زحمه
انا قدامى برضو عربيه تانيه كيا ريو موديل 2001 فيها تكيف وسنتر وباور وزجاج كهربا حالتها كويسه بس هى رشه اجزاء بره نظافه وهى فابريكه بالداخل وحاله الموتور والعفشه حلوه وهى عامله 160000 كم وصاحبها طالب 39000 جنيه نهائى علشان حاله العربيه حلوه ومش محتاجه اى مصاريف وكمان هو جايب كوتش جديد بالفواتير وبطاريه جديده معلش ارجو الافاده ايهما افضل مع مراعاه ان مرتبى مش كبير علشان البنزين لان الكيا 1300 سىسى واكيد هيبقى فى فرق فى استهلاك البنزين بين الاتنين وشكرا

كده انا فهمت ان اولوية الاختيار المصاريف والبنزين يبقة خليك في الالتو وحاولي تعمليلها بوليصة تأمين والسبب ان العربية القديمة ليها مصاريف مهما كانت لان السن ليه حكمه اما العربية الجديدة ممكن تستمر فترة بلا مصاريف بالاضافة الي السي سي اقل وده بياثر علي البنزين بالطبع بس حاولي تشوفي التو عدادها مش كبير علشان ميبقاش متاخد خيرها

المشاركة الأصلية كتبت بواسطة tamtoma

اولا انا متشكره بجد على رد حضرتك السريع والاهتمام
بس انا كده مفهمتش اشتريها ولا لا وبالذات ان العربيه حالتها فعلا زيرو انا شفتها ووريتها لميكانيكى والعداد كتير لان صاحب العربيه مشواره طويل من الشغل للبيت بس هو محافظ عليها كمان انا مش عايزه اشترى عربيه لما اجى ابيعها اخسر فيها جامد لانى ممكن اغير بعد سنه او اتنين بالكتير لو ربنا كرمنى بملبغ تانى ان شاء الله فلو سعرها عالى ممكن اخسر فيها كتير لما اجى ابيعها ولا ايه وكمان كنت عايزه اسال على بنزينه كويسه لو عايزه ارفعها فى المهندسين او اكتوبر وشكرا جدا

انا شايف ان السعر الي قلته لحضرتك حلو عليها
اما الراي الاخير لك هل تاخديها زيادة شوية عن تمنها علشان تشتري دماغك من اللف والتدوير ام تدوري علي حاجة تانية بسعر افضل وعداد افضل فالامر متروك لسعادتك
في بنزينة كويسة في شارع الهرم الي قدام الخزان سمعت عنهم انهم كويسين

المشاركة الأصلية كتبت بواسطة hashour

أستاذ شريف....
جازاك الله كل خير على تعبك أوﻻ
ثانيا...عايز رأي حضرتك في كذا حاجه
1- ماتريكس 2007 مانوال 1600 ماشيه 20 الف فابريكه بره وجوه و تكييف وسنتر وباور و حاله نضيفه بعد ماكشف عليها سمكري و ميكانيكي و مركز خدمة هونداي...واخده خبطه خفيفه من عند الكبوت و مردوده على البارد ومش مؤثره على الدهان بس باينه سنه على الصاج
2- لانسر 2006 مانوال 1600 ماشيه 65 ألف تكييف وسنتر وباور . فابريكه بره و جوه و حاله جيده جدا
3- نفس اللي فاتت بس رشه بره ماعدا السقف و القوايم
4- لانسر 2006 اوتوماتيك 1600 ماشيه 65 ألف تكييف وسنتر وباور . فابريكه بره و جوه و حاله جيده جدا
5 لانسر 2005 اوتوماتيك 1600 ماشيه 60 ألف تكييف وسنتر وباور . فابريكه بره و جوه و حاله جيده جدا
6- نفس اللي فاتت بس 2007 بدل 2005 ورشه بره ماعدا السقف
7- لانسر 2007 اوتوماتيك 1600 ماشيه 115 ألف تكييف وسنتر وباور . فابريكه جوه و بره(ماعدا اﻻكصدام) و حاله معقوله وفيها خبطه في اخر الباب اﻷمامي من ناحيه الرفرف باينه جدا طبعا بس مش مردوده
8- لانسر 2005 اوتوماتيك 1600 سوبر أكشن ماشيه 70 ألف . فابريكه جوه و بره وحاله ممتازه جدا

معلش انت سؤال حضرتك كبير شوية فاجلته للاخر
هرد عليك كل عربية برقمها
1 تعمل 65 الف
2 تعمل 65 الف
3 تعمل 62 الف
4 تعمل 70 الف
5 تعمل 68 الف
6 تعمل 73 الف
7 تعمل 72 الف
8 تعمل 73 الف