اولا وحشتونى موووت.. ثانيا.. ساعدونى

**amraction** · 29-12-2010 01:58 PM

السلام عليكم.. ازيكم يا اوبلاويه
وحشتونى موووووووووووووووووت
بقالى اكتر من اربع شهور ما بدخلش المنتدى.. بسبب امتحانات البكالوريوس.. والحمد لله خلصت والنتيجه ظهرت.. ونجحت ولله الحمد
بجد كلكو واحشنى جدااااااااااااااا... يارب تكونو ف احسن حال

بعد ما خلصت الامتحانات قلت افوق للعربيه ومشاكلها... فياريت المساعده

اولا.. العربيه بتتنفس بنزين.. مش بتاكل بنزين.. العشرين لتر بيعملو ع الطريق 180 كيلو اخرهم.. وجو البلد لو عملو 80 - 100 كيلو يبقا خير وبركه

ثانيا.. السحب بطئ... وف المقابل الار بى ام بيعلى اوى.. يعنى ان اعرف ان الفيكترا ممكن تشد ع التانى لحد 80-90 كده.. انا اخره معايا 70 وبلاقى الار بى ام وصل ل 5000

صوت العربيه خشن

ثالثا.. ودى اكتر حاجه مقلقانى... لما بكون ف مشوار طويل.. او مسافر و ماشى بسرعه او بحرق ع الغيارات.. لما برجع بلاقى الاربه معدش فيها ميا خالص...
وتقريبا انا كل اسبوع ونص بزودها..
رغم ان الحراره مش عاليه اوى.. يعنى من 90-95 ما بتزيدش عن كده...

حد يقولى اعمل ايه بقااااا؟؟؟؟؟

سوال كمان.. طقم البوجيهات بكام؟؟ سالت عليه عندى ف الزقازيق لقيته الجى ام ب 150 جنيه

(للعلم بالشئ.. العربيه فيكترا b موديل 2000 -- 1600 سى سى مانيوال)

**amraction** · 29-12-2010 02:16 PM

حاجه كمان نسيتها...
لما مؤشر البنزين بيوصل لاخر شرطه بيضه قبل الشرط الحمرا للى ف الاخر... بتبدا العربيه تنتش بطريقه غريبه شويه

يعنى مثلا ابقا ماشى على 60.. والاقى فجاه العربيه هديت كده.. و بعدين شدت تانى.. م عارف اوصفها كويس..

بس لو حد عنده فكره يقولى ايه ده؟؟

**ashrafnoby** · 29-12-2010 03:27 PM

طقم البوجيهات الجى ام ب 120 جنيه (0113663963

**tananybasha** · 29-12-2010 03:40 PM

موضوع اكل البنزين اللى يحكم اييه السبب الدخنه السودا و حالة البوجيهات و ان كنت اعتقد ان الرشاش ودع
الخنقة دى طرمبة بنزين و فلتر
غير الفلتر الأول و جرب
موضوع المية و الحرارة ه مش طبيعى بيدل ان فيه تسريب او لا قدر الله وش سلندر بيروح
طقم البوجيهات ب 110

**alnmr79** · 29-12-2010 07:15 PM

المشاركة الأصلية كتبت بواسطة amraction

الفلتر انا مغيره من تلات شهور
مفيش دخانه سودا
الزيت كويس مش مطحن

معلش يا باشا ان شاء الله بسيطة
انا العربية عملت كدة معايةوالميكانيكى قالى العربية مافيهاش حاجة بس ماكنتش مقطنع بكلامة ومردتش اشتغل فى العربية وخلاص اصلى مش حمل المصاريف على الفاضى

جرب يا باشا منظف الانجيكشن اللى فى كارفور ودة صناعة صينى وعلبتة لونها اسود وتمنة 14 جنية تقريبا
حط العلبة وانتى بتفول بنزين علشان يتخلط واستنى على العربية 1000كم وهتحس بفرق ملحوظ وتبقى ادعيلى.انا عربيتى 1600 برده

مافيش حاجة اسمها التانى بيجيب 80 دة اسمه تدمير ماتور وقتى التانى يل باشا لحد ال40 وانقل والتالت ال70 والرابع 100 وبعد كدة الخامس علشان تحافظ على ماتورك ومش كل شوية على الميكانيكى
موضوع المية روح لواحد بتاع رداتير سمعتة كويسة يكشفلك على الدورة ويغسلهلك وحط مية خضراء.ومتديش ودنك للعربية مدام كويسة علشان متفتحش على نفسك

**caboo_1** · 29-12-2010 07:35 PM

ولدى برده كان فى الشرقية ولما رجع مكنش فى القربة ميه خالص اللى استنتجناه بعد كدة ان المراوح مكنتش شغالى المهم عربنا ان فى الفيوزات كانو اربع بيظين وبدلناهم والحمد لله بقت كويسة بس لازم تقفل غطاء القربة اوى عشان معامل التبخير ميذتش
اه بالمناسبة انت فين فى الزقازيق وياريت لو اشوفك هناك انا رايح فى نصف شهر واحد

**N.a.j.d** · 29-12-2010 07:49 PM

مبروك ياباشا النجاح
والحمدلله ع السلامه
تانيا
حاول افحص العربيه كويس يمكن بواجي او حاجه مش طبيعيه فيها

**amraction** · 29-12-2010 07:55 PM

@ caboo
انا من القوميه.. تشرف ف اى وقت يا باشا.. ابقى قولى قبلها ع الخاص

@ najd
انا رايح للميكانيكى اللى هنا الاسبوع الجاى.. اخليه يدينى فكره قبل ما انزل الحرفيين.. وربنا يستر .. مش طالبه وش ولا قفا سلندر بصراحه

**amraction** · 29-12-2010 07:58 PM

@ al nmr

عارف ان النقل الطبيعى على 40 ... بس انا لما بكون ع الطريق بحب احرق ع الغيار.. عشان ادى سرعه للعربيه .. انا مش من الناس اللى بتمشى بالراحه..(بجرى بس ما بخدش غرز عشان محدش يقولى كده غلط)
والموتور يشيل طالما ما بتجيش ناحيه الارقام الحمرا ف الار بى ام