شكرا لتوكيل دايهاتسوا والي الامام دائما

**م. حاتم السباعي** · 02-10-2010 01:18 AM

اليوم جائني اتصال من التوكيل لاستطلاع الرأي في الخدمة المقدمة اثناء زيارتي لصيانة ال 5000
وكم سعدت بهذا الاهتمام من ادارة التوكيل
و كم سعدت بمستوي ثقافة المتصل بي (( يعني واجهة الوكيل))
ولقد سألني في كل كبيرة وصغيرة من اول اتصالي للحجز ثم التأكيد عليه من قبل الشركة لميعاد دخول السيارة وهل حدث تأخير عن الوقت المتفق عليه وهل وهل وهل
انا فعلا كنت مشغول واول المكالمة كنت ناوي اخلص الموضوع بلباقة سريعة وانهيها لكي اركز في عملي ولكني للحظات ادركت انه واجب عليا انا وكل عميل ان نجيب علي الاسئلة بمنتهي الدقة حتي نكون قد ادينا واجبنا تجاه وكيلنا اللي نفسنا يكون افضل توكيل وحتي تجد ادارتهم بيانات يعملوا عليها ويعالجوها لو كان عندهم عيوب مثلا
المهم مش عاوز اطول علي حضراتكم انا اديت كل حاجة 4 من 4
محدش يسأل ليه التقويم من 4 بس مش 10 لان المعني في بطن الشاعر ههههه ثم سألني ايه الحاجة اللي مزعلاك من الوكيل فأخبرتة ان التأمين معكم نار نار نار وده بيخلي عملاء كثيريين لا يحبذوه
عموما الف شكر لهم و ان كان العادي ان يحدث استقصاء وجمع بيانات لتلافي الاخطاء ولكن المهم هو ما نحس به من جوده هناك نسيت اقول اني بتعامل مع فرع ابورواش ويارب يكون العبور علي نفس المستوي او احسن
لكم مني خير تحية

م.حاتم السباعي

**Seavin2008** · 02-10-2010 02:37 PM

السلام عليكم
انا عملت صيانه 1000 فى مركز العبور وكانت معاملتهم كويسه جدا ومواعيدهم مظبوطه مع اننا كنا فى رمضان بيستقبلك مهندس بتقوله على اى ملاحظات ليك وهو بيشرحلك ايه الحاجات المتفق عليها اللى هتتعمل لعربيتك فى الصيانه ولما قلتله انا بحس برعشه فى الدريكسيون فوق ال 90 قالى ده عاده ترصيص وفعلا عمل ترصيص لل4 فرد وطبعا ده كان كله مجانى وبرضه اتصل بى واحد من التوكيل تانى يوم يشوف رأيى ايه فى الخدمه .
أه كان فيه ملاحظه حلوه ان هم كانو حاطين مصاحف فى غرفه الانتظار بس الطريق من الشارع الرئيسى لباب المركز كان مدغدغ جدا يا ريت يسفلتوه .