الموضوع: عملت صيانة 80000 للميجان و لكن!!

انا مش مهندس بس اعرف ان عامود الكرنك بيكون فى السيارات ذات الدفع الخلفى ووظيفته نقل الحركه من الماتور الى العجل فى الخلف ولكن الميجان دفع امامى ويمكن الترجمه غلط وارجو التصحيح حتى يستفيد الكل وطبعا المبلغ كبير فعلا وهذا من اسباب سوء سمعه الميجان وربنا معاك

صحيح ايه حكاية عمود الكرنك دى ؟؟
السعر طبعا عالى جدا جدا مش ممكن مصنعية تغيير فرامل امامية و خلفية و فلتر تزيت و تكييف 500 جنيه
اى بتاع عفشة 50 جنيه هتغرقه و تغيير الزيت ببلاش و فلتر التكييف بعشرة جنيه مع فلتر الهوا ليه الرقم الرهيييب دا
لو التوكيل حتى اسعاره ضعف الاسعار اللى برة يعنى لو بندفع مثلا برة 100 جنيه مصنعية و هو ياخد 150 و لا 200 هنروح كلنا التوكيل مش هتفرق ال 100 جنيه ساعتها لكن الرقم يبقى x5
حرام فعلا

الكرنك يعتبر هو الجزء الأساسى فى الموتور إللى بيبقى راكب فى البلك وراكب عليه البلات والبساتم وبيكون كل لما يلف ياخد زيت من الكارتيره إللى هى فيها زيت التزيت للموتور ككل اما البولى ديه تعتبر طنبوره راكب عليها سثور ممكن تكون طنبوره بتنقل لعمود الكامات او التكييف على العموم هى وسيله لتعليق السيور ونقل الحركه من جزء إلى جزء اخر بيكون راكب عليه طنبوره تانيه وشكلها بيكون دائرى ولها حافتان ومجرى بينهم يركب عليهم السير واى خدمه

مع الاعتذار انا قصدى عامود الكردان وليس الكرنك وانا اقصد الافاده للجميع

المشاركة الأصلية كتبت بواسطة yoko

غريبه إنهم بيغيروا crank pulley
ودي بكره الكرنك الي بيركب عليها سير الكتينة وسير المجموعة ودي المفروض بعمر العربيه متتغيرش ولو فيها حاجة تبقى ضمان
ده إستهبال رسمي

لا هي بتتغير رسمي صيانة ٨٠٠٠٠ بقالهم فترة لكن ليه معرفش! و انا مش في الضمان اصلا

البكرة دى اللى هى البلية ؟؟
انا غيرتها و انا بغير سير الكاتبية و الشداد و هى مش غالية كدا