سؤال عن Fault الفلوينس

**meerothe1st** · 14-01-2011 11:04 AM

والدى عجباه جدا العربية بس فى نقطة واحدة أرجو المزيد من التوضيح
فى التقرير الخاص بالأستاذ Meggieboy فى نقطة مخوفانى واللى هيه خاصة بال Faults
هل معنى كلامه ان لو ظهر أى Fault وأنا ماشى ولا مسافر العربية تؤقف فى نص السكة وأضطر انى أوديها التوكيل علشان يعملوا ريسيت ولا أنا فهمت الموضوع غلط أرجو التوضيح
ولكم جزيل الشكر

**Hany Saad** · 14-01-2011 12:18 PM

المشاركة الأصلية كتبت بواسطة meerothe1st

والدى عجباه جدا العربية بس فى نقطة واحدة أرجو المزيد من التوضيح
فى التقرير الخاص بالأستاذ Meggieboy فى نقطة مخوفانى واللى هيه خاصة بال Faults
هل معنى كلامه ان لو ظهر أى Fault وأنا ماشى ولا مسافر العربية تؤقف فى نص السكة وأضطر انى أوديها التوكيل علشان يعملوا ريسيت ولا أنا فهمت الموضوع غلط أرجو التوضيح
ولكم جزيل الشكر

سيدى الفاضل...حضرتك فهمت الموضوع صح.....

طبعا الكلام ده للدقة أنا جايبه من مهندسى مركز الخدمة للوكيل...

الشىء الإيجابى هو إن السيارة بقالها فترة مش قصيرة و الحمد لله أعطالها نادرة جدا و أقل من الطبيعى....

لاحظ إن اللى هيسبب كده هيكون عطل إلكترونى و ليس ميكانيكى.... يعنى مشكلة حساس و كده....

نيسان أضفت كثير جدا من خبرتها فى الإعتمادية على الفلوانس و ده مخليها تقريبا منعدمة الأعطال الإلكترونية حتى الأن....

الشىء الجيد برده إن حضرتك عندك خدمة طريق 24/7 لو حصل حاجة لا قدر الله و ده نادر.....

للأسف دلوقتى زى كل الموديلات الحديثة لازم يدخل على الmain server بتاع رينو و يعمل registration للعربية علشان يعمل resetting للfault.....

لاحظ برده إن معظم الأوروبى الحديث هيبقى ماشى على نفس السيستم يعنى الموضوع ده هتلاقيه فى رينو فقط....لأنهم فى أوروبا الخدمة المتنقلة دى أسهل شىء فى الوجود ده غير إنك ممكن بسهولة تكلم عربية تقطر عربيتك العطلانة و التوكيل بيديلك courtesy car لغاية لما سيارتك تتصلح و ده شىء طبيعى جدا فى أوروبا.....
طبعا ده يخلينا نعمل stress جامد جدا جدا على إختيار التوكيل الجيد قبل السيارة الجيدة......

**Hany Saad** · 14-01-2011 01:13 PM

أسف على الخطأ المطبعى لذا لزم التصحيح.....

المشاركة الأصلية كتبت بواسطة meggieboy

لاحظ برده إن معظم الأوروبى الحديث هيبقى ماشى على نفس السيستم يعنى الموضوع ده " مش " هتلاقيه فى رينو فقط....لأنهم فى أوروبا الخدمة المتنقلة دى أسهل شىء فى الوجود ده غير إنك ممكن بسهولة تكلم عربية تقطر عربيتك العطلانة و التوكيل بيديلك courtesy car لغاية لما سيارتك تتصلح و ده شىء طبيعى جدا فى أوروبا.....

**Hany Saad** · 14-01-2011 03:37 PM

المشاركة الأصلية كتبت بواسطة meerothe1st

شكرا جزيلا على الإجابة السريعة والواضحة
بس طبعا احنا فى مصر وهل خدمة الوكيل ترتقى زى بره

عن خبرة سنيين مع توكيل رينو....أحب أقولك إنه من التوكيلات المعدودة المحترمة فى مصر....

و ده اللى بيخلينى مش قادر أسيب رينو بسهولة حتى لو فيه سيارات أخرى تتفوق عليها من حيث الجودة و لكن الأهم بالنسبة لى هى خدمة ما بعد البيع....لاحظ إن السيارة تعتبر إستثمار قصير الأجل و لو لفترة 5 سنوات...أنت تحتاج مهندسيين و فنيين مهرة و قطع غيار متوفرة أو ممكن طلبها خصيصا لك...شخص مسئول تستطيع التحدث معه و قادر على إتخاذ قرارات حتى لو كانت غير تقليدية و أخيرا شركة أم محترمة تقدر تراسلها بالميل و قادرة أيضا على إتخاذ قرارات تنصب فى صالح العميل.....كل ده موجود بالفعل فى توكيل رينو و عن تجربة كل شق من اللى أنا قلته....أنا مش بقول إنهم ideal و لكن من السهل أخذ حقك و أكثر معهم.......

لاحظ إنهم فعلا عندهم خدمة أعطال الطريق على غالبية الطرق الحيوية عن طريق الإتصال بالخط الساخن و لكن صراحة لم أجربها....
كان مرة عندى البطارية نايمة فى الجراج تحت العمارة و إتصلت بمركز الخدمة و قالولى العيب ده بطارية حاول تقومها بكابل و تجيبها على مركز الخدمة و لو معرفتش كلمنا و إحنا نجيلك لغاية عندك نغيرها....الحمد لله العربية قامت بالكابل و روحت هناك غيرولى بطارية عربية تحت الضمان بعد مرور سنتين من الإستخدام...فى توكيل أخر دون ذكر أسماء رفض تغيير البطارية لى بعد 6 شهور فقط..!!! أنا سعيد بالسيارة و بالخدمة اللى بلاقيها عندهم و ده سبب كافى إنى أفضل متمسك برينو....