بعد صيانة الـ 1000 صوت الموتور زاد جدا لدرجة الإزعاج فإيه الحل؟

**Nsync** · 02-05-2010 07:08 PM

بسم الله الرحمن الرحيم

يا جماعة بعد ماروحت عملت صيانة أول الف كيلو واستلمت العربية لقيت صوت موتور العربية بقى عالى جدا لدرجة إنى لما بشعر بس بنزين الصوت بيزيد جدا لدرجة انى بحس انى راكب جرار والمشكلة ديه معصبانى جدا ومش عارف ايه اللى حصل وخلى الصوت يعلى كده

**mahmoud_magdy** · 02-05-2010 07:42 PM

حضرتك ازاي تمشي من التوكيل وانت عندك مشكله زي كدا ؟
حضرتك غلطان طبعا

سؤال صغير
الصوت بقى اعلى من الصوت قبل الصيانه ؟؟ وحضرتك متأكد ؟؟
اصل عاوز اقول لحضرتك اني في صيانة الالف بسبب الوقت الطويل اللي اعدته عشان الصيانه كرهة العربيه وكنت سايق وانا قرفان وحاسس ان العربيه اسوء من الاول
تاني يوم لما سقت العربيه لقيتها احسن من الاول

**mido_soliman** · 02-05-2010 07:51 PM

المشاركة الأصلية كتبت بواسطة musiccairo

حضرتك ازاي تمشي من التوكيل وانت عندك مشكله زي كدا ؟
حضرتك غلطان طبعا

سؤال صغير
الصوت بقى اعلى من الصوت قبل الصيانه ؟؟ وحضرتك متأكد ؟؟
اصل عاوز اقول لحضرتك اني في صيانة الالف بسبب الوقت الطويل اللي اعدته عشان الصيانه كرهة العربيه وكنت سايق وانا قرفان وحاسس ان العربيه اسوء من الاول
تاني يوم لما سقت العربيه لقيتها احسن من الاول

كلام سليم بس مش عارف لية حاسس ان التوكيل من الضغط والسربعة يا نسى يركب العمة كويس او الفلتر مش متربط علية الله اعلم بس موضوع صوت الموتور دة مكنش المفروض انك تمشى اساسا وياريت ترجع بسرعة وان شاء الله بسيطة وحتطلع حاجة نسيوها وعبيطة كالعادة

**ahmed_h_g** · 02-05-2010 08:02 PM

أتأكد من توصيلات فلتر الهواء .

**Nsync** · 03-05-2010 12:43 AM

طيب يا جماعة هو لازم بالحجز برضه اصل انا مش هعرف اخد اجازة من الشغل بأى حال يعنى عشان اعرف اروحلهم تانى هيبقى خطف بالعافية يعنى وبالذات ان شغلى فى مدينة نصر والصيانة اللى روحتها اللى فى أبو رواش وهل لو كده ينفع اخلى اى حد يبص على العربية بره لو معنديش الوقت انى اروح او انى استنى صيانة ال 5000 ده فيه اى خطورة؟

**mido_soliman** · 03-05-2010 10:10 AM

المشاركة الأصلية كتبت بواسطة nsync

طيب يا جماعة هو لازم بالحجز برضه اصل انا مش هعرف اخد اجازة من الشغل بأى حال يعنى عشان اعرف اروحلهم تانى هيبقى خطف بالعافية يعنى وبالذات ان شغلى فى مدينة نصر والصيانة اللى روحتها اللى فى أبو رواش وهل لو كده ينفع اخلى اى حد يبص على العربية بره لو معنديش الوقت انى اروح او انى استنى صيانة ال 5000 ده فيه اى خطورة؟

يباشا لو سمحت بعد اذنك مفيش حاجة اسمها حد يبص عليها برة هوة احنا مبنصدق نخرج من الضمان ونمسك التوكيل اى غلطة علينا يباشا لو مش فاضى اركن العربية لحد ما تفضى وتروح ودة رائى الشخصى ولك حرية الاختيار مدام التوكيل هوة اللى مسئول يظل مسئول طول الوقت تحياتى