سؤال لكل مالكى المازدا 3

**hoshtoki** · 25-09-2012 06:58 PM

مقبل على شراء مازدا 3 2008 بس ناس كتيره مخوفانى من موضوع قطع الغيار. كل الناس بتقولى قطع غيارها غاليه ومش موجوده فكنت عاوز اعرف من اصحاب العربيه نفسهم موضوع قطع الغيار بالظبط يعنى موجوده ولا مش موجوده وفين مكان محلات قطع الغيار واسعارها غاليه فعلا ولا ايه.واخبار قطع الغيار الاستيراد ايه فالحرفيين.
وكنت عاوز اعرف العربيه نفسها عامله ايه لان ناس كتير تقولى خليك فاللانسربس انا مابحبش العربيه دى.
مع الشكر

**wowohero** · 25-09-2012 10:49 PM

اختيار موفق ان شاء الله
انا كنت زيك كده قبل ما اشترى العربية ولما جبيتها حمدت ربنا على الاختيار ده
وبالنسبة لقطع غيارها متوفرة بكثرة فى الحرفيين وشارع دمشق
وبالنسبة لاسعارها مقارنة بمثيلاتها فى نفس فئاتها معقولة الى حد ما مع افتراض العمر الافتراضى اطول مع القطعة الاصلية
وهى كعربية اداء وتسارع وثبات عالى جدا بسم الله ما شاء الله عليها
وفى الاخر ربنا يوفقك للاحسن ان شاء الله

**hoshtoki** · 26-09-2012 01:41 AM

الف شكر على الرد وان شاء الله ربنا يوفقنى ف حاجه نضيفه

**Thebutcherr** · 26-09-2012 03:46 PM

زى ما وووو هيرو قاللك كدة كان زمان موضوع قطع الغيار قارفنا
دلوقتى بقى الاصلى و اليابانى و التايوانى و الاوروبى و الصينى و التايلاندى موجود فى كل حته
حتى الاصلى كمان سعره نزل عن سنتين تلاتة
لما تيجى تقارنها بالانسر تبقى مقارنة فيها ظلم للانسر عشان شكل ,اداء , ثبات, جودة داخلية, صالون...... مازدا طبعا مع انى بحترم الانسر جدااا لانها يابانى و معمرة و اقتصادية

**hoshtoki** · 26-09-2012 05:10 PM

شكرا يا جزار باشا وان شاء الله نستفيد منك علشان انا عاوز اعرف الصيانه بتاعتها مين بيعملها فالزقازيق ولا لازم تروح مصر بيها . اصل الميكانيكيه شكلهم مايعرفوش حاجه فيها لان كل ماسالهم عالمازده يقولى ابعد عنها احسن

**medokassem** · 26-09-2012 05:28 PM

المشاركة الأصلية كتبت بواسطة hoshtoki

شكرا يا جزار باشا وان شاء الله نستفيد منك علشان انا عاوز اعرف الصيانه بتاعتها مين بيعملها فالزقازيق ولا لازم تروح مصر بيها . اصل الميكانيكيه شكلهم مايعرفوش حاجه فيها لان كل ماسالهم عالمازده يقولى ابعد عنها احسن

لا ياباشا وانتا هتحتاج لميكانيكي ليه ، البوجيهات انا ليا واحد صاحبي معاه العربية بغيرها بنفسه فمعني كده اقل ميكانيكي هيعرف يعملها وفلتر البتنزين تغيره بنفسك عادي جدا غير كده مش هتحتاج لميكانيكي في اي حاجة انشاء الله