يا شباب مساعدة بخصوص تعديل ال128

**ahmedmagdyahmed** · 23-10-2009 05:01 AM

انا معايا 128
و عايز اعدل فيها كل حاجة
الموتور و الفتيس 1600 مثلا
و الفرامل
والعفشه
و الجنوط
و الشاسيه
عايزاعرف ايه الانواع و الماركات لكل الحاجات دي اللي ممكن تركب على 128
و الاسعار كمان

**ahmedmagdyahmed** · 23-10-2009 05:18 AM

و كمان عايز اعرف اذا كان ممكن ازود في الموتور تعديلات تانيه تزود العزم

**eslamcentre88** · 24-10-2009 08:38 PM

السلام عليكم
بالنسبه لتعديل ال 128
العربيه دي مشكلتها انها ضعيفه علشان كدا التعديلات بتاعتها صعبه شويه
بالنسبه للموتور في ناس بتركب موتور 1600 بس دا كبير قوي علي العربيه و صعب علي اساسات العربيه يعني مثلا بيدمر القوايم
الاحسن ان لو عربيتك 1100 ركب لها موتور 128 1300 و فتيس خمس سرعات
من عيوب ال128 ان العفشه ضعيفه لكن تعديلها سهل انت تركب لها مساعدين 127 و ميزتهم انهم انعم بس علشان يعيشوا معاك لازم صدادات و تكون قويه مثلا صدادات العربيات الدبابه او مرسيدس و طبعا مع تغيير المساعدين توطي العربيه و تربط كل العفشه بصمولتين و بكدا يكون عندك عفشه رالي بتكون صعبه في المطبات بس هتلاقي العربيه محكومه وانت سايق
بالنسبه للاساسيات و الشاسيه بيتعمل شدادين صلب تحت الموتور و شداد صلب يمسك ركبتين المساعدين الاماميين و يفضل تعمل شداد ورا بين الركبتين الخلفيين و الشدادات دي بتتعمل عند حداد عربيات (بيعمل صناديق العربيات النقل )
بالنسبه للجنوط ركبلها جنط 14 و كاوتش سرعات بس الجانط يكون مش عريض و عرض الكاوتش زي ما تحب
الفرامل بتعمل مشترك يضخ الزيت للاربع عجلات مع بعض بس دا عايز عفشجي كويس يفهم و لما تعمل الفرامل دي هتكون زي ال abs
الاربع عجلات بيمسكوا فرامل في وقت واحد
ان شاء الله بعد كل دا هتلاقي عربيتك اتغيرت عن 128 خالص و ياريت تورينا صورها بعد التعديل

**ahmedmagdyahmed** · 24-10-2009 10:34 PM

بس انا مستصغر الموتور ال 1300 انا عايز احط موتور اللانشيا ال 1600
او موتور الاونو 1400 تربو عشان عايزها تجري و تشد جامد
ممكن اخلي الشاسيه يستحملهم ولا ايه الكلام

**Ahmed_Elkhateb** · 27-10-2009 02:44 PM

فى كل الحالات الشاسيه هيستحمل تمام
بس لفترة معينه يعنى ممكن تلاقى بعد سنه الصاج بداء يفتح منك من كتير المطبات وكده
انت هات متور الأونو وطبعا هتعدل فى الحوض
وهتجيب مسعدين مونرو وسوست رياضى
والفوانيس مدورة طبعا وارة وقدام اتنين مدورين صغيرين ورينجات وطبعا هتعمل اكصدمات وكراسى طيارة وديفل وتظبط بئه بقيت الكمليات بس اهم حاجه الماتور والعفشه

**yuyu0000yuyu** · 27-10-2009 09:45 PM

انا طبعا افضل موتور 1400 اونو بس ده لو لقيته اصلا وكمان لو لقيته مش هتلقاله قطع غيار بعد كده بالنسبه للعفشه دى امرها سهل هات مسعدين الاوبل ودى افضل مسعدين تركب لل 128 وسوست رياضيه او سوست الاوبل او سوسوت ال 127 وطبعا هبط العربيه شويه وركب جنط 13 او 14 بالكتير اوى والصلان نعمله لونين بالكامل وطبعت طقم صوت وشويه اكسسورات وتركب فوانيس كرستال ورا وادام وديفل وزينون
والفرامل انت ممكن تعمل الفرامل الى وره سكاكين زى ادام وتكبر الى ادام شويه او هتحط جنط 14 وبس واول ما تعمل الشغل ده لازم تصوره وتحطه على المنتدى

**ahmedmagdyahmed** · 28-10-2009 12:11 AM

اكيد طبعا حخليكو تشوفو كل حاجة
بس بالنسبه لمساعدين الاوبل انهي موديل من الاوبل بتركب و هل هي مساعدين اوبل اصلي ولا نوع ممكن يركب عالاوبل برضو

**Ahmed_Elkhateb** · 03-11-2009 04:06 PM

مساعدين الأوبل هتضرب على طول والجوز عامل 850 جني تقريبا على ايه يعنى ده انت تجيب 4 مونرو احسن

**HATEMHANY** · 07-11-2009 02:11 PM

المنرو فظيع
خده على ثقه
انساه

**3mr Farrag** · 11-11-2009 08:11 AM

انا اعرف ناس كتير مركبها موتور 1600 لانشيا علي 128...
بس طبعا لازم تظبط الفرامل و العفشه تماما
اعتقد بيتغير الفرامل لبتاعات اللانشيا بس مش متأكد...
و واحد صاحبي مغير المساعدين ببتاعات فيات اعتقد بيك اب غريبه مش فاكر اسمها بس نشفها كمان....
و طبعا تسقطها علي الارض شويه
و بيركبوا جنوط كبيره لحد 17 احيانا بس كل ده ممكن يأثر علي الشاسيه مع الوقت

و الموتور بحاجته بحوالي 1500 و لوحده في حدود 1000 جنيه

الموضوع: يا شباب مساعدة بخصوص تعديل ال128

LinkBack

أدوات الموضوع

عرض

-

-

-

-

المواضيع المتشابهه

برجاء مساعدة يا شباب بخصوص الماتركس

مساعدة بخصوص تعديل بروتون واجا

سؤال بخصوص زيت ال128

بخصوص فوانيس ال128

تعديل فوانيس ال128 للكرستال والشرح بي الصور

الكلمات الدلالية لهذا الموضوع

المفضلات

المفضلات

ضوابط المشاركة