الموضوع: شكرا لتوكيل بروتون .... مكالمة متابعة من التوكيل بدون شكوى

مش عوايدك...قولي مين غير عوايدك....

المشاركة الأصلية كتبت بواسطة islamnabil

السلام عليكم ورحمة الله وبركاته
انهاردة جاتلي مكالمة من التوكيل بدون سابق شكوى و لا اي حاجة
كل الموضوع انهم بيطمنوا على ان العربية كويسة معايا و ان معنديش شكاوى
الحقيقة ماكنتش لاقي حاجة اقولها ... العربية الحمد لله زي الفل و ماعنديش اي شكوى منها ولا من التوكيل .
كان عندي مشكلة صغيرة كده و هي ان الزرار الخاص بتدوير الهواء داخل السيارة لا يعمل فدائما الهواء يأتي من خارج السيارة و كان المفروض لوحة الازرار الخاصة بالتكييف تتغير لكن نظرا لعدم توافرها فتم غلق الفتحة و الموضوع اتحل بالنسبة لي بس طلبت ان لو جت قطعة الغيار دي يبلغوني و تتغير .

المهم في الموضوع انني حبيت اشكر التوكيل لأني فعلا معنديش مشاكل في العربية و لا في التوكيل و زي ما في ناس كتير بتشتكي فحسيت ان من العدل ان انا اشكرهم .

شكرا توكيل عز العرب - خدمة العملاء :b4_388:

ربنا يباركلك فيها ويعطيك خيرها ويكفيك شرها

المشاركة الأصلية كتبت بواسطة mido_soliman

ربنا يباركلك فيها ويعطيك خيرها ويكفيك شرها

والله انا نفسي التوكيل يكلمنى واقوله على الي شايفه في العربيه.. انا كنت بحب العربيه دي اوي جين 2 و خليت 2 اصحابي يشتروها...بس دلوقتي كرهتها بجد من الي شوفته من التوكيل و شغلو الي مش مزبوط بجد لدرجة اني مش طايق حتى اروح التوكيل اعمل اي حاجه

و ابقى قولهم يبقوا يكلموني لو عايزين ده رقمي 0106268885 حسين

المشاركة الأصلية كتبت بواسطة Mustafa_Farouk

Why keda ya Hussien ?? tell us what happend ?

شوف يا سيدي :
عملت حادث و صلحت العربية في التوكيل، و كنت عامل تأمين ...حلو
وديت العربيه للتوكيل زي بقيت الناس... حلو
و عملولي خصم (كتر خيرهم) ... حلو
شوف بقى الـ مش حلو
1- بعد ما استلمت العربية و جبت الشيك من التأمين طلع فيه حجات عايزة تتغير(مساعد و شمعدان و بلي ).. قولتلهم لسه هستنى مندوب التأمين ييجي و يعاين و استنى 20 يوم تاني لحد ما يطلع الشيك و خصوصا ان العربية اعدت شهرين ونص في التوكيل ..قالولي طب ادفع دلوقتي و هنطلع فاتورة و روح حاسب شركة التأمين... دفعت بناء على كلمهم 2000 جنيه،،، اروح شركة التأمين يقولولي ملكش حاجه عندنا عشان احنا معايناش العربية قبل الاصلاح و التوكيل دول حرميه و ضحكو عليك !!! وعملت شكوى ضد شركة التأمين في هيئة الرقابة قالولي شركة التامين مش غلطانه.
2- الفوانيس بتاعت العربيه اتبدلت في التوكيل وهي بتتصلح و لما استلمت قولتلهم دول مش بتوعي و بعدين فيه فانوس امامي طالع لبره كده ليه ؟؟ قالي المهندس ايمن (قبل ما يسيب التوكيل) عادى ده بس مش مربوط كويس. ولما عملت صيانه الت 15000 و كان الفانوس طالع لبره.. المهندس امر قالي ده فانوس مكسور من جوه !!! و الراجل بصراحة ذوق جداً، قالي مقدرش اعملك حاجه .
3- الاكصدام مش مربوط كويس ولما رحت في الصيانة ربطوه بس مش قوي.. و اكتشفت ان فيه حاجه (عامله زي الكلبسات ناحية الفانوس) في الاكصدام مش موجوده من الاكصدام الجديد و كمان فيه حاجه بتربط الاكصدام من تحت مش موجوده و التوكيل حلها و الاكصدام مخلخل لحد لوقتي..
4- الرش في التوكيل مش نفس اللون الاصلي..و عشان مايبانش ده قاموا رشو الرفرف معاه عشان مايبنش الفرق.. و اكتشف كده لما قارنت بلون الاكصدام القديم الاصلى
5- الفوجات استلمتها مشروخه و اخذت بالي بعد ما استلمت العربيه بعد الاصلاح... قلت عادي لحد ما اتكسرت
6- طبعاً الفرامل بيبقى فيها مسافه و عند السرعة بتخليي العربيه (ترج معاك.،والدواسة بتتهز من تحت رجليك!!!) و ده افتكر سبب الحادث بتاعي و هو ممكن يكون عيب في العربيه اساسا.. مش عارف
7- التكييف بيطلع منه صوت عالي ( صوت المروحة )
8- بعد ما استلمت العربيه من الصيانه و عملولي ظبط زوايا.. مفيش يومين و رجعت تحدف شمال تاني
9- غير كده ان التابلوه اتخدش كام خدشه لما ركبولي الا يرباج