الموضوع: حموت من الغيظ ,السينيك2 والمية وحساسات الفتيس

المشاركة الأصلية كتبت بواسطة karkory

مساء الفل على احسن منتدى في الدنيا
حكاية غريبة جدا مع عربيتي السينيك 2 موديل 2005 اشتريتها مستعملة من شهرين
وكانت زي الفل لغاية مابتدت حكاية المياة
البواب غسلهابالخرطوم وهي مقفولة والكبوت مقفول وكله تمام
وفجاه ظهرت رسالة
electronic fault
وبعدها check gearbox
والنقلات رااااااااحت والستب ترونيك راااااح والعربية مش راضيه تدووووور ؟؟؟؟؟؟؟؟؟
حاولت معاها دارت بالعافية على ال N ونقلت على ال D النقلة مش منورة على الشاشة وبتمشي على الاولاني بس وصوت المتور عاااااالي وال RPM على 4000
حمدت ربنا ورحت على عثمان موتور فيصل قالوا حساس النقلات بايظ يتغير ب 700
غيرته وكله تمام النقلات اشتغلت وكله زي الفل
بعدها بيومين ماشي في امان الله على 80كم وشوية مية على الاسفلت كانوا بيسقوا الزرع في نص الطريق و.........طششششش ..................عادي ما كل العربيات عدت عليها اشمعنا انا يعني!!!!!!!!واذ فجأتاااااان !!!!!!
electronic fault
وبعدها check gearbox
تااااااااااني؟؟؟؟؟؟؟؟
النقلات شغالة كويس ومنورة على التابلوه والفتيس بينقل على الثاني والتالت والرابع
فتحت الكبوت وحسست على الحساس الجديد مفيش عليه ميه ,مشيت لقيت الفتيس بينتش جامد بين النقلات والسحب بقى ضعيف جدا رحت تاني على عثمان وهناك كانت الصدمة ....ثلاثة الاف جنية .............ليه..مين..فين..كام؟؟؟� �؟؟؟؟؟؟
ايه اللي حصل ؟؟
حنغير ثلاثة حساسات في الفتيس والزيت وشغل تاني!!!!!!
كل ده عشان مشيت على شوية مية؟
اصل العربية دي حساسة من المية.
طب اعمل ايه؟البسها بامبرز ؟؟؟
ما العربيات الكوري والياباني بيغسلوها في البنزينة شاسيه من تحت وهي مرفوعة بالميه والصابون كمان!!!
ايه الفشل ده؟؟؟
خلصنا من الحساس اللي فوق فاضل الحساسات اللي تحت؟؟؟
مش عارف يعني هيه فرنسا مفهاش مية ولا مطرة؟؟
ايه الحساسات دي مكشوفة مفيش عليها حماية؟؟؟
طب هعمل ايه والشتا داخل؟؟؟
نداء الى كل من يستطيع المساعدة من اعضاء المنتدى حيث ان معلوماتي عن السيارات عامة ضئيلة.
وانامش عارف اعمل ايه ؟
ومازال مسلسل
check gearbox
مستمرا
والى اللقاء في حلقات اخرى.
وشكرا لسعة صدركم والسلام عليكم ورحمة الله.

مساء الخير حضرتك......

هذا الكلام ليس له أى أساس من الصحة مع إحترامى لعثمان موتورز مع إنى ليس لى سابق معرفة به....

السينيك هى هى الميجان لا يتأثروا بالميه شأنهم شأن أى سيارة أخرى.....لاحظ أنا من إسكندرية و بعد الشتا إسكندرية بتبقى حمام سباحة و بنضطر نعدى فى بحيرات مياه و لا توجد أى مشكلة بتاتا لا من ميه و لا من غيره....

نصيحة حضرتك إطلع بالعربية على التوكيل....شكلها كده فيه قفله بتحصل لما الميه بتيجى على الجيربوكس من تحت و علشان كده بتطلع رسالتين check gear box و electronic fault.......

علشان الرسالتين دول يطلعوا مع بعض يبقى فيه مشكلة إلكترونية بتحصل لما الجيربوكس بيجى عليه ميه........

هل يا ترى عملت كشف كامل فى التوكيل على العربية قبل ما تشتريها؟

على العموم إطلع على التوكيل علشان متعدش تدفع فلوس على الفاضى بدون حل ناجع و نهائى.....

و طمنا عليك......