بسم الله الرحمن الرحيم
إخواني الأعضاء المحترمين
النهاردة ركب الدنجل اللإستيراد اللي جبته .. خلص علي 250 جنيه من غير طنابير
ومصنعية تركيبه كانت 80 جنيه والحمد لله روحت عند قياس الزوايا واللإتزان قالي تمام التمام
لكن المشكلة ان زيت الفرامل ( بيقولو عليه زيت الباكم) نقص
طبعا اتزنقت فجبت علبة زيت موبيل أبيض واللي في العربية أصلا أخضر وزودنا عليه بس مش عارف كده هيحصل مشكلة ولا إيه ..وفضينا الهوا ..لكن المشكلة ان الفرامل لسه ضعيفه
فالعفشجي قالي إن احنا عاوزين نرجلش فرامل اليد .. فقالي روح لميكانيكي اسمه سيد عبده والراجل ده للي يعرفه عنده زحمة مستفزة
انا حتي معرفتش أتكلم معاه من كتر الزحمة بس قالي احنا خلاص هنشطب تعالي يوم الأتنين
فأنا مستني أروحله لكن لو حد يعرف السبب يا ريت ينورني
وسؤال عالسريع كده انا كنت غيرت علبة الدركسيون بواحدة استيراد .. وكنت حطينا زيت موبيل أحمر .. المشكلة ان انا لما ألف التارة شمال بتزيق جامد .. فواحد قال ان الزيت غلط وهات الأبيض الأمريكي ده هيظبط المسائل .. والعفشجي قالي ان خلاط الزيت مش شغال هات واحد .. وسيد عبده قالي عادي إمشي بيها كده .. المشكلة ان الصوت مزعج وانا مبحبش أمشي بالمنظر ده .. برضو لو حد عنده خلفية ينورني
أسف لللإطالة
المفضلات