الموضوع: ضغط الاطارات الخلفية والامامية 210 KPa

انا فضيت الهوا ومليت الاطارات نيتروجين و النتيجة ممتازة جدا ياريت تجربوها

المشاركة الأصلية كتبت بواسطة drpeter

مساء الخير

كنت قولت قبل كدا موضوع اضبط الاطارات على كاام
وناس كتيرة تفضلت مشكورة بالرد على الموضوع

ضبط الاطارات كما هو معلوم مكتوب على ورقة ملزوقة على باب السائق
وكان مكتوب لدى

ضغط هواء الاطارات الامامية
210 kpa
ضغط هواء الاطارات الخلفية
kpa 210

ومن هنا نستنتج ان البى واى دى تنصح ان الامامى زى الخلفى رغم ان في ناس تقول لازم يكون اللى قدام ازيد من الخلفى على حمل الموتور
وفي ناس بتقول الافضل انه يقول اقل درجة

ولتحويل هذه القيمة اللى القيم اللى نعرفها لما نروح عند الراجل بتاع ضبط الاطارات ويكون بيحسب بمقياس
psi
تضرب العدد في
0.145
لو قمت ضرب 210 في 0.14 يصبح الضغط
29.4
لو قمت ضرب ال 210 في 0.145 يصبح الضغط
30.45
لو اخدنا المتوسط سيصبح الناتج الافضل لضبط الاطار هو 30
لكن هل اللى عاوز اسال فيه هل فعلا الامامى لازم يكون زى الخلفى ولا االامامى اقل ولا ازيد من الخلفى

منتظر مشاركاتكم وتعليقكم ولو في اى غلط ياريت تنبهونى

طبعا اسلوب علمى مميز وجميل واذا وصلنا الى رقم 30 السؤال هنا فى الشتاء ام فى الصيف وشكرا جزيلا

المشاركة الأصلية كتبت بواسطة rti

انا فضيت الهوا ومليت الاطارات نيتروجين و النتيجة ممتازة جدا ياريت تجربوها

الفاضل rti من كل المشاراكات التى قرائتها لم اقرا راى جازم بفائدة النيتروجين الا فى مشاركة سيادتك ارجو من سيادتك ذكر المكان الذى ملات منه النيتروجن وشكرا جزيلا

فى الشتاء 30 و الصيف 32

المشاركة الأصلية كتبت بواسطة elmanahry

الفاضل rti من كل المشاراكات التى قرائتها لم اقرا راى جازم بفائدة النيتروجين الا فى مشاركة سيادتك ارجو من سيادتك ذكر المكان الذى ملات منه النيتروجن وشكرا جزيلا

في اماكن كتير بقى عندها جهاز ملو n2 فى القاهرة وانا سمعت عنه فوائد كثيرة ولكن اهمها والتي لاحظتها بمجرد التغير من الهواء للنيتروجين نعومة العفشة بشكل كبير و العربية بتاخد المطب بشكل سلس ناعم ملحوظ جدا كمان اسمع انه بيطول عمر الكاوتش لان الاطارات مابتسخنش زي الهواء العادي وكمان بيفيد الثبات وده انا انشاء الله هالاحظه وانا رايح اسكندرية و المفيد في الموضوع ان ظبط الهواء بيكون مرة او مرتين فى الشهر فقط وبيكون نيتروجين طبعا . انا حطيت النيتروجين عند واحد في السواح و الموضوع جه قدرا انا كنت واقف اظبط هواء عادي بس لما لاقيت عنده الجهاز اخدت واديت معاه فى الكلام والحمدلله تمت العملية بنجاح .

الاستاذ الفاضل rti
32 كضغط هوتاء صيفا يعتبر عالى جدا
فالصيف المفروض درجة الحرارة على ما اعتقد تقل عن الشتاء
اى اقصد ان يكون 30 صيفا و 32 شتاءا بناء على كلامك
فنرجو التوضيح

دكتور المناهرى للاسف ماهو مكتوب في باب السائق لم يحدد ماذا كان صيفا ام شتاءا
وياريت نبحث في هذا الامر لانى اعتقد ان رقم 30 هذا شتاءا لانه يتناسب في هذا مع جو الصين
انا مش عارف بصراحة

ياريت من عنده خلفية عن مميزات وعيوب النيتروجين يفيدنا ويعطينا النصيحة الاصح وشكرا لكل من يشارك بمعلومة تفيد الاعضاء