الف مبروك على العربيه
وربنا يحفظك من شر الطريق
يا سلام بقا شوية صور
يبقى عملت فينا معروف
رقم العضوية : 15064
تاريخ التسجيل : 24Jul2008
المشاركات : 257
النوع : ذكر
الاقامة : cairo
السيارة: l
السيارة[2]: رينو فلوانس2010
دراجة بخارية: لا يوجد
الحالة :
السلام عليكم يا اعضاء رينو
دى تجربتى مع السيارة الفلوانس فى خلال عشرة ايام منذ استلامها وبأعتذر لو كنت اتأخرت عليكم شوية
اولا :مواصفات السيارة اللى معايا (فئة 141 الف)وبما ان الفئة دى مش هتنزل تانى دا طبعا حسب كلام التوكيل والله اعلم فممكن تعتبروا المواصفات دى للفئة اللى 135 الف مع الغاء فتحة السقف فقط
1-اوتوماتيك/ستيبترونيك
2-فتحة سقف
3-جنوط 16+فرامل ABS -EBD
4-السيارة تعمل بالكارت
5-مرايات فتح وضم كهرباء
6-تكييف هواء اوتوماتيك (double zone)+فتحات تكييف خلفية+درج التابلوه مبرد
7-كاسيت سى دى ام بىثرى+بلوتوث+6 سماعات+توصيلrca
الشاشة اللى فى منتصف السيارة بتوضح بياناتالكاسيت +درجة الحرارة الخارجية +الوقت
8-ستائر خلفية فى الابواب والزجاجالخلفى
9-مثبت سرعة
10-شاشة كمبيوتر فى منتصف العدادات وبيوضح بعض اعطالالسيارة لو فى +معدلات استهلاك البنزين والبنزين المتبقى وطبعا الابواب المفتوحةويمكن فى حاجات تانية انا لسه مش عارفها
11-عدد2 ايرباج للسائق والراكبالامامى
12-حساسات اضاءة+حساسات للمطر+مخرج للكهرباء فى مسند اليد الامامى منالخلف+فوانيس شبورة امامية وخلفية+بارو كهرباء
- السيارة تعمل بنظام الكارت ويمكن من خلاله(فتح وغلق الابواب +فتح الشنطة+اضاءة النور الامامى والسيارة متوقفة)علشان مثلا لو راكن فى مكان مظلم ومش شايف السيارة
ويمكن فتح وغلق السيارة بطريقتين
1-الضغط على زراير الفتح والغلق فى الكارت
2-البعد عن السيارة بدون الضغط على الكارت (keyless)سوف تقوم السيارة بغلق نفسها والعكس عند الاقتراب منها بس لو استخدمت الطريقة الاولى تلغى الثانية يعنى لو قفلت بالضغط على زرار الغلق فى الكارت لا تفتح الابالضغط على زرار الفتح
يمكن تشغيل السيارة دون ان تقوم بادخال الكارت فى مكانه فى التابلوه عن طريق الضغط على زرار start-stop بس لازم تدوس فرامل مع start علشان السيارة تدور وطبعا فى مكان مخصص للكارت فى التابلوه اسفل الكاسيت
- من الحاجات اللى عجبانى فى السيارة ان كمبيوتر السيارة بيقوم بتصحيح اى اجراء او خطوة غلط انت عملتها ويقولك تعمل ايه عن طريق اظهارها على شاشة المعلومات اللى بين العدادات
- صوت المحرك هادىء وحتى مع السرعات العالية والتكييف شغال وكذا مرة اتلخبط اذا كانت العربية دايرة ولا لأ
- بالنسبة للناس اللى ساقت اوتوماتيك كورى ويابانى هتحس ان طلعة الفلوانس تقيلة سنة قريبة من الجيتا والاوكتافيا بس مع التعود الاحساس دا بيروح والفتيس نقلاته ناعمة ومابتحسش بيها واستجابته متغيرة حسب طريقة سواقتك
-بالنسبة بقى للباور فهو تحفة ناعم جدا جدا مع السرعات البطيئة وبيتقل كل لما السرعة تزيد وليس بعد ال100 يعنى من بداية سرعة 30 بتحس بالتقل كل ما زادت السرعة وبيرجع يخف لما تبطىء حتى لما توصل انك بتركن كأنك بتلف الهوا ومش ماسك حاجة
- تجميع السيارة فى السحب حلو جدا وسريع ودايما بفرق عن السيارات اللى بتبقى ماشية جنبى دون القصد انى اشد اوأقرص على العربية
-بالنسبة لثبات السيارة انا جبت لغاية سرعة 130 وكان الثبات ممتازوكنت باخد ملفات فى الطريق على نفس السرعة وكله تمام والسيارة فى نفس الخط بتاعها بس مزودتش السرعة عن كده على الاقل فى الوقت الحالى
- السيارة بتعطيك احساس عالى بالتحكم فيها والسيطرة عليها فى مختلف المواقف وفرامل السيارة قوية جدا واستجابتها عالية فى كل الظروف
-الخامات الداخلية للسيارة جيدة جدا وفيها سنة فخامة وافضل من كل خامات السيارات اليابانية اللى فى نفس الفئة وانا ركبتهم كلهم للعلم بس بصراحة عديت على معرض وركبت الفئة اللى 125 اول فئة اوتوماتيك تقريبا حسيت ان مش هى دى العربية اللى انا راكبها- التقفيل والخامات من اول الفئة اللى 135مختلف بنسبة كبيرة مع وجود تبطين جلد للابواب وقطع من الكروم
- الجو الداخلى للسيارة رائع والكراسى مريحة جدا وعزل السيارة ممتاز يعنى لو قافل ومشغل التكييف والكاسيت اكنك سايق لوحدك على الارض
ملاحظتش ان التكييف بيأثر على السحب بس يمكن علشان السيارة جديدة
- بالنسبة للتكييف طبعا هو الجو لسه مش حر فمش هيبان قوى دلوقتى بس لما شغلته كان الجو فى الخارج 29 وكان شغال تمام وساقع وزى الفل وفتحات توزيع الهواء فى السيارة ممتازة (الفتحات الامامية+فتحات اسفل الكراسى الامامية+فتحات خلفية فى المنتصف ورا مسند اليد الامامى)وهو طبعا تكييف اوتوماتيك تستطيع من خلاله ضبط درجة الحرارة اللى انت عايزها لكل جنب فى السيارة ويوجد فتحة للتكييف فى درج التابلوه بتخليه فعلا ثلاجة
- بالنسبة بقى للكاسيت هو سى دى واحد mp3 وصوته(قوى ومجسم وعالى)بس بصراحة ميعتبرش افضل نظام صوت فى فئتها نظام الصوت فى الفورد فوكس يكسب أشد من الفلوانس بصراحة
- خاصية البلوتوث فى الكاسيت جميلة جدا والصوت واضح ونقى بس بيبقى فضيحة لما يكون حد قاعد معاك ومش عايزه يسمع المكالمة وجميع بيانات الكاسيت والبلوتوث بتظهر على الشاشة اللى فى منتصف التابلوه
- عفشة السيارة ممكن تقول عليها ناعمة هى مريحة فى المطبات والنقر
- السيارة على فكرة مرتفعة عن الارض بشكل كافى ومفيش مطب حكيت فيه لغاية دلوقتى بس طبعا العربية مش متحملة على الاخر بس بنبقى ثلاثة بالسيارة
- السيارة تقريبا مصفحة من الاسفل ودا بيبان لما تفتح الكبوت ما بتشوفش الارض اسفل الماتور بتلاقيه متقفل
- الرؤية من الزجاج الخلفى صعبة حاجة بسيطة لصغر حجمه بس المرايات الجانبية كبيرة وقايمة بالواجب واكتر
- رغم وسع السيارة الا انها تفتقد الى وجود اماكن تخزين جيدة يعنى من الاخر مش هتلاقى غير الاماكن اللى بتبقى اسفل الابواب بس مفيش بقى ادراج والحركات دى والشنطة الخلفية واسعة جدا
- النقطة دى بقى مهمة للاعضاء اللى حاجزين العربية وهيستلموها وهى متعلقة بمكان رقم الشاسية علشان لما يروحوا يرخصوا وهو موجود اسفل الكرسى الامامى اللى بجوار السائق من الخلف تحت موكيت السيارة هتلاقى حتة كدة فى الموكيت (متحددة)هتقوم بشرطها اوقطعها بمشرط اومفتاح وبعد كدة هتلاقى سفنجة بيضاء الرقم بقى اسفل السفنجة دى علشان انا عملت مشاكل فى الترخيص بسبب الموضوع داعلشان هما قلبوا العربية علشان يجيبوه ومعرفناش غير لما كلمت التوكيل وقالولى على القصة دى بعد ماقعدوا يدوره هما كمان
- لم يتم اثبات الستائر الخلفية على الرخصة لان رينو مش ثابتاها فى اوراق السيارة
- تقريبا السيارة مش ناقصها حاجة ممكن الواحد يحتجلها فى الفئة دى ولو فى اى حاجة انا نسيتها وحد حب يعرفها ممكن تفكرونى بيها عن طريق اسئلة حضراتكم
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
الف مبروك على العربيه
وربنا يحفظك من شر الطريق
يا سلام بقا شوية صور
يبقى عملت فينا معروف
رقم العضوية : 15001
تاريخ التسجيل : 22Jul2008
المشاركات : 264
النوع : ذكر
الاقامة : الزيتون
السيارة: يا مسهل
السيارة[2]: بولونيز
دراجة بخارية: no
الحالة :
شكرا علي التقرير والف مبروك
[gdwl]
عمرو المعداوى
[/gdwl]
رقم العضوية : 49727
تاريخ التسجيل : 13Oct2009
المشاركات : 1,046
النوع : ذكر
الاقامة : القاهرة
السيارة: سيات إبيزا 2015
السيارة[2]: فلوينس 2010 الحمد الله
دراجة بخارية: لا
الحالة :
الف شكر على التقرير و كمان الف مبروك و ربنا يحفظك و يباركلك فيها ان شاء الله
انا ليا استفسار وحيد (لحد الان) هل عند البعد عن السيارة بدون الضغط على الكارت (keyless)سوف تقوم السيارة بغلق نفسها ابواب فقط ولا لو كان الزجاج مفتوح بيقفل مع الابواب يعنى هل هى فيها وحدة رفع للزجاج
و مشكور مرة اخرى
رقم العضوية : 18521
تاريخ التسجيل : 10Sep2008
المشاركات : 273
النوع : ذكر
الاقامة : Cairo
السيارة: --
السيارة[2]: رينو فلونس الحمد لله
الحالة :
شكراً على التقرير بس موضوع رقم الشاسية ده رخم جداً
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
أنا سألت السؤال ده قبل كده بس مش فاكر فين ومالقيتش اجابه ,,
هل يوجد أنوار في عتبات الأبواب تضاء عند فتح الأبواب مثل الميجان 2 ؟
هل أسفل المرايات الجانبية يوجد إضاءة عند فتح الأبواب لكشف الأرض في الظلام ؟
رقم العضوية : 18521
تاريخ التسجيل : 10Sep2008
المشاركات : 273
النوع : ذكر
الاقامة : Cairo
السيارة: --
السيارة[2]: رينو فلونس الحمد لله
الحالة :
يوجد أنوار فى أسفل الباب من الداخل تضاء عند فتح الأبواب
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
الف مبروك, انا معجب بالسيارة دي جدا , ربنا يحفظهالك .
ممكن صور من الفئة دي بعد اذن حضرتك ؟
رقم العضوية : 8179
تاريخ التسجيل : 30Mar2008
المشاركات : 638
النوع : ذكر
الاقامة : Cairo
السيارة: None
السيارة[2]: Fluence 2012
دراجة بخارية: none
الحالة :
ألف مبروك ، ربنا يحفظها لك إن شاء الله
شكراً على التقرير
رقم العضوية : 538
تاريخ التسجيل : 08May2007
المشاركات : 1,065
النوع : ذكر
الاقامة : الاسكندرية
السيارة: لانسر
السيارة[2]: مازدا
دراجة بخارية: لا يوجد
الحالة :
الف الف مبروك و ربنا يبارك فيها و تاخد خيرها و تبعد عن شرها بمشيئة الله
محمد فهمي
(وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ)
محمد فهمي
المفضلات