موضوع رخم جدآ لمُلاك الكليو 2003

**Mercedes_Benz** · 05-05-2010 01:09 PM

السلام عليكم ورحمة الله وبركاته

إزيكم يا شباب يارب تكونو بخير جميعآ

احب اعرفكم بنفسي انا ايمن من طنطا ومن فتره طويله قررت اشتري عربيه وبعد بحث وشد وجذب واستشارات ومن زيرو لمستعمل

ربنا كرمني وقررت اشتري مستعمل ونزلت سوق الجمعه وكنت عامل حسابي على تيوتا

المهم من هنا لهنا لاقيت الكليو واقفه في السوق انا مخدتش بالي منها بس مره واحده لاقيت الخبير اللي معايا جري عليها وقعد يتفرج وعجبته جداا وقالي هي دي لا رشه برا ولا جوا والعفشه حاله ممتازه وعربيه روعه
انا مبفهمش في العربيات ودي اول تجربه ليا مع العربيات وبصراحه العربيه عجباني جداا واول ما ركبتها حسيت براحه رهيبه معاها وحتى الوالده واخواتي لما رجعتلهم بالعربيه فرحو بيها وعجبتهم اوي

انا مُشكلتي بس ان في ناس عماله تخوفني من العربيه ويقولو هتدوخك على قطع غيارها وهتدوخك في تصليحها ومش هتلاقي حد كتير بيفهم فيها وقطع غيارها غاليه

بصراحه العربيه عجباني اوي والناس عماله تخوفني

انا بسال الناس اللي معاهم العربيه هل العربيه تستحق الخوف دا؟؟
لو في حد معاه العربيه من طنطا فين اقرب توكيل ليها او مركز خدمه؟؟
ايه الخطوات اللي المفروض اعملها مع العربيه بعد ما اشتريتها ولما اوديها مركز الخدمه؟؟
هل فعلا ممكن في مراكز الخدمه يستغلو ان الواحد مش فاهم ولسه اول مره يركب عربيه ويدبسو في حاجات كتير؟

انا عارف انها اساله رخمه ومحدش لسه بيسال الاساله دي بس يعني نصيبكو بقى انكو وقعتو معايا

ياريت لو في حد يقدر يساعدني واتواصل معاه بدل ما كل شويه اعمل موضوع واخنقكو يقولي

شكرا لحضراتكم واسف جدا لازعاجكم

**ramykimo** · 05-05-2010 01:58 PM

يا عم متخافش العربية زى الفل انا كمان بدور عليها بس انا نعرفش حد فى طنطا كل اللى اعرفه ان حاجتها متوفرة اوى فى القاهرة و ليها مراكز خدمة كتير... كل الناس اللى هنا هتأكدلك كده .. بس قولى جبتها بكام؟؟ و ايه امكانيات العربية؟؟ و ماشية كام كيلو.. مبرررررررووووك

**Mercedes_Benz** · 05-05-2010 04:48 PM

جبتها على 40 الف ماشيه 120 كيلو تقريبا العربيه حالتها ماشاء الله بجد باور ومانيوال وتكييف تلاجه الزجاج مش كهرباء العفشه تمام

الله يبارك فيك

**ramy_gamal** · 06-05-2010 12:16 AM

الف مبروك على العربيه
متقلقش من العربيه العربيه كويسه جدا ومريحه وبتاعت شغل جامد ما تسمعش للناس اى بتخوفك من الرينو انا معايا نفس الموديل ونفس الكماليات والحمد لله مرتاح اوى فى العربيه وبتودينى اى حته فى اى وقت بس خد بالك من مواعيد صيانتها لو واظبت على الصيانه الدوريه فى الميعاد هتفضل العربيه جديدة معاك ومتخافش منها
العربيه ماشيه 120 يعنى نفس صيانه ال60 اللى هى اهم صيانه هتغير فيها كل السيور وكل الفلاتر والبوجيهات واكشف على طلمبه الميه واى سؤال انا تحت امرك
لو ملقتش حد بيشتغل فى رينو فى طنطا اسكندريه مليانه شرفنا

**gazzar91** · 06-05-2010 04:58 PM

ماتخفش من حاجة .... إنزل القاهرة لو إتزنقت.. إنت مش هاتعمل صيانة و تجيب قطع غيار كل يوم.... و ماتخافش الكليو قطع غيارها رخيصة بالذات الـ 1200سي سي بس ده بالنسبة للميجان و السينيك و الكلام ده
العربية دي جمييييييييييييييييييييييي ييييييلة زي السيمبول الجديدة منها... cute قوي قوي قوي و بستنضفها عن كل الرينو...

**Mercedes_Benz** · 07-05-2010 05:28 AM

ربنا يخليكو يا شباب ويبارك فيكو

كان نفسي بس حد من طنطا يكون عارف مكان للتوكيل قريب بس طالما مفيش يبقى واحده واحده والواحد يبقى ينزل اسكندريه

**albasha** · 07-05-2010 11:57 AM

ربنا يديك خيرها ويكفيك شرها إن شاء الله
العربيه ديه رائعه وإنسي أي كلام يتقاللك لأن اللي بيتكلم ميعرفشي حاجه
أكتر عربيه قطع غيارها متوافره
المهم لو إنت من طنطا ممكن تشوف حد قريب ليك من إسكندريه وتعمل الصيانه الدوريه بتاعتها وحاول تسأل صاحبها أخر صيانه كانت إمتي وفين مركز الخدمه اللي كان بيتعامل معاه أو الميكانيكي بتاعه فين وحاول تستفسر من عن الحاجات اللي غيرها في أواخر ملكيته ليه
لأن ده هيريحك في المستقبل قوي

**nab!l** · 07-05-2010 12:12 PM

اى عربيه بنشتريها
لازم الناس والمعارف تقولنا عيوبها قبل مميزاتها
عجبى

**ramy_gamal** · 07-05-2010 12:48 PM

المشاركة الأصلية كتبت بواسطة mercedes_benz

ربنا يخليكو يا شباب ويبارك فيكو

كان نفسي بس حد من طنطا يكون عارف مكان للتوكيل قريب بس طالما مفيش يبقى واحده واحده والواحد يبقى ينزل اسكندريه

فى انتظارك فى اى وقت

**Mercedes_Benz** · 08-05-2010 02:50 PM

ألف شكر يا شباب انا بس مستني الواحد يظبط نفسه في السواقه وان شاء الله لو كدا هبقى اسافر اسكندريه او القاهره واسالكو عن عناوين مركز الصيانه

بجد الف شكر ليكو

الموضوع: موضوع رخم جدآ لمُلاك الكليو 2003

LinkBack

أدوات الموضوع

عرض

-

-

-

-

-

المواضيع المتشابهه

عضو جديد في نادي الكليو - تضبيط عربية كليو 2003 مستعملة

خبايا الكليو ( تجربتى مع الكليو 5 سنوات ) تكملة 2

أستفسار بخصوص الكليو 2003

الى كل خبراء الكليو فى المنتدى وخاصا ليمو باشا خبير الكليو

الكلمات الدلالية لهذا الموضوع

المفضلات

المفضلات

ضوابط المشاركة