الموضوع: لغز اسمة ميجان ؟؟؟؟؟؟؟؟؟؟؟؟

بكل صراحة .. و بعد عشرة عمر 6 سنين و 200 الف كيلو .. قطع غيار عادية جدا بره التوكيل .. أهم حاجة برة التوكيل دي
لأنها كانت وصلت لقرب ال 12 الف عربية تقريبا .. و بعد 5 الاف عربية التجار بيجيبو قطع غيار تجاري تركي علي تايواني علي صيني علي تونسي ... الخ
ده غير الاستيراد يامعلم
الجديد بقي .. قطع غيارها أرخص من اللوجان !!!!!!

ده علي أساس ان قطع الغيار و المكونات المغربي افضل يافندم؟
بالاضافة لإن التجاري التركي درجات برضه علي فكرة

المشاركة الأصلية كتبت بواسطة shawkylotfy

مفيش حاجة اسمها قطع غيار مغربى العربية ذات نفسها كل مكوناتها فرنساوى والتقفيل فقط بيبقى فى المغرب مثلا بالنسبة للوجان او تركيا للميجان

تصحيح بسيط......موضوع إن كل المكونات فرنسى و التقفيل فى تركيا أو المغرب ده موضوع مش حرفى كده....أو بمعنى أصح جمل تستخدم فى البيع فقط علشان الزبون يطمن و ما يقلقش من إختلاف المنشأ عن الشركة الأم.....زى عبارات : ألمانى تقفيل صينى و يابانى تقفيل ماليزى و ما شابه.....

كل هذه المعلومات غير صحيحة بالمرة.....

بالنسبة للوجان العربية أصلا مش رينو علشان تبقى مكوناتها كلها فرنساوى....أصل العربية " داتشيا " رومانى و التقفيل مغربى.....يبقى إزاى كل المكونات فرنسى و بعدين كلمة كل دى صعبة قوى تلاقيها.....

حضرتك هل تظن إن المغرب فاتحة مصنع لرينو أو لداتشيا ليه؟...هل علشان تشغل أيدى عاملة فقط....لأ طبعا.....يوجد منتج محلى مغربى....و لو مسامير أو زجاج أو كاوتش أبواب أو بطارية أو كراسى أو أو و ده إسمه الصناعات المغذية اللى لازم المغرب تشترطه على الشركه الأم علشان تفتح المصنع فى المغرب و تستغل الإمتيازات....و ده نفس الحال فى مصر يوجد حوالى 40% منتج محلى.....

بالنسبة للميجان هتلاقى ترس الديفيزور من شركة ديلفى فى أمريكا.....جميع الفوانيس الأصلية صناعة تركية أغلب مكونات العربية من تركيا....بعض المكونات الخاصة من بلجيكا و هكذا.....دلوقتى المكونات الفرنسية او الألمانية هتلاقيها نادرة جدا جدا و ذلك بسبب المنافسة الرهيبة جدا جدا من موردى الصين و تركيا و بولندا اللى بيقدروا يوفروا المكونات بجودة معقولة جدا و بأسعار منافسة جدا لا يستطيع المورد الأوروبى الوصول لها أبدا.....و كل ده علشان أفضل محافظ على شريحة سعرية معينة بالرغم من الإرتفاع الرهيب فى سعر المواد الخام العالمى.....

ما عدا بعض القطع البسيطة ذات التكنولوجيا العالية اللى لسه الشركات العالمية لا تثق إلا فى بعض الموردين الأوروبيين بالأسم .....

للتوضيح مثلا.....الميجان كانت سنة 2005 بتتباع أول فئة ب125000 جنيه.....و سنة 2011 الفلوانس برده كانت بتتباع ب125000 طيب و ال6 سنين الفرق دول مفيش قطع بتزيد و لا خامات بتغلى و لا فرق عملة و لا أى حاجة...

أكيد لا...لأن أغلب الموردين العالمييين بيزودوا تقريبا أسعارهم سنويا بحوالى 10% على أقل تقدير.......

الحل للمحافظة على شريحة سعرية معينة هو دور إدارة "supply chain department" أو " procurement" هو البحث عن موردين جدد من أى مكان فى العالم " أكيد مش أوروبا الغربية علشان الأسعار و لكن من بولندا، التشيك، تركيا ، البرازيل، المكسيك و بعدين نطلع على ماليزيا و هونج كونج و الصين.......طبعا كل هذه القطع حاصلة على شهادة الجودة الأوروبية ce و الiso9001 و rohs و خلافه....يعنى جودة عالية و سعر جيد.......