مشكلة السحب والتدوير في الميجان

**Badrashiny** · 08-05-2010 02:10 PM

السلام عليكم ورحمة الله وبركاته
كنت من فترة كده (حوالي 3 أسابيع) بعت على المنتدى علشان استفسر من مشكلة عندي في الميجان 2008
وهي اني لما كنت باجي أدورها كانت بتتأخر وبحس فيها برجة خصوصا لو شغلت التكييف وسحبها كان ضعيف جداً
والناس في المنتدى مشكورين قالولي ده ممكن يكون عيب بطارية او كويلات.
المهم رحت وديتها التوكيل والمهندس قاللي نفس الكلام تقريباً وقاللي هو غالبا الكويلات. فخد مني العربية وانا انتظرت في الإستراحة علشان يخلصوها. بعد شوية لقيته جاي بيقولي تعالى معايا فرحت معاه لقيتهم خالعين الكنبة اللي ورا ومخرجين قلب العربية من جوا فأنا اتخضيت وقلتله هو في إيه؟
فلقيتهم مخرجين طرمبة البنزين ووراني الضغط فيها قاللي المفروض يوصل (مش فاكر بصراحة 2.5 ولا 3.5) وهو كان قرب الصفر.
وقاللي طرمبة البنزين لازم تتغير.
فالحمد لله غيروها ورجة العربية زي الفل.
بس قاللي وهم بيكشفوا على العربية إن في تسريب خفيف في زيت الفتيس. وقاللي اني إحتياطي ابقى اتابعه كل فتره ولو لقيته نقص ابقى ازوده لحد ما ابقى اصلحة بعدين.
انا مشيت ونسيت اسأله أتابعه إزاي وأعرف المؤشر بتاعة منين وأزوده إزاي
فهل حد عنده فكرة عن الموضوع ده؟

**Badrashiny** · 08-05-2010 07:48 PM

ايه يا شباب محدش عنده فكرة؟
فين وحوش المنتدى

**abasse** · 09-05-2010 12:47 AM

المشاركة الأصلية كتبت بواسطة badrashiny

ايه يا شباب محدش عنده فكرة؟
فين وحوش المنتدى

متابع أنا كمان وأنا بغير زيت كان فى تعريقة على الفتيس فعايز أعرف أتبعه أزاى و الموشر بيتاعه

**د.محمود صلاح** · 09-05-2010 09:28 AM

لو فيه تسريب بجد كنت كلمته يصلحوه لأن ضمان الفتيس 100 الف كم على حد علمي

**renualt_engineer** · 09-05-2010 12:15 PM

صباح الخير على الوحوش ..... للاسف لايوجد مؤشر او مقاس لزيت الفتيس فى الميجان انما ممكن يتعرف اعراض نقص زيت الفيتيس لانه السحب فى العربيه بيقل يعنى زى العربيه المانيول يكون فى تفويت فى السحب كمان فى التوكيل او مراكز الخدمه يتم الكشف بالكمبيوتر على ضغط الزيت فى الفيتيس ويتعرف اذا كان قليل او مظبوط

**renualt_engineer** · 09-05-2010 12:16 PM

اما بالنسبه للتعريق على الفتيس ممكن الفنى لما قفل الطبه محطش التيله النحاس وبيحطو تيل خيط فيسبب التعريق وان شاء الله مافيش مشكله

**Badrashiny** · 09-05-2010 12:23 PM

المشاركة الأصلية كتبت بواسطة renualt_engineer

صباح الخير على الوحوش ..... للاسف لايوجد مؤشر او مقاس لزيت الفتيس فى الميجان انما ممكن يتعرف اعراض نقص زيت الفيتيس لانه السحب فى العربيه بيقل يعنى زى العربيه المانيول يكون فى تفويت فى السحب كمان فى التوكيل او مراكز الخدمه يتم الكشف بالكمبيوتر على ضغط الزيت فى الفيتيس ويتعرف اذا كان قليل او مظبوط

طب هو بيتغير منين؟ يعني لو فتحت الكبوت ملوش مكان ممكن ازوده منه بسهولة؟

**renualt_engineer** · 09-05-2010 12:59 PM

الطبه موجوده اعلى الفتيس .. يعنى لما تفتح الكبةت وتبص بين البطاريه والموتور حتلاقى وحده سوده شبه مربعه وده السويتش بتاع الفتيس اما الطبه قدامه على طول بس الصموله بتاعتها مربعه وغاطس وليها يد مخصوص احس حاجه تروح لحد بتاع زيوت وتشاور عليها وهو حيعرف يعمل ايه

**Badrashiny** · 09-05-2010 01:06 PM

المشاركة الأصلية كتبت بواسطة renualt_engineer

الطبه موجوده اعلى الفتيس .. يعنى لما تفتح الكبةت وتبص بين البطاريه والموتور حتلاقى وحده سوده شبه مربعه وده السويتش بتاع الفتيس اما الطبه قدامه على طول بس الصموله بتاعتها مربعه وغاطس وليها يد مخصوص احس حاجه تروح لحد بتاع زيوت وتشاور عليها وهو حيعرف يعمل ايه

الف شكر هبص عليها واشوفها