شحن بطارية السيارة

**reamoz** · 02-11-2009 09:36 AM

المشاركة الأصلية كتبت بواسطة aturkia1

يا جماعة انا كنت مسافر لمدة 24 يوم فمقدرتش اجرب الفكرة بتاعتى وهى شحن بطارية السيارة بشاحن اللابتوب ولكن منذ يومين عدت من السفر وطبعا البطارية كانت ميتة على الاخر وانا اصلا كنت فاككها من العربية وماكنش فيها اية مياة على الاطلاق. فبعد عودتى اشتريت مية بطاريات وملات البطارية ووصلت شاحن اللابتوب عليها لمدة ساعتين ثم نصف ساعة راحة ثم ساعتين وكان ذلك باليل ثم فى الصباح وصلت الشاحن لمدة ساعة كمان ثم اخذت البطارية وركبتها فى العربية وكانت المفاجأة ان البطارية دورت العربية بسهولة جدا كانها كاملة الشحن.

وبهذا حليت مشكلة نوم البطارية وصعوبة اخذ وصلة من اى سيارة اخرى لانى من السهل جدا ان اجد سيارة اخرى ولكن من الصعب جدا ان اجد كابلات للتوصيل.

وعلى فكرة شاحن الابتوب يعمل جيدا ولم يحدث له شيء

اتمنى ان تكون الفكرة مفيدة للبعض

طب ياباشا الف مبروك دي تجربة تشكر عليها طبعا وإنك نشرتها ممكن حد يستفيد منها أو تديلة فكرة لتطويرها
وأتمنى ان الدوائر الدخلية للبطارية ميكنش حصلها حاجة بس يفضل إن الموضوع دة بردة يكون في حالة الضرورة القصوى يعني علشان في العادي البطارية بتكون راكبة في العربية فا هنفكها ونشيلها نوديها جنب الفيشة وياسلام بقى لو وقعت علينا شوية حامض زبطتلنا هدومنا وبنفضل كام ساعة نشحن فيها يعني موال.
فا ياريت اللي يكون عندة إحساس ان البطارية بتاعتة معرضة إنها ممكن تعملها معاه يخلي معاه في شنطة العربية حتي لو سلكين كهرباء تخان شوية 12مم كدة ولا حاجة بطول معقول علشان لو اتزنق ممكن يحشرهم في القواطيش واخد بيهم وصلة علشان الشتاء قادم والحاجات دي بنشوفها كتير في البرد الصبح

**M.Mostafa80** · 02-11-2009 10:48 AM

بس والله برافو عليك بحب اللى يطق فى دماغو فكره ويفضل وراها لحد ما ينفزها ويجربها برافو عليك مره تانيه

**misoalex** · 02-11-2009 07:07 PM

شكرا لاخبارنا بالنتيجه ولو على كده احنا ممكن نعمل شاحن بديل لشاحن الاب توب لان تمنه غالى طبعا
وانا بدور حاليا على النت ونشوف ايه النتيجه

**exact** · 09-11-2009 11:02 AM

المشاركة الأصلية كتبت بواسطة misoalex

شكرا لاخبارنا بالنتيجه ولو على كده احنا ممكن نعمل شاحن بديل لشاحن الاب توب لان تمنه غالى طبعا
وانا بدور حاليا على النت ونشوف ايه النتيجه

طبعا مش شاحن اللاب هو اللي ينفع لعدة اسباب:
أولا انه 19 فولت 4 امبير ودي مش الفولتية ولا الامبير المناسب بتاتا لشحن البطارية...حد هيقوللي شحنها هاقول له اوكيه بس هيقصف عمرها على المدى وهي اساسا البطاريات بتتلكك ...
ثانيا شواحن اللاب اسعارها فوق 200 جنيه وده طبعا شئ مبالغ فيه زائد انه ممكن ميستحملش الحمل ويحصل فيه قفلة مش واضحة ويفضل شغال بس اما تركبه عالكمبيوتر يخربهولك..فمفيش داعي للمجازفة وممكن تشتري بالفلوس دي شاحن بطارية عربية محترم وهيكون مناسب عالاقل
ولو عاوزين انا ممكن اجيب لكم خطوات تصنيع وتجميع الشاحن ده فالبيت وباقل التكاليف ومتخافوش أنا اي نعم صيدلي بس بافهم فيه اكتر من الادوية

**mahmoudbadr** · 16-11-2009 02:55 PM

المشاركة الأصلية كتبت بواسطة exact

ولو عاوزين انا ممكن اجيب لكم خطوات تصنيع وتجميع الشاحن ده فالبيت وباقل التكاليف ومتخافوش أنا اي نعم صيدلي بس بافهم فيه اكتر من الادوية

طيب يا ريت حضرتك تعمل لنا موضوع جامد عن خطوات تصنيع الشاحن دة تكون معلومة مفيدة لكل اللى بيحب يعمل الحاجة دى بنفسه

**exact** · 16-11-2009 10:34 PM

المشاركة الأصلية كتبت بواسطة mahmoudbadr

طيب يا ريت حضرتك تعمل لنا موضوع جامد عن خطوات تصنيع الشاحن دة تكون معلومة مفيدة لكل اللى بيحب يعمل الحاجة دى بنفسه

يومين كدة وهابعته ان شاء الله بس معلش مشغول شوية الاسبوع ده

**D . a .\ AYMAN** · 17-11-2009 12:10 AM

الف شكر على مشاركتنا تجربتك
بس عايز أعرف إزاي قدرت تاخد أطراف الكهرباء الموجب والسالب من فيشة اللابتوب

طبعا مش ممكن تكون قطعت السلك عشان تاخد الموجب والسالب

وعلى فكرة أي محول منزلي 220 فولت شدة التيار فيه تزيد عن 3 امبير بيكون غالى على الأقل بـ 100 جنيه تقريبا في أي حتة

...

**exact** · 17-11-2009 01:49 PM

المشاركة الأصلية كتبت بواسطة nysma

الف شكر على مشاركتنا تجربتك
بس عايز أعرف إزاي قدرت تاخد أطراف الكهرباء الموجب والسالب من فيشة اللابتوب

طبعا مش ممكن تكون قطعت السلك عشان تاخد الموجب والسالب :e_braces[1]:

وعلى فكرة أي محول منزلي 220 فولت شدة التيار فيه تزيد عن 3 امبير بيكون غالى على الأقل بـ 100 جنيه تقريبا في أي حتة

...

لا يا ماما لا

الموضوع مش كده وانا قلت ان شاء الله اسبوع وهاكتب موضوع بخصوص تنفيذ شاحن سيارة في المنزل بس مستني الم شوية داتا بخصوص الاسعار والصور ومدى توفر القطع اللازمة
بس فعلا سؤال وجيه هو خد الاطراف ازاي وللا الشاحن فيشته عادية وجاب لها فيشة تانية تركب عليه

**KarimAbulEla** · 22-01-2010 04:58 AM

باور سبلاى الكمبيوتر - اطرافه بتطلع اكثر من فولتية بس اللى انا عايزه علشان الموضوع ده هو اللى بيطلع 12 فولت و 5 فولت
ال 12 فولت بتكون 13 امبير
ال 5 فولت بتكون 20 امبير

اعتقد ممكن تستخدم ال 12 فولت و تشحن بطارية السيارة لو كانت 55 امبير لمدة 4 ساعات

او تستخدم عدد 3 باور سبلاى كمبيوتر و تستخدم ال 5 فولت بتاعهم و توصلهم ببعض على التوالى و تطلع 15 فولت فى الحالة ديه حيكون الخارج 20 امبير و طبعا يكفى لشحن بطارية 55 امبير لمدة ساعتان و نصف لضمان اكتمال الشحن

**jojowork1** · 02-03-2010 12:36 AM

معلش يا جماعه البور سبلاي او الشاحن مش هاينفعوا وكل اللي حصل معاك ده عمليه تنشط للبطاريه مش شحن خاصه انك لسه كنت حاطط مياه لو عندك هيدورميتر هيبينلك الشحن صح حاسب من توصيل البور سبلاي في البطاريه لان هو فيه حمايه حاجه اسمها زينر وده وظيفته ان لو زاد الفولت عن 12 يضرب عشان يحمي الجهاز وطبعا لما هاتوصله في الطاريه مع شحنا هايزيد عن 12 وهايضرب البور وبعدين لازم يكون فولت الشحن اعلي شويه من البطاريه بواحد او اتنين فولت وبعدين موضوع شاحن الاب انت كده بتغامر بيه ومش كل مره تسلم الجره الموضوع ابسط من كده خالص لو مش عاوز تجيب تنجر كبير وعاوز بس تنشط البطاريه بشحن بسيط هاتروح تشتري محول اسمه 12 فولت
خمسه او الاحسن عشره امبير من عند اي حد بتاع قطع غيار اجهزه والاحسن برده العشره عشان يشحن معاك كويس وتجيب بردج معدن ومكثف 10000 ميكرو فراد هتلاقي المحول ليه من ناحيه سلكين مكتوب فوقيهم 220 ومن ناحيه 12 هاتعمل فيشه لل 220 وتاخد 12 توصلهم بالبردج هاتمسك البردج هتلاقي كل رجوله في اتجاه ماعده رجل واحده في اتجاه مختلف وغالبا هتلاقي مكتوب عليها موجب + عمتا الرجل المختلفه موجب واللي قصدها بالورب سالب والاتني التانين ورب بعض هاتوصل فيهم المحول والموجب والسالب هاتوصل فيهم المكثف هتلاقي علامه بيضه زي خط في جنب من جناب المكثف هو ده الرجل السالب هتحطها في سالب البردج والموجب في الموجب وتاخد من نفس الرجول ديه علي البطاريه بسلكين وطبعا راعي الاتجهات في البطاريه والبلهنا والشفاء للبطاريه

الموضوع: شحن بطارية السيارة

LinkBack

أدوات الموضوع

عرض

-

-

-

-

-

-

المواضيع المتشابهه

بطارية السيارة f3

بطارية السيارة القديمة

سؤال عن بطارية السيارة

بطارية السيارة

بطارية السيارة

الكلمات الدلالية لهذا الموضوع

المفضلات

المفضلات

ضوابط المشاركة