أفضل زيت لمحركات رينو

**Tarek1** · 14-01-2013 08:06 PM

السلام عليكم يا شباب.

سؤالي بخصوص أفصل زيت موتور للرينو و هل التخليقي ولا المعدني؟؟

أنا شايف ان مكتوب علي العربيات Total بس انا عارف أن دي أحيانا بتكون deals و مش لازم يكون ده أفضل زيت. أو ممكن يكون الوضع في مصر مختلف . يعني أقصد متلا Total في مصر مش كويس متلا...

أنا أصلي جربت ال Total النص تخليقي مع اللانسر و بصراحه كان ضايع, موت سحب العربية.

و تقبلوا خالص تحياتي.

**Deshahcoka** · 14-01-2013 09:11 PM

موت سحب ايه بس .. انا مجرب توتال 10 الف و خمس الف :] و زيت فتيس at42

زيت تحفة .. اهم حاة من توكيل او بنزينة ...

**Tarek1** · 15-01-2013 04:16 AM

المشاركة الأصلية كتبت بواسطة deshahcoka

موت سحب ايه بس .. انا مجرب توتال 10 الف و خمس الف :] و زيت فتيس at42

زيت تحفة .. اهم حاة من توكيل او بنزينة ...

أنا كنت مغير الزيت فى محطة توتال التجمع. و الله كان هيخلينى أبيع العربية من كتر ما بقت ثقيلة.فى السحب.
لما جه معاد التغير، حطيت موبيل وان و الفرق كان شاسع. أنا قولت ساعتها يمكن علشان ده معدنى و ده تخليقى، أو يمكن توتال مش مناسب مع اليابانى. علشان كده أنا بسأل.

شكرا.على مرورك.

**mostafanageib** · 15-01-2013 05:12 AM

ةالله انا بستعمل شيل خمس تلاف و ماشى معايا كويس و بسمع ان شيل احسن من موبيل كمان

**Deshahcoka** · 15-01-2013 09:50 AM

المشاركة الأصلية كتبت بواسطة tarek1

أنا كنت مغير الزيت فى محطة توتال التجمع. و الله كان هيخلينى أبيع العربية من كتر ما بقت ثقيلة.فى السحب.
لما جه معاد التغير، حطيت موبيل وان و الفرق كان شاسع. أنا قولت ساعتها يمكن علشان ده معدنى و ده تخليقى، أو يمكن توتال مش مناسب مع اليابانى. علشان كده أنا بسأل.

شكرا.على مرورك.

مش عشان كدة انا مستغرب لحضرتك ...

انا كنت بحط موبيل للبي ام كان 7 لتر عشان مكنة 6 سلندر و كان مبيقعدش 3 الف كيلوا على بعض و بيتحرق ...

غيريت لشيل بقيت احطه للبي ام بقى حلاوة و زي الفل و كنت بحطه للكيا من اول ما جبتها

و بعدين بقالي سنة غيرت من شيل لتوتال و فعلا فرق شاسع حسيت توتال مميز و انضف ... غشر شيل تلاقيه مرمي و متضمنش اصله ايه :)

ممكن انتا نفسيتك هيأتلك كدة :( و ممكن فعلا عشان هوا زيت تقيل و كويس خلا الموتور تقيل و ده افضل من انوا يكون خفيف و يخلي الموتر مسلوع :)

**MohammedAladel** · 15-01-2013 10:38 AM

أنا بصراحة جتلى عقدة من توتال معرفش ليه

على العموم حط أى نوع زيت محترم يعجبك مش شرط توتال يعنى وأنا مقدرش أقول إنه وحش بس أناغيرته لشل وشايف إن صوت الموتور بقى أهدى بكتير معاه

شل ألترا 5w40

وبالنسبة لتوتال ورينو فعلا دى تعاملات

**Formulator** · 16-01-2013 04:58 PM

@ Deshahcoka

أول واحد أشوفه بيشكر فـ التوتال ده؟؟!!!
سواء الـSynthetic اللى هو Quartz 9000، أو الـSemi-synthetic..

شوف
عز-العرب: ستروين-بروتون-كرايسلر
رينو: ميجان-فلوينس واللوجان وإخواتها.. وأعرف كتيييييييير غيروا وفكوا منه

كله بيسب فـ التوتال ده شتيمة آخر حاجة؟؟!!
صوت عالى، ضعف فـ السحب.. وزيادة فـ إستهلاك البنزين وكمان عمره قصير!!

وخد بالك من حاجة: مستحيل يكون التوتال Quartz اللى بيتباع فـ مصر ده.. هو نفس الـelf الفرنساوى؟؟!!! No-way

@ Tarek1

لو ينفع انك تجيب الزيت بمعرفتك؟ (وتغيره فـ التوكيل يعنى):
يبقى الشيل ألترا أو LiquiMoly أو كاسترول Edge

**Deshahcoka** · 16-01-2013 07:57 PM

المشاركة الأصلية كتبت بواسطة formulator

@ deshahcoka

أول واحد أشوفه بيشكر فـ التوتال ده؟؟!!! :b4_444:
سواء الـsynthetic اللى هو quartz 9000، أو الـsemi-synthetic..

شوف
عز-العرب: ستروين-بروتون-كرايسلر
رينو: ميجان-فلوينس واللوجان وإخواتها.. وأعرف كتيييييييير غيروا وفكوا منه

كله بيسب فـ التوتال ده شتيمة آخر حاجة؟؟!!

صوت عالى، ضعف فـ السحب.. وزيادة فـ إستهلاك البنزين وكمان عمره قصير!!

وخد بالك من حاجة: مستحيل يكون التوتال quartz اللى بيتباع فـ مصر ده.. هو نفس الـelf الفرنساوى؟؟!!! No-way

@ tarek1

لو ينفع انك تجيب الزيت بمعرفتك؟ (وتغيره فـ التوكيل يعنى):
يبقى الشيل ألترا أو liquimoly أو كاسترول edge

باشا بتتكلم بجد حضرتك !؟ ؟!

اصلوا انا شايف كله محصل بعضه من الاخر يعني !